Mɑtʉ̈ɔ 10:19 - Kɑɑ Fí

¹⁹ Pɛ́ ɡʉ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡʉ ńtɔ́ zúꞋu cú ŋɡɔ kʉ̈ɔ́ ɔɔ? Ɛ́ ɡʉ ḿbɔ́ ŋkɑ́ ɛ̂yɑ́, Sɛ́ ɡɑ́ wʉ́ʉ nɛ́ sẅiŋɛ,

Mɑtʉ̈ɔ 10:19 交叉引用

2 Timɔtɛ́ɛ 4:17

Pɔ́p kɑ mɛꞋ wɑ́ɑ pɔ́Ꞌɔ, Tsɑpʉɔ pɔ́ ńtɔ́ɔtɛ wɑ́ɑ. Ɛ́fú ntsu-pɛpúꞋntʉʉ ńcẅɛɛtɛ wɑ́ɑ, ŋ́ɡɑ́ mɛtʉʉ mbɔ̌ mɔ, n cẅi Ŋkʉʉ wɛ́ pɑ́Ꞌ ɛ́ sɛ́ ḿbíkŋɛ ŋɡɔ pɛ́ cẅi, tɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ pɛtsʉʉ.

Lúkɑ́shi 12:11

«Pʉʉ jí ŋɡɔ, yɛcɔ́ ŋkɑ́ ɡʉ ŋ́ɡɛ kuꞋ, pɛ́ ɡẅɛɛ wʉ́ʉ, ŋ́ɡʉ ŋ́ŋɑk wʉ́ʉ kɛ pɔ ndɑ́-cúꞋlɛ-Pɑyúdɑ ɔ́ɔ, kɛ pɔ mbi pɛfɔɔ ɔ́ɔ, kɛ pɔ mbi pɑsɑ́Ꞌ lɑ́Ꞌ ɔ́ɔ. Pɛ́ lɑɑ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡɛ ńtɔ́ zúꞋu ńcú ŋɡɔ kʉ̈ɔ́? Ńzɔŋ tú yʉ́ʉ ŋɡɔ ku ɔ́ɔ?

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Mɑtʉ̈ɔ 6:31

Pɔ́Ꞌɔ lɑ́, pʉʉ pɛn ḿbúꞋ mbʉʉ yʉʉ, ńcú ŋɡɔ pɛ́ ɡʉ ŋ́kwɛ́t kʉ̈ɔ́? Pɛ́ ɡʉ ńdɔk ŋki ɡɔ́ ńnɔ́? Pɛ́ ɡʉ ńdɔk ndẅí ɡɔ́ ḿmɑꞋ?

Mɑtʉ̈ɔ 6:25

N dɔk ɛ́sẅíi wʉ́ʉ ŋɡɔ: Kɔɔ pʉʉ nɑ́ŋ ḿbúꞋ mbʉʉ yʉʉ ŋɡɔ pɛk ɡʉ ŋ́kwɛ́t kʉ̈ɔ́, pɛk ɡʉ ńdɔk ŋki ɡɔ́ ńnɔ́? Pɛk ɡʉ ńdɔk ndẅí ɡɔ́ ḿmɑꞋ? Wʉʉ nɛpɔ́ ɡú kɑ́ tsɑ yúupɛjʉ́ pɔ́ ɔɔ? Mbʉʉ ŋu pɛn mbɔɔ pɔ́ yúu tʉʉndɛn ńtsɑ mɛndẅí pɔ́ ɔɔ?

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

Mɑtʉ̈ɔ 6:34

Pɔ́Ꞌɔ lɑ́, kɔɔ pʉʉ púꞋ mbʉʉ yʉʉ nǔu nu-lɛ́Ꞌlɑ́Ꞌ-zɔ́n. Lɛ́Ꞌlɑ́Ꞌ-zɔ́n, ɡʉ ŋ́ɡɛ ńtɔ́ nɛ́ mɛ́ mɛnu. Yɛ́tɛ ŋɡʉ̈ɔ́Ꞌ lɑ́ kuꞋ nǔu yɛ́ lɛ́Ꞌlɑ́Ꞌ.»

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

Lúkɑ́shi 12:12

Ɛ́ ɡʉ ŋ́ɡɛ ḿbɔ́ ŋkɑ́ ɛ̂yɑ́, Zẅikŋɛ Lɛ́ɛnɛ́nɛ sẅíi wʉ́ʉ nu yi pʉʉ ɡɛ ńcú.»