11 Pʉɔ tsɛt nɔɔ-pɑfɑlísɑy tɔ́ nɛjɔ́ŋ yɛ́ ḿbɔ́ ńdɔɔ nu nǔu yɛ́, ńtsʉ́ʉnɛ wɛ́ ŋɡɔ ɑ ɡɛ ŋkʉꞋnɛ nu ŋɡɔ ɑ nyɛt ŋɡɔ Sɛ́ kɑ túunɛ wɛ́, ŋɡɔ ɑ nyɛt wɔ́p nɛ́ ntɛ́ yi ɛ́ nyɛtnɛ ŋɡɔ Sɛ́ túunɛ wɛ́.
Pɛkŋɛ pɑ́ɑ nɛtsʉ́ʉnɛ Tsɑpʉɔ tsʉ́ʉnɛ́nɛ. Ɛ́ pɛn ḿbɔ́ pɑ́Ꞌ pɛcɔ́ pʉɔ tsɛtsɛt pɔ́p kɑ ɡɛnɛ lɑ mɛnɔ́ tsúktɛ wɔ́p pɔ́p pfútɛ.
Yɛ́su cú yɔ nu tɛ ḿbɔ́tnɛ ńnɑ́ŋ, pɛcɔ́ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɛcɔ́ pɑfɑlísɑy cú mbɔ̌ wɛ́ ŋɡɔ: «Cícɑ, pɛk sɛ́ ńtsɑ́ɑ ŋɡɔ ɔ ɡɛ tɑ́Ꞌ ŋkʉꞋnɛ nu.»
Yɛ́su cú mbɔ̌ wɛ́ ŋɡɔ: «Pʉʉ lɑɑ mbɔɔ jʉ́ɔ mɛnu mɑ̌ɑmɑɑnɛ mi ɛ́ nyɛtnɛ mɛtʉʉ-Sɛ́ pɔ́, pɔ́p mɛŋkʉꞋnɛ nu pɔ́, pʉʉ pɔɔ lɑ́Ꞌ ńzɑ́p tʉ́m nǔu mɔ pɔ́!»
Pɛcɔ́ pʉɔ pɔ́ ńtsʉ́ʉnɛ Yɛ́su tsʉ́ʉnɛ́nɛ, ḿbɔ́ ńdɔ́ɔ ŋɡɔ ɑ nyɛt ŋkʉꞋnɛ nu ŋɡɔ Sɛ́ túunɛ wɛ́.
Pyɛ̂ cú mbɔ̌ wɛ́ ŋɡɔ: «Pʉʉ lɔk yɛ́tɛ́ sʉktʉ́m lɑ ńtɔ́ ŋ́kwɑꞋlɛ Zẅikŋɛ-Tsɑpʉɔ? ZúꞋ pɑ́Ꞌ pʉɔ ntsundɑ́ ńnɛntɛ, pɔ́p fú nɛtẅíi ndúu mu. Lɑ́ pɔ́p ɡʉ ńtíi wú ɡúu ńdɔk ŋ́ɡʉ ńtẅíi nǔu.»
Kɑ́ɑ wɛcɔ́ tɑ́Ꞌ nǔu pɛkɛ́m pɛk, kɛ́ mbɑ tɑ́Ꞌ nǔu pɑfɑlísɑy ŋkɑɑ mɔ́ zɑ́p tʉ́m nǔu ŋu wɑ́ pɔ́!
Pɔ́p pɑꞋ ŋɡɔ: «Nu mɑ̌ɑmɑɑnɛ yi ɔ ɡʉ ŋ́ɡɛ pʉk jʉ́ɔ fú nǔu ńzɑ́p tʉ́m nǔu ɡu ɛ́ kʉ̈ɔ́? Yúu mi ɔ ɡʉ ŋ́ɡɛ ɛ́ ku?
Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»
Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»
Pɛcɔ́ Pɑkyɛ́Ꞌtɛ nɛpʉ́ʉ-Mɔ̌sɛ̂ɛ pi pɔ́p ḿbɔ́nɛ tsɛtsɛt pʉɔ-fɑlísɑy, jʉ́ɔ pɑꞋ Yɛ́su pɔ́p pʉɔ ɛ̂pɑ́ sɛ́ ńjʉ́ yúu, ḿbíkŋɛ ɡɑŋku pɛ́ ŋɡɔ: «Ɛ́ ɡɛ ŋɡɔ́ku lɑ pʉʉ pɛ́ ntɛ́ pʉɔ pɔ tɛmtɛ kɑ́ŋ ńjʉ́ yúu?»
Ɛ́ pɛn ḿbɔ́ pɔ lɛ́Ꞌ ɛ̂yɑ́, pɛcɔ́ ntɑ́Ꞌ pʉɔ nǔu nɔɔ-pɑsɑdukɑy ɡɔ́ɔ ŋ́kɛ́ ńtɔ́ nɛjɔ́ŋ Yɛ́su. Pɑsɑdukɑy pʉɔ pí pɔ́p kɑ́ pɛ́m ŋɡɔ pɛpfú ɡʉ ŋ́ɡɛ zẅíimɛ nǔu nɛvú pɔ́. Pɔ́p píkŋɛ mbɔ̌ Yɛ́su ŋɡɔ:
Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»
Ɛ́ ɡɛ pɔ́Ꞌɔ, Pʉɔ-fɑlísɑy ɡɛ cúꞋlɛ, ńdɔɔ pɑ́Ꞌ ɛ́ lɑɑ ḿbɔ́ pɔ́p fú nǔu nu yi Yɛ́su cúnɛ ŋ́ɡẅɛɛ wɛ́,
Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»
Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»
Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.
A pɛn ḿbíkŋɛ ɡɑŋku pɛ́ ŋɡɔ pɔ́p zɔŋ kʉ̈ɔ́ ɔɔ?
