Mɑtʉ̈ɔ 10:41 - Kɑɑ Fí

⁴¹ Ŋu kúkŋɛ tɑ́Ꞌ Ŋɡɛ́mndʉ̈ɔ́Ꞌ-Sɛ́ pɑ́Ꞌ Ŋɡɛ́mndʉ̈ɔ́Ꞌ-Sɛ́, mbɔ pɛ́ ɡʉ ńdɑ́Ꞌ ŋ́ɡɑ́ wɛ́ nɛ́ tsɔ́ꞋfɑꞋ pɑ́Ꞌ wɛ́ Ŋɡɛ́mndʉ̈ɔ́Ꞌ-Sɛ́. Ŋu pɛn ŋ́kúkŋɛ ŋu ẅí ɑ ɡẅɛɛnɛ nɛpʉ́ʉ-Sɛ́ pɑ́Ꞌ ŋu ẅí ɑ zúꞋnɛ́nɛ Sɛ́, mbɔ pɛ́ ɡʉ ńdɑ́Ꞌ ŋ́ɡɑ́ tsɔ́ꞋfɑꞋ yɛ́ pɑ́Ꞌ yɛ́ ŋu ẅí ɑ zúꞋnɛ́nɛ Sɛ́.

Mɑtʉ̈ɔ 10:41 交叉引用

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

2 Jɑ̂ŋ 1:8

Pʉʉ lɑk tú yʉ́ʉ ḿbɔ́k pɑ́Ꞌ mbɔ pii yi pʉʉ kɑ jʉ́nɛ nǔu fɑꞋ yɛ́k lɛɛ níinɛ. Pʉʉ sɑ́Ꞌ pɔ tʉʉ, ŋ́ɡɛ ńcẅɛ́ɛ tsɔ́ꞋfɑꞋ yʉ́ʉ pɔ tsʉʉ.

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 6:18

Ɛ́ lɛɛ pɔ́Ꞌɔ, wɛcɔ́ ŋu pɔɔ jí ŋɡɔ ɔ sɛ́ ńnɑ́ŋ njí nɛcɛꞋlɛ Sɛ́ pɔ́. Tɑ́t wu Sɛ́ zɛnɛjʉ́ ẅi pɛ́ kɑ́ pɔ́ ńjʉ́ɔ wɛ́ pɔ́ zɛɛnɛ ńjí. Jʉ́ ẅi ɑ sɛ́ ńjʉ́ɔ yúu mi ɔ ɡɛnɛ ndʉɔmɛ lʉɔmɛ́nɛ ɡʉ ŋ́ɡɛ ńtsɔ́Ꞌ fɑꞋ yú.

Pʉɔ-Lɔ́mɑ 16:23

Ŋɡɑẅîs ẅí ɑ kúkŋɛ́nɛ wɑ́ɑ, cɛꞋlɛ wʉ́ʉ, cúꞋlɛ-pʉɔ-Kɛlístɔ ndɑ́ yɛ́. Ɛlɑstɛ, ẅí ɑ tʉ́sɔŋ ḿbɔ́ ndẅɛꞋ ŋkɑ́p, mbɑ mɔ́ɔmɑ́ wɛkŋɛ Kɑɑtẅis pɔ́p tɛmtɛ ḿbúꞋ mbɔ́ mbɔ̌ pʉʉ. [

Mɑtʉ̈ɔ 6:6

Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.

ŊwɑꞋnɛ-Gɑŋntúu Yɛ́su Kɛlístɔ 16:15

Pɛ́ pɑ́ɑtɛ ńtɛmtɛ ńnuꞋ wɔ́p njẅɛtndɑ́ yɛ́ ŋki. A pɑ́ɑtɛ ŋ́ɡɔ ɛ́fúŋ wɛ́k njɛ́Ꞌ yɛ́ ńcú ŋɡɔ: «Pɛk lɑɑ ńjʉ́ɔ yɛ́k ŋɡɔ ɑ pɛ́m nu-Tsɑpʉɔ tɛ ɛ́sẅíi nu, pɛk tɔ́ ńtswɛ́ njɛ́Ꞌ yɛ́.» Ńcú pɔ́Ꞌɔ, ńtsʉ́ʉnɛ wɛ́k tsʉ́ʉnɛ́nɛ nɛpɛ́m.

Mɑtʉ̈ɔ 6:4

Ɛ́ lɛɛ pɔ́Ꞌɔ, yúu mi ɔ ɡɑ́nɛ, ɛ́ pɔ́ pɔ tsɛt ntsɛm, Tɑ́t wu Sɛ́ ẅi ɑ jʉ́ɔnɛ yúu mi pɛ́ ɡɑ́nɛ tsɛt ntsɛm, ɡɛ ńtsɔ́Ꞌ fɑꞋ yú.»

Mɑtʉ̈ɔ 6:1

Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.

Mɑtʉ̈ɔ 7:8

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡʉ ŋ́ɡɑ́ mbɔ̌ wɛ́, ńdɔɔ, mbɔ ɑ ɡʉ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡʉ ńtsɔ́Ꞌ ŋ́ɡɑ́ mbɔ̌ wɛ́.

Mɑtʉ̈ɔ 25:44

Pɔ́p ɡúu pɛn ńcú ŋɡɔ: «Tsɑpʉɔ, pɛk kɑ jʉ́ɔ wú shʉ́n, njí pɔ́ zɑ́ŋ wú, ńjʉ́ɔ wú shʉ́n, ɡɑ́k yú pɔ́ shí, ńjʉ́ɔ wú shʉ́n, ɔ pɔ́ ŋɡʉʉ, ńjʉ́ɔ wú shʉ́n ɔ pɔ́ kɛ́ mɑꞋ ndẅí, ńjʉ́ɔ wú shʉ́n, ɔ pɔ́ ŋ́ɡɔɔ, ńzúꞋ shʉ́n ɔ pɔ́ ndɑ́tsɑ́ŋ, pɛk pɔɔ wú cẅɛ́lɛ́?»

Mɑtʉ̈ɔ 25:45

Fɔɔ tsɔ́Ꞌ mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ lɑ́ yi pʉʉ ŋ́kɑɑ ɡɛ mɔnɛ mɛnu nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ pɔ́, mbɔ pʉʉ ŋ́kɑɑ pɛn ŋ́ɡɛ yúu nǔu mɔ pɔ́.»