Mɑ́lɛ́kúshi 8:12 - Kɑɑ Fí

¹² Yɛ́su zúꞋ tɛ ńjẅi, ḿbɛn ńcú mbɔ̌ pɔ́p ŋɡɔ: «pʉɔ pi pɔ́p tsɛt njí ŋkɔ̂ɔnɛ sɛ́ ḿbíkŋɛ ŋɡɔ ŋ ɡɛ ŋkʉꞋnɛ nu, ńdɔɔ nɛɡɛ pɑꞋɑ? Lɑ́, pʉʉ tsʉꞋ ɛ sẅíi wʉ́ʉ kwɑꞋ nu nɛ́nẅín, pɛ́ kɑ́ pɔ́ ŋ́ɡʉ ńnyɛt wʉ́ʉ nɛ́ yɛcɔ́ yúu pɔ́.»

Mɑ́lɛ́kúshi 8:12 交叉引用

Mɑ́lɛ́kúshi 7:34

ŋ́ɡɔ́ɔ ŋ́kɛ́ ḿbʉꞋ mík mɛ́ ńdíŋɛ tʉ́, ńjẅi, ńcú ŋɡɔ: «Ɛfɑtɑ!» Ńdɔk ńcú ŋɡɔ: «Tsɔ́Ꞌnɛ!»

Mɑtʉ̈ɔ 16:4

Pʉʉ wɑ́ ẅi pʉʉ ndǔ mbí ŋkɔ̂ɔnɛ pʉʉ pʉɔ kɛpɔŋ, ḿbɛn ŋ́kɛ́ ḿbɔ́ ńtʉʉ tú mbɔ̌ Sɛ́ tʉʉnɛ ḿbɔ́ ḿbíkŋɛ ŋɡɔ n nyɛt ŋkʉꞋnɛ nu. Lɑ́ pɛ́ kɛ́ ɡɛ ńnyɛt wʉ́ʉ nɛ́ yɛcɔ́ yúu pɔ́, tɛ ńdíꞋ ndɑꞋ nu yí ɛ́ kɑ ɡɛnɛ Yɔ́nɑ́ɑshi. Yɛ́su cú pɔ́Ꞌɔ, ńnɑ́ wɔ́p zúꞋu ŋ́ɡʉ.

Lúkɑ́shi 19:41

Yɛ́su ɡʉ tɛ ḿbɔ́ ŋ́kúu Yɛlúsɑlɛm, ńdíŋɛ tʉ́sɔŋ ńzɛ nɛkíi,

Mɑ́lɛ́kúshi 9:19

Yɛ́su cú mbɔ̌ pɔ́p ŋɡɔ: «Ɛ́ kʉ̈ɔ́ pʉʉ pɔɔ ńzɑ́p tʉ́m nǔu Sɛ́ pɔ́, ɛ́ pɑꞋɑ mɔ ńdɑ́Ꞌ ńnɑ́ŋ tsɛtsɛt pʉʉ tɛ ŋ́kúu shʉ́nɛ lɑ́ pʉʉ zɑ́p tʉ́m yʉ́ʉ nǔu Sɛ́? Ŋ ɡʉ ńdɑ́Ꞌ sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́, ŋ́ɡɑ́ mbɔ̌ mɔ.»

Mɑ́lɛ́kúshi 6:6

Ɛ́ kʉꞋnɛ Yɛ́su tɛꞋ, pɑꞋ pɔ́p kɑ́ zɑ́p tʉ́m nǔu wɛ́ pɔ́. Yɛ́su ɡɛ ɛ́fú zúꞋu, ŋ́ɡʉ ńzɛ nɛnɛn tsɛt mɛlɑ́Ꞌ shʉ́ zúꞋu, ḿbɔ́ ńzíꞋ pʉɔ nɛ́ nu-Sɛ́.

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Mɑtʉ̈ɔ 12:38

Yɛ́su cú yɔ nu tɛ ḿbɔ́tnɛ ńnɑ́ŋ, pɛcɔ́ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɛcɔ́ pɑfɑlísɑy cú mbɔ̌ wɛ́ ŋɡɔ: «Cícɑ, pɛk sɛ́ ńtsɑ́ɑ ŋɡɔ ɔ ɡɛ tɑ́Ꞌ ŋkʉꞋnɛ nu.»

Mɑ́lɛ́kúshi 8:13

Yɛ́su cú pɔ́Ꞌɔ, ŋ́ɡɔ́ɔ ńnɑ́ pʉɔ-fɑlísɑy zúꞋu, ŋ́kúu tsɛt kɑnúꞋ, ńtúu ŋki ŋ́ɡʉ nɛ́ yɛcɔ́ njʉ́n.