13 Yɛ́su cú mbɔ̌ pfúpɔ́ ŋɡɔ: «Sɛn pɔ́ yú.» A sɛn, pɛ́ jʉ́ɔ ɛ́ pɛn ńtɛntɛ pɑ́Ꞌ yɛcɔ́.
Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.
Yɛ́su zúꞋ, ńcɑklɛ pɔ́ ŋ́ɡẅɛɛ wɛ́, ńcú mbɔ̌ wɛ́ ŋɡɔ: «Ŋ kɔŋ pɔ́Ꞌɔ, fíitɛ.» ŊkɑꞋ ɡɔ́ɔ ḿmɛ nǔu wɛ́, ɑ ɡɔ́ɔ ɛ́fíitɛ.
ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»
Ɛ́ ɡɔ́ ḿbɔ́ tɑ́t pɛ́ Pubilíyus ɛ̂wɑ́ nɔɔ ndɑ́, ḿbɔ́ ŋ́ɡɔɔ. Mbʉʉnút pɔ́ nǔu wɛ́, sɑɑkɔ́Ꞌ pɔ́ ŋ́ɡɛ wɛ́. Pɔ̂l ɡʉ ńjʉ́ɔ wɛ́, ńcɛꞋlɛ Sɛ́ ńzɑ́p mbɔ́ tú yɛ́, ŋ́ɡɛ ɑ fíitɛ.
