Mɑtʉ̈ɔ 10:42 - Kɑɑ Fí

⁴² Mɔ ɛ́sẅíi wʉ́ʉ, kwɑꞋ nɛ́nẅín, ŋu ɡɑ́ pɔ ndɑꞋ ntúꞋ-ŋki ẅí ɛ́ sɛ́ ŋ́ɡẅɛɛ mbɔ̌ mɔ́yúu mɔ́ɔ, ńdɔk pɑ́Ꞌ ẅîwɑ́ mɔ́ɔ ŋɡɑŋku wɑɑ ŋ́ɡɑ́, mbɔ yɛ́ tsɔ́ꞋfɑꞋ ŋ́ɡʉ ńdɑ́Ꞌ ḿbɛ́ pɔ́.

Mɑtʉ̈ɔ 10:42 交叉引用

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

2 Kɔlɛ̂ŋtɛ 8:12

Ŋu ɡɑ́ yúu nɛ́ tʉ́m sʉ́Ꞌnɛ, Sɛ́ ɡɔ́ ḿbɛ́m yúu mi ŋɡɑŋ ɡɑ́nɛ, ɛ́fú pɔ nǔu yi ŋɡɑŋ ɡẅɛɛnɛ, ɑ kɛ́ fú nǔu yi ŋɡɑŋ kɑ́ ɡẅɛɛ pɔ́.

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

Lúkɑ́shi 17:2

Mbi pɑꞋ mbɔ pɛ́ cʉŋɛ mɑ́mɑ́ luŋ lɔ́ŋ-ŋɡɑŋ, ḿmɑꞋ wɛ́ tsɛt Mí, ńtsɑ pɑꞋ ḿbɔ́ pɛ́ nɑ́ wɛ́, ɑ ɡɛ tɛ wɛcɔ́ tɑ́Ꞌ nǔu pɛɡɛɡʉʉ pɑ́ɑ lɛɛ nzʉʉ yɛ́ lɑ ɛ́fɑɑnɛ nu.

Mɑtʉ̈ɔ 18:14

Ɛ́ kɛ ḿbɔ́ pɔ pɔ́Ꞌɔ nǔu Tɑ̌ɑ wʉʉ ẅí ɑ tʉ́nɛ́pú, ɑ kɑ́ kɔŋ ŋɡɔ wɛcɔ́ tɑ́Ꞌ nǔu mbɔ́ŋkʉ̈ɔ́ pɛ́ pɛ́ pɔ́.