21 A píkŋɛ wɔ́p ŋɡɔ: «Tɛ pʉʉ pɛn ḿbɛ́t pɔ kɛ́ zúꞋ?»
mbíꞌŋɡɔ jínu yɔ́p ḿbɛ́t ńtuꞋ tuꞋnɛ, ńzɛɛ ŋ́ɡɔ ḿbɔ́, mbɔ pɔ́p ŋkɑɑ zúꞋ yúu mi Yɛ́su kɑ lɔknɛ nu-mbɛlɛ̂t ńnyɛt pɔ́.
Yɛ́su zúꞋ tɛ ńjẅi, ḿbɛn ńcú mbɔ̌ pɔ́p ŋɡɔ: «pʉɔ pi pɔ́p tsɛt njí ŋkɔ̂ɔnɛ sɛ́ ḿbíkŋɛ ŋɡɔ ŋ ɡɛ ŋkʉꞋnɛ nu, ńdɔɔ nɛɡɛ pɑꞋɑ? Lɑ́, pʉʉ tsʉꞋ ɛ sẅíi wʉ́ʉ kwɑꞋ nu nɛ́nẅín, pɛ́ kɑ́ pɔ́ ŋ́ɡʉ ńnyɛt wʉ́ʉ nɛ́ yɛcɔ́ yúu pɔ́.»
Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.
N dɔk pɑ́Ꞌɑ ńtɛ́m sʉ́ʉ nǔu pʉʉ. Pʉʉ lɔk pɔ́Ꞌɔ, ńjɑ́k njínu tsɛtsɛt pʉʉ ẅi ḿbɔ́ ɑ́ ńnɛn kɛ̂m nǔu nu yi ɛ́ tsɛtsɛt ŋu-Kɛlístɔ pɔ́p wɛcɔ́ kɛkʉ̈ɔ́?
Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?
Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»
Yɛ́su jí pɑꞋ pɔ́p sɛ́ ŋ́kwɑŋɛ pɔ́Ꞌɔ, ḿbíkŋɛ wɔ́p ŋɡɔ: «Pʉʉ kɛ ŋ́kwɑŋɛ nu pɔ nǔu mbɛlɛ̂ɛt yí pʉʉ kɑ́ ɡẅɛɛ mɛlɑ́Ꞌ kʉ̈ɔ́? Pʉʉ lɔk ńtɛmtɛ ḿbɛ́t pɔ kɛ́ jí nu pɔ́ ɔɔ? Pʉʉ fɑ́ɑ ḿbɛ́t pɔ kɛ́ zúꞋ tɛ ńzúꞋ kɛ kʉ̈ɔ́? Jínu yúu ɡɛ pɑꞋɑ ńjɔꞋnɛ pɑꞋɑ?
Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.
