19 Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»
Ńcú mbɔ̌ Tɔmɑ́shi ŋɡɔ: «Ɛ́sɔ́klɛ mɔ́ɔ tɔ̂pɔ́ wu zɑꞋnɛ. Líŋɛ mbɔ́ mɑ́ɑ. Ɛ́sɔ́klɛ pɔ́ yú, ɛ́sɔ́klɛ nǔu ɡúŋ ŋ́ɡíi wɑ́ɑ. Kɔɔ pɛn ḿmʉ́Ꞌtɛ, pɛ́m ŋɡɔ ɑ kwɑꞋ mɔ.»
Ŋ́ɡɔ́ ńdẅiklɛYɛ́su ɡɛ ḿbɛn ńnyɛt mbʉʉ yɛ mbɔ̌ ɡɑŋku pɛ́ ntsɔ̌pmɔꞋ nɛ́ nɛɡɛ́m pɛ́tsʉʉ. Pɔ́p pɔ́ ndɑ́ ŋ́kwɛ́t yúu. A kɑkŋɛ wɔ́p nǔu pɑ́Ꞌ pɔ́p lɑ́Ꞌ mbɔɔ pɛ́m, ḿbɛn ńdʉꞋ mbɑ nɛpɛ́m nu ntsu-pʉɔ pí ɑ zẅíimɛ́nɛ ńnyɛt mbʉʉ yɛ mbɔ̌ pɔ́p pɔ́.
Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»
Yɛ́su zúꞋ pɔ́Ꞌɔ, ńcú ŋɡɔ: «Yɔ! Pʉɔ ŋɡuꞋ yɔ, pʉʉ kɑ́ zɑ́p tʉ́m nǔu Sɛ́ pɔ́, ŋ́ɡɛ pɔ nu kɛpɔŋ. Ɛ́ pɑꞋɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́nɛ, ɛ sʉk nǔu mɛnu mʉ́ʉ? Lɔk mɔ́ɔ nu ɛ̂wɑ́ ńtɔ́ nɛ́ zɑ́Ꞌnɛ.»
Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»
Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»
Zẅikŋɛ kɛpɔŋ ɛ̂wɑ́ lɑɑ ḿbɔ́ ńdɔ sɛ́ nǔu wɛ́, ɑ pɔ́ ɡɔ́ lɑ́, ɛ́ tíi wɛ́ ḿmɑꞋ pɔ sɛ́, ɑ tɛn, ɛ́fuꞋ mɛ́tɛ́, ŋ́kwɛ́t mɛsɔŋ mɛ́. N tɔ́ pɑꞋnɛ, ḿbuꞋ mbɔ́ mbɔ̌ ɡɑŋku pú ŋɡɔ pɔ́p zuŋ zẅikŋɛ kɛpɔŋ ɛ̂wɑ́, pɔ́p pɔɔ nǔu kuꞋ.»
Pɛ́ lɔk wɛ́ ńtɔ́ ŋ́ɡɑ́ mbɔ̌ wɛ́, zẅikŋɛ kɛpɔŋ ɛ̂yɑ́ zúꞋ jɑ́k-Yɛ́su, ńtíi mɔ́ɔ ɛ̂wɑ́ ńtɛ́m sɛ́, ɑ kɑtnɛ sɛ́, ńzɛ nɛfuꞋ mɛ́tɛ́.
