7 Pɔ́p sɛ́ ŋ́ɡúꞋlɛ wɑ́ɑ, lɑ́ nu pɔɔ nǔu pɔ́, ntɛ́ nu yi pɔ́p sɛ́ ńzíꞋ mɛnu-pʉɔmɛsɔŋ mbɔ̌ pʉɔ ŋɡɔ ɛ́ nu yɑ́ɑ.»
Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»
Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.
Mɔnɛ mɛndúŋ kɛ́ ḿbɔ́ pɔ nǔu yúu mi pɛ́ jʉ́nɛ ɛ́ mɛ mɛnɛ, ḿbɔ́ pɔ mɛnu mi pʉɔmɛsɔŋ nɑ́ŋnɛ sɛ́ ŋ́kwɑŋɛ ńzɑ́p.
Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ cú nu kɛ́ zɑ́Ꞌ pɑ́Ꞌ pʉɔ pinɛ pɔ́p kɑ́ jí Sɛ́ pɔ́, pɔ́p kwɑŋɛ pɔ ŋɡɔ pɔ́p ɡʉ ńtɑ́ŋ zɔɔ tɛꞋ lɑ́ pɛ́ zúꞋ.
Lɑ́ pɑ́ɑ nɛzɔŋ mɛnu kɛ́ tú, ḿbɑ́ɑ mɛnu nǔu mɛlík-pɛmɑ̂ŋɡɑpnjẅɛt, ḿbɑ́ɑ nɛzɔŋ nu ńdɔk ɛ́shɔt shʉ́-nɛpʉ́ʉ-Mɔ̌sɛ̂ɛ, ɛ́ mɛnu kɛ́ tú mi mbɔ ɛ́ pɔɔ cẅɛ́lɛ́.
Mɔ Jɑ̂ŋ n cú yɔ nu pɑ́Ꞌɑ mbɔ̌ wɛ́tɛ́ ŋu lɑ́ ẅi ɑ ɡʉ ńzúꞋ mɛnu mi pɛ́ cúnɛ tsɛt yɔ ŋwɑꞋnɛ, ɛ́ pɔ́ mɛnu mi ɛ́ ɡʉ ŋ́ɡɛ mbɑ mi ɛ́ ɡʉ ńdɑ́Ꞌ lɑ ŋ́ɡɛ. Ŋu kẅiꞋ yúu nǔu, mbɔ Sɛ́ ɡʉ ŋ́ɡɛ ŋ́ɡʉ nǔu yɛ́ nu, ŋ́kẅiꞋ mɛŋɡʉ̈ɔ́Ꞌ mi pɛ́ lɛ́Ꞌlɛ́nɛ tsɛt yɔ ŋwɑꞋnɛ lɑɑ.
Gɛɡʉʉ yɑ́ɑ, ɔ kɔŋ kʉ̈ɔ́? Mɔ, ŋ ɡʉ ńnyɛt wú ŋɡɔ nɛzɑ́p tʉ́m nǔu Sɛ́ yi ɛ́ kɑ́ ɡẅɛɛ mɛfɑꞋ pɔ́ fɛ̌ɛ.
Ɛ́ lɑɑ ḿbɛn ḿbɔ́ yi Kɛlístɔ ŋkɑɑ kɛ́ zẅíimɛ nǔu nɛvú pɔ́, mbɔ nu yi pɛk sɑ́Ꞌnɛ ɛ́sẅíi pʉɔ ɛ́ pɔ́ pɔ nu níinɛ, mbɑ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ nu níinɛ.
Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.
