51 A cú pɔ́Ꞌɔ, ŋ́kúu tsɛt kɑnúꞋ, fɛfʉ̈ɔt zɑ́Ꞌnɛ, ɛ́ tsɑ wɔ́p tɛꞋ,
A jʉɔmɛ, ńcʉ̈ɔ́k fɛfʉ̈ɔt pɔ́p ŋki, ńcú ŋɡɔ: «Ɛ́ kuꞋ pɑꞋɑ, pʉʉ nɑ́Ꞌ!» Fɛ́m ɡɔ́ɔ ńzɑ́Ꞌnɛ, ŋki pɔɔ pɛn ńtsʉ́Ꞌnɛ pɔ́.
Pɔ́p pɔ́ ńdɔɔ nɛɡɛ ɑ kúu tsɛt kɑnúꞋ, ŋ́ɡɔ́ ńjʉ́ɔ, mbɔ pɛ́ kúu mɔ mbʉʉ-ŋki.
Pʉɔ tsʉʉ pɔ́ ńzúꞋ, ḿmɑɑ tɛ ńcú ŋɡɔ ɑ ɡɛ yɛ́ mbɑ kʉ̈ɔ́ lɑ́, ɛ́ pɔ́ pɔ sʉ́Ꞌnɛ. A ɡɛ pɛ́ mbúꞋ-mɛtúutɛ́ zúꞋ nu, mbɑ pɛ́cípuꞋ pɛn ɛ́sẅíŋɛ.
Pɔ́p pɛpɔ́p kúu tsɛt kɑnúꞋ, ḿbɔ́ ŋ́ɡʉ nǔu zʉꞋ yi mɛnjɛ́Ꞌ kɑ́ pɔ́ zúꞋu pɔ́.
Mɔ́ɔ ɡɔ́ɔ ḿbʉꞋ mbʉʉ yɛ, ńdɔ sɛ́ ńzɛ nɛnɛn. Pɔ́p jʉ́ɔ ɛ́ kʉꞋnɛ wɔ́p tɛꞋ. Mɔ́ɔ kɑ pɔ́ mɔ́ɔ ŋɡuꞋ ntsɔ̌ppɑ́ nɛ́ nɛɡɛ́m.
Pɔ́p ŋ́kẅiꞋ ńcʉ̈ɔꞋ, ḿbɔ́ ńcú tsɛtsɛt pɔ́p ŋɡɔ, yɔ lii-ŋu pɔ́ pɔ ŋɡɔ́ku? Tɛ mbɑ fɛ́m pɔ́p ŋki zúꞋ ntsu wɛ́?
Pɔ́ꞌɔ lɑ́, ɑ ɡɔ́ɔ ńdɔ sɛ́ ńtíi pɑ́ŋtɛ wɛ, ńdɔk ḿbɔ́ ŋ́ɡʉ, lɑ́Ꞌ pɔ́ ńdíŋɛ, tɑ́ɑ lík mbɑ wɔ̌ lɑ́ cẅɛt, ɛ́ pɔ́ ŋ́kʉꞋnɛ wɛ́. Pɔ́p pɔ́ ŋ́ɡúꞋlɛ Sɛ́ ńcú ŋɡɔ: «Pɛk ŋkɑɑ mɔ zɛɛ ńjʉ́ɔ yɔ ntɛ́ nu pɔ́!»
Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.
Yɛ́su zúꞋ yɔ sẅiŋɛ yí ɛ́ cẅɛtnɛ ntsu-tɑ́tndɑ́-ntsɔ ŋ́ɡʉ̈ɔꞋtɛ wɛ́, ɛ́shɔtnɛ ńcú mbɔ̌ lɑ́Ꞌ yi ɛ́ nzʉʉ yɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ tsɛt ŋɡɔŋ Pɑíslɑyɛ̂l, ŋ kɑ́ jʉ́ɔ wɛcɔ́ ŋu ẅí ɑ zɑ́pnɛ tʉ́m nǔu mɔ pɑ́Ꞌ jʉ́ pɔ́.
