22 A pɛn ḿbɔ́ tɛ zẅikŋɛ kɛpɔŋ ɛ̂yɑ́ ɡẅɛɛ wɛ́, ḿbɔ́ ḿmɑꞋ wɛ́ ɡɔ́ lɑ́, ḿmɑꞋ mɑꞋnɛ, kɛ tsɛt múk ɔɔ, kɛ tsɛt ŋki ɔɔ, ńdɔɔ pɔ shʉ́ nɛ́ kɛ́ ńjẅí wɛ́ jẅínɛ. Sɛ́sẅíi tsɑ́ɑ mɛjʉ́ŋ mɛ́k, ńcẅɛ́lɛ́ wɛ́k, ŋ́ɡɛ ɑ fíitɛ pɑꞋ ɔ lɑɑ ŋ́kuꞋ.
Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»
Yɛ́su lʉꞋ, ńcú mbɔ̌ wɛ́ ŋɡɔ: «Pɛn nɛ́ njɛ́Ꞌ wu, ŋ́kẅɛ́ɛtɛ pʉɔ pú, ɛ́sẅíi wɔ́p nɛ́ mɑ́ nu sʉ́Ꞌnɛ yí Tsɑpʉɔ ɡɛnɛ nǔu ɡu, ɛ́sẅíi wɔ́p pɑꞋ ɑ tsɑ́ɑnɛ mɛjʉ́ŋ mú.»
Yɛ́su tsɑ́ɑ mɛjʉ́ŋ mɔ́p, ńzɑ́p mbɔ́ mɛ́ nǔu mík mɔ́p, ɛ́ ɡɔ́ɔ ńzɛ nɛjʉ́ɔ zʉꞋ, pɔ́p cʉ́ɔ nzʉʉ yɛ́.
Yɛ́su ɡɔ́ɔ ńcɑklɛ pɔ́ yɛ́ ŋ́kwɑ́p wɛ́, ńcú mbɔ̌ wɛ́ ŋɡɔ: Ɔ zɑ́p tʉ́m nǔu mɔ pɔ mɔ́zʉꞋ! Ɔ ɡɔ́ ḿmʉꞋlɛ ŋ́ɡɛ pɑ́Ꞌɑ?
A ɡʉ tɛ ŋ́kúu ndɑ́, pɛfʉmík pɑ́ tɔ́ ŋ́kẅɛ́ɛtɛ wɛ́, ɑ píkŋɛ wɔ́p ŋɡɔ: «Pʉʉ kwɑŋɛ ŋɡɔ ɛ́ lɑɑ ḿbɔ́ ŋ ɡɛ yúu mi pʉʉ píkŋɛnɛ lɑɑ?» Pɔ́p ɡɔ: «Ɔ́ɔŋ mbɑ̌ɑ Tsɑpʉɔ ɔ kuꞋ nɛɡɛ.»
Wɛcɔ́ ŋɡɑŋkɑꞋpɑ́p tɔ́ ŋ́kẅíꞋlɛ sɛ́ mbi yɛ́, ńcú ŋɡɔ: «Tsɑpʉɔ n jí ŋɡɔ ɔ lɑɑ ŋ́kɔŋ, mbɔ ɔ kuꞋ nɛɡɛ ɛ fíitɛ.»
ńcú mbɔ̌ wɛ́ ŋɡɔ: «Ndɛ, sɛ́sẅíi, tsɑ́ɑ mɛjʉ́ŋ mɔ́ɔ wɑɑ wɔ, ɑ mvuɡwɑ́Ꞌ. A jʉ́ɔ ŋɡʉ̈ɔ́Ꞌ tɛꞋ, ɑ zɑ́ɑ ḿvu tsɛt múk, tɛ mbɑ tsɛt ŋki.
Yɛ́su píkŋɛ Tɑ́-mɔ́ɔ ŋɡɔ: «Yɔ ɡɔɔ pɑꞋɑ ḿbɔ́ nǔu mɔ́ɔ tɛ ɛ́fú shʉ́n?» A cú ŋɡɔ: «Tɛ ɛ́fú ŋkɑ́ mbɔ́ŋkʉ̈ɔ́.»
Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»
