Mɑ́lɛ́kúshi 9:1 - Kɑɑ Fí

¹ Yɛ́su pɛn ńcú mbɔ̌ pɔ́p ŋɡɔ: «Ɛ sẅíi wʉʉ, kwɑꞋ nɛ́nẅín, ŋɡɔ pɛcɔ́ ntɑ́Ꞌ nǔu pʉɔ pí pɔ́p zɑ́Ꞌnɛ ŋkɔ̂ɔnɛ kɛ́ ɡɛ ḿpfú kɛ́ pɔ́ yi pɔ́p lɔk mík ńjʉ́ɔ Nɛfɔɔ-Sɛ́ pɑꞋ ɛ́ tɔ́nɛ nɛ́ nɛŋwɑ́ŋɛ wɛ pɔ́.»

Mɑ́lɛ́kúshi 9:1 交叉引用

Lúkɑ́shi 9:27

Pʉʉ tsúŋ ńjí ŋɡɔ, pɛcɔ́ pʉɔ pinɛ pɔ́p zɑ́Ꞌnɛ ŋkɔ̂ɔnɛ kɛ́ ɡɛ ḿpfú kɛ́ pɔ́ yi pɔ́p lɔk mík ńjʉ́ɔ nɛfɔɔ-Sɛ́ pɔ́.»

Ɛ́bɛlʉʉ 2:9

Lɑ́, yúu mi pɛkŋɛ sɛ́ ńjʉ́ɔ ŋkɔ̂ɔnɛ pɔ́ pɔ ŋɡɔ Yɛ́su ẅí Sɛ́ kɑ kɔknɛ wɛ́ ŋ́ɡɑ́ sɛ́ tɛ pɛcʉ̈ɔ́Ꞌ-Sɛ́ lɛɛ wɛ́ mɔ́zʉꞋ, Sɛ́ kɑ kɛ́ tɔꞋ cɔꞋ-nɛfɔɔ tú yɛ́, yɛ́tɛ́ ɡɛnɛ ɑ ɡẅɛɛ nɛɡúꞋ, ḿbɛn ńníꞋ mɛkuꞋ mɛ́, mbíꞋŋɡɔ ɑ kɑ pɛ́m nɛjʉ́ɔ ŋɡʉ̈ɔ́Ꞌ lɑ ḿpfú. Yɛ́su lɑɑ ḿpfú nǔu tú-pʉɔmɛsɔŋ tsʉʉ, mbɔ ɛ́ fú pɔ nǔu pɑ́Ꞌ Sɛ́ tsɑ́ɑnɛ mɛjʉ́ŋ pʉɔ tɛꞋ.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Mɑ́lɛ́kúshi 13:30

Ɛ sẅíi wʉ́ʉ kwɑꞋ nɛ́nẅín, ku-pʉɔ pi pɔ́p ndǔ mbí ŋkɔ̂ɔnɛ, kɛ́ ɡɛ ńdɑ́Ꞌ ḿpfútɛ tɛ ḿmɛ, kɛ́ pɔ́ yi mɔnɛ mɛnu tsʉʉ tɔ́ pɔ́.

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Lúkɑ́shi 22:18

Pʉʉ jí ŋɡɔ mɔ ńdɑ́Ꞌ ḿbɛn ńnɔ́ mɛluꞋ pɔ́ tɛ ńdɑ́Ꞌ ŋ́kúu ŋkɑ́ yi Sɛ́ ńtsʉꞋnɛ ɛ́sɑ́Ꞌ mbí.»

Lúkɑ́shi 2:26

Mbɔ ɑ kɑ lɑ́Ꞌ ńzɑ́Ꞌ njí ɛ́sẅíi wɛ́ ŋɡɔ ɑ kɛ́ lɑ́Ꞌ ḿpfú kɛ́ pɔ yi ɑ ńzɑ́p lík nǔu Nzɑ́Ꞌŋkʉ ẅi ɑ túunɛ pɔ́.

Mɑ́lɛ́kúshi 13:26

Pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ, ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ.

Mɑtʉ̈ɔ 24:30

Lii-Mɔ́ɔ-Ŋu ɡɔ́ɔ ŋ́kɛ́ ńcẅɛt nɛpú. Mɛŋɡɔŋ mɛŋɡɔŋ mí ɛ́ ndǔ tsɛ́tsɑ́Ꞌ kʉ́ɔꞋ nɛvú ńdɑɑ, pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ tʉ́ nɛpú ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ,

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Jɑ̂ŋ 21:23

Yɛ́su cú yɔ nu nǔu ẅîwɑ́ ŋɡɑŋku wɛ pɑ́Ꞌnɛ, pɑpɛ́m Yɛ́su tsʉʉ tsʉ́Ꞌ ḿbɔ́ ɛ́sẅíitɛ sẅíitɛ́nɛ ŋɡɔ ẅîwɑ́ ŋɡɑŋku wɛ kɛ́ lɑ́Ꞌ ḿpfú pɔ́. Lɑ́, mbɔ Yɛ́su ŋkɑɑ cú ŋɡɔ ɑ kɛ́ lɑ́Ꞌ ḿpfú pɔ́ pɔ́. Mbɔ ɑ cú pɔ ŋɡɔ, ɑ lɑɑ ŋ́kɔŋ ŋɡɔ ẅîwɑ́ ŋu pɔ́ pɔ ɡú tɛ ɑ lɑ́Ꞌ ḿbɛn ńtɔ́, mbɔ yɛ́ nu-pyɛ̂ nǔu ḿbɔ́ kʉ̈ɔ́ ɔɔ.