Mɑtʉ̈ɔ 11:25 - Kɑɑ Fí

²⁵ Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 11:25 交叉引用

Mɑtʉ̈ɔ 21:16

ŋ́ɡɔ́ɔ ŋ́kɛ́ ḿbíkŋɛ Yɛ́su ŋɡɔ: «Tɛ ɔ sɛ́ ńzúꞋ yúu mi mbɔ́ŋkʉ̈ɔ́ sɛ́ ńcú lɑ́?» Yɛ́su tsɔ́Ꞌ mbɔ̌ pɔ́p ŋɡɔ: «Mɔ sɛ́ ńzúꞋ!» Ḿbɛn ŋɡɔ: Pʉʉ ŋkɑɑ mɔ́ ɛ́fúŋ ŋkɑŋ-ŋwɑꞋnɛ-Sɛ́ yi ɛ́ cúnɛ ŋɡɔ: «mbɔ́ŋkʉ̈ɔ́ tɛ mbɑ pɔ́ɔ mbɔ́t, ḿbɔ́ ńdɔk ntsu wɔ́p ŋ́ɡúꞋlɛ wú pɑ́Ꞌ ɔ kɑ tsɑ́ɑnɛ pɔ́ kɛ?»

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

ŊwɑꞋnɛ-Gɑŋntúu Yɛ́su Kɛlístɔ 17:24

Sɛ́ ẅi ɑ kɑ niitɛ́nɛ mbí ŋ́ɡɛ yúu mi ɛ́ tsɛtú. Jʉ́ pɔ́nɛ Tsɑpʉɔ tʉ́nɛ́pú mbɑ ndǔ tsɛ́tsɑ́Ꞌ. A lɔɔ ńtswɛ́ tsɛt mɛzʉꞋ-sɛ́ mi pʉɔmɛsɔŋ lɔknɛ mbɔ́ mɔ́p ŋ́kút pɔ́.

Jɑ̂ŋ 11:41

Pɛ́ pɔ́ tɛ kẅɛ́Ꞌlɛ ŋɡɔꞋ, Yɛ́su pʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋ ɡɑ́ pɑꞋlɑ́ pɑ́Ꞌ n cɛꞋlɛ́nɛ wú, ɔ zúꞋ.»

Lúkɑ́shi 22:42

«Tɑ̌ɑ mɔ, ɔ lɑɑ ńjʉ́ɔ, ɔ pɑꞋnɛ wɑ́ɑ nǔu yɔ ŋɡʉ̈ɔ́Ꞌ yi, ɛ́ sɛ́ ńtɔ́ nǔu mɔ lɑɑ. Lɑ́, mɔ ńcú ŋɡɔ ɔ ɡɛ pɔ wɑɑ nɛkɔŋtɛ pɔ́. Gɛ pɔ wu nɛkɔŋtɛ.»

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

Jɑ̂ŋ 12:27

Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»

Jɑ̂ŋ 12:28

Tɑ̌ɑ mɔ, ɡúꞋlɛ lík yú. Ŋɡi-ŋu ɡɔ́ɔ ŋ́kɛ́ ɛ́fú nɛpú ńcú ŋɡɔ: «Ŋ ɡúꞋlɛ mɔ. Ŋ ɡʉ ḿbɛn ŋ́ɡúꞋlɛ fí fí.»

1 Kɔlɛ̂ŋtɛ 2:10

Sɛ́ kɑ pɛn ŋ́ɡɛ Zẅikŋɛ Lɛ́ɛnɛ́nɛ ɡɛ pɛkŋɛ jínɛ yîyɑ́ nu yi ɛ́ kɑ pɔ́ yɛ lʉɔmɛ́nɛ. Zẅikŋɛ Lɛ́ɛnɛ́nɛ zɛɛ ńtuŋtɛ́ nu tsʉʉ, tɛ mbɑ mɛnu mi Sɛ́ pɛ́tnɛ ŋ́ɡẅɛɛ pɔ tsɛt mvuꞋ-tʉ́m yɛ́.