Mɑtʉ̈ɔ 10:17 - Kɑɑ Fí

¹⁷ Pʉʉ lɑk tú yʉ́ʉ, mbíꞋŋɡɔ pʉɔmɛsɔŋ ɡʉ ŋ́ɡɛ ɛ́fɛn wʉ́ʉ pɛ́ ŋɑk wʉ́ʉ, ńdɔk ŋɡwɑɑ ńtswɑ́ɑ wʉ́ʉ tsɛt mɛndɑ́-cúꞋlɛ mɔ́p.

Mɑtʉ̈ɔ 10:17 交叉引用

Mɑ́lɛ́kúshi 13:9

Pʉʉ lɑk tú yʉ́ʉ, pɛ́ ɡʉ ŋ́ɡɛ ńdɔk wʉ́ʉ ŋ́ɡʉ zʉꞋ yí pɛ́ zɑ́Ꞌnɛ ntsɑŋ zúꞋu, ńtswɑ́ɑ wʉ́ʉ mbɑ tsɛt mɛndɑ́-cúꞋlɛ-pɑyúdɑ, ńdɔk wʉ́ʉ ŋ́ɡʉ mbi pɛŋɡɔ́mnɑɑ pɔ́p pɛfɔɔ-mɛlɑ́Ꞌ mɔnɛ, ŋɡɔ pʉʉ sẅíi nu yɑ́ɑ mbi pɔ́p.

Mɑtʉ̈ɔ 23:34

Pʉʉ kɛ́ ńzúꞋ, ŋ ɡʉ ŋ́ɡɛ ńtúu pɛŋɡɛ́mndʉ̈ɔ́Ꞌ-Sɛ́, pɔ́p pɑjínu, pɔ́p pɑkyɛ́ꞌtɛ ŋwɑꞋnɛ-Sɛ́. Pʉʉ jẅítɛ pɛcɔ́, ŋ́kẅii pɛcɔ́ nǔu tʉ́ mbɑ́ŋtɛ pɑ́ŋtɛ́nɛ, ńtswɑ́ɑ pɛcɔ́ nɛ́ mɛŋɡwɑɑ tsɛt mɛndɑ́-cúꞋlɛ mʉ́ʉ, ɛ́fú mɛtʉ́sɔŋ mɛtʉ́sɔŋ ńnɑ́ɑ wɔ́p.

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Lúkɑ́shi 12:11

«Pʉʉ jí ŋɡɔ, yɛcɔ́ ŋkɑ́ ɡʉ ŋ́ɡɛ kuꞋ, pɛ́ ɡẅɛɛ wʉ́ʉ, ŋ́ɡʉ ŋ́ŋɑk wʉ́ʉ kɛ pɔ ndɑ́-cúꞋlɛ-Pɑyúdɑ ɔ́ɔ, kɛ pɔ mbi pɛfɔɔ ɔ́ɔ, kɛ pɔ mbi pɑsɑ́Ꞌ lɑ́Ꞌ ɔ́ɔ. Pɛ́ lɑɑ ḿbɔ́ tɛ ḿbɔ́ ńdɔk wʉ́ʉ ŋ́ɡʉ, kɔɔ pʉʉ púꞋ mbʉʉ yʉʉ ŋɡɔ pʉʉ ɡɛ ńtɔ́ zúꞋu ńcú ŋɡɔ kʉ̈ɔ́? Ńzɔŋ tú yʉ́ʉ ŋɡɔ ku ɔ́ɔ?

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

ŊwɑꞋnɛ-Gɑŋntúu Yɛ́su Kɛlístɔ 22:19

N tsɔ́Ꞌ ŋɡɔ: “Tsɑpʉɔ, pɔ́p sɛ́ ńjí sʉ́Ꞌnɛ pɑ́Ꞌ ŋ kɑ pɔ́ ŋ́kɑ́t tsɛt mɛndɑ́-cúꞋlɛ mɔ́p ŋ́ɡẅɛɛ pʉɔ pi pɔ́p zɑ́pnɛ tʉ́m nǔu ɡu, ńníꞋ wɔ́p ndɑ́tsɑ́ŋ, ḿbɛn ŋ́ɡɛ pɛ́ lɔk ŋɡwɑɑ ńtswɑ́ɑ wɔ́p.

Ɛ́bɛlʉʉ 11:36

ḿbɛn ŋ́ɡʉ nǔu pɛcɔ́ pʉɔ, pɛ́ tɛ́m sʉ́ʉ nǔu pɔ́p, ńdɔk ŋɡwɑɑ ńtswɑ́ɑ wɔ́p, ńtɔ́ nǔu pɛcɔ́ pʉɔ pɛ́ pɔɔ ɡɛ pɔ ndɑꞋ pɔ́Ꞌɔ pɔ́, ḿbɛn ŋ́kút wɔ́p nɛ́ mɛcɛ̂n, ḿmɑꞋ wɔ́p ndɑ́tsɑ́ŋ,

2 Timɔtɛ́ɛ 4:15

Mbɑ ɡu yú lʉ́ɔꞋ wɛ́, mbíꞋŋɡɔ ɑ kɑ tɔꞋ nu yi pɛk kɑ pɔ́ ńzíꞋ pʉɔ tɛ ńzɑ́Ꞌ ŋkwɑɑ.

Filipɛ 3:2

Pʉʉ pɑ́ɑ pɑzíꞋ pʉɔ nɛ́ yúu mi ɛ́ kɑ́ pɔŋ! Pʉʉ pɑ́ɑ mɛnɑɑ ɛ̂mɑ́! Yɔ́p nu pɔ́ pɔ ŋɡɔ pɛ́ lɑɑ mbɔɔ ŋu púꞋ, Sɛ́ pɔɔ ɡɛ ɑ luk pɔ́.

Jɑ̂ŋ 11:47

Pɛtɑ́tndɑ́-pɑnɔŋpɔꞋ, pɔ́p pɑfɑlísɑy ɡɔ́ɔ ɛ́fúŋ cúꞋlɛ-pɑsɑ́Ꞌ ŋɡɔŋ, ńtɔ́ tsɛtú ńcú ŋɡɔ: «Pɛkŋɛ ɡʉ ŋ́ɡɛ ŋɡɔ́ku? Ŋu wɔ sɛ́ ŋ́ɡɛ mɛnu mɑ̌ɑmɑɑnɛ tɛꞋ.

Mɑ́lɛ́kúshi 13:12

Ŋu ɡʉ ŋ́ɡɛ ŋ́ɡẅɛɛ mɔ́ɔmɑ́ wɛ ŋ́ɡɑ́ pɛ́ jẅí, Tɑ́-mɔ́ɔ ɡẅɛɛ mɔ́ɔ nɛ ŋ́ɡɑ́ pɛ́ jẅí, mbɔ́ŋkʉ̈ɔ́ ɡʉ ńdɑ́Ꞌ ńdɔ sɛ́ ńtsʉ́ꞌ ɡɑŋmbuu pɛtɑ́t pɔ́p, ŋ́ɡɛ pɛ́ jẅí wɔ́p.

Mɑtʉ̈ɔ 26:59

Pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ, pɔ́ ńdɔɔ cɔtnu yí pɔ́p ɡʉ ńzɑ́p tú-Yɛ́su lɑ ńdɔk ŋ́ɡɛ pɛ́ jẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 17:14

Ɛ́ ɡɛ pɔ́Ꞌɔ, pɔ́ɔpɛ́mɑ́ ɡɔ́ɔ ŋ́ɡɛ Pɔ̂l lɔk shʉ́-ŋki kɛ́ ndẅiklɛ ŋ́ɡʉ. Sílɑs pɔ́p Timɔtɛ̂ɛ tsʉ́Ꞌ ŋ́ɡɔ́ŋ Mbɛlɛ́ɛ.

Mɑtʉ̈ɔ 20:19

ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 10:18

Pɛ́ ɡʉ ńdɑ́Ꞌ ŋ́ŋɑk wʉ́ʉ mbi pɛŋɡɔ́mnɑɑ pɔ́p pɛfɔɔ mɛlɑ́Ꞌ wɑ́ɑ. Pʉʉ lɔk ŋ́ɡẅɛɛ shʉ́ nɛlɔk ɛ́sẅíi wɔ́p mbɑ pɑkɛ́jí Sɛ́, ŋu ẅí mɔ jʉ́.

ŊwɑꞋnɛ-Gɑŋntúu Yɛ́su Kɛlístɔ 9:2

ḿbíkŋɛ wɛ́ ŋɡɔ ɑ ŋwɑꞋnɛ mɛŋwɑꞋnɛ ŋ́ɡɑ́ mbɔ̌ wɛ́. A lɔk ŋ́ɡʉ Ndɑmɑs, ŋ́ɡɑ́ mbɔ̌ pɑtʉ́ʉmbi nǔu mɛndɑ́-cúꞋlɛ-pɑyúdɑ mi ɛ́ zúꞋu. A píkŋɛ pɔ́Ꞌɔ, nɛlɔk ŋ́ɡẅɛɛ pɑ́Ꞌ ɑ lɑɑ ńtɔ́ zúꞋu, ńjʉ́ɔ pʉɔ pi pɔ́p nǔu sɛ̂ndúŋ-Yɛ́su ɛ̂wɑ́, kɛ ɛ́ pɔ́ pɔ mbɛ́ɛnɛ ɔɔ, kɛ pɑŋɡɛ́ ɔɔ, ɑ kuꞋ nɛɡẅɛɛtɛ wɔ́p, ŋ́kút wɔ́p, ńdɔk ḿbɛn nɛ́ Yɛlúsɑlɛm.