Mɑ́lɛ́kúshi 6:11 - Kɑɑ Fí

¹¹ Pʉɔ yɛcɔ́ lɑ́Ꞌ lɑɑ ńdʉꞋ nɛkúkŋɛ wʉ́ʉ, ńdʉꞋ nɛzúꞋ sẅiŋɛ yʉ́ʉ, pʉʉ fú zúꞋu ŋ́ɡɔ ŋ́ɡʉ, ḿbúꞋ pɛ́pɛ́p-mɛku mʉ́ʉ, nɛlɔk ńnyɛt wɔ́p ŋɡɔ nu yí pɔ́p ɡɛnɛ, ɛ́ tsʉꞋ ńdíŋɛ pɔ wɔ́p.»

Mɑ́lɛ́kúshi 6:11 交叉引用

ŊwɑꞋnɛ-Gɑŋntúu Yɛ́su Kɛlístɔ 18:6

Lɑ́ pɑyúdɑ tɛn pɔ ndʉꞋ, ńzɔɔtɛ Pɔ̂l. A ɡɔ́ɔ ńtsʉ́Ꞌ ḿbúꞋ pɔ pɛ́pɛ́p nǔu mɛndẅí mɛ́, ńcú mbɔ̌ pɔ́p ŋɡɔ mɛci mɔ́p lɑɑ ńtswɛtnɛ tú pɔ́p, mbɔ yɛ́ nu kɑ́ pɔ́ nǔu pɔ́. Ŋɡɔ ɑ fú ŋkɔ̂ɔnɛ, ńtsʉ́Ꞌ ɛ́sẅíi nu-Sɛ́ pɔ mbɔ̌ pʉɔ pinɛ pɔ́p kɑ́ pɔ́ pɑyúdɑ pɔ́.

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.

1 Jɑ̂ŋ 4:17

Pɛkŋɛ lɑɑ ŋ́ɡẅɛɛ ŋkɔŋɛ tʉ́m pɛkŋɛ tɛ yɛcɔ́ yúu pɔɔ jɑ́k nǔu pɔ́, pɛkŋɛ pɔɔ kwɑŋɛ lɛ́Ꞌ nɛŋɑk mɛtsɑŋ tʉ́m yɛkŋɛ ɡwɛt pɔ́. Pɔ́Ꞌɔ, mbíꞋŋɡɔ wɛkŋɛ nɛnɑ́ŋ ndǔmbí yɔ ɛ́ pɑ́Ꞌ nɛnɑ́ŋ-Yɛ́su Kɛlístɔ.

2 Pyɛ̂ 3:7

ŋ́ɡʉ nǔu nɛfɑŋ ŋkɔ̂ɔnɛ, mbɑ tsɛ́tsɑ́Ꞌ ŋkɔ̂ɔnɛ, mbɔ yîyɑ́ Sẅiŋɛ lẅɛꞋ wɔ́p lẅɛꞋnɛ ńdɔk ńzẅíꞋlɛ lɛ́Ꞌ yi Sɛ́ ɡʉ ŋ́ɡɛ ŋ́ŋɑk pɛɡɑŋmbuu pɛ́. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́, múk ɡɛ tʉ́nɛ́pú pɔ́p tsɛ́tsɑ́Ꞌ tɛmtɛ ńdɑ́kŋɛ.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

2 Pyɛ̂ 2:6

Sɛ́ kɑ pɛn ńtɛ́m ŋɡʉ̈ɔ́Ꞌ nǔu pʉɔ-tʉ́sɔŋ-Sɔdɔ̂m pɔ́p nǔu pʉɔ-tʉ́sɔŋ-Ŋɡɔmɔ̂ɔ ńdɔk múk ḿbík wɔ́p, ńdɔk ńnyɛt pʉɔ kɛpɔŋ nɛ́ fʉꞋ yúu mi ɛ́ ɡʉ ŋ́ɡɛ ńtɔ́ nǔu pɔ́p.

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

Lúkɑ́shi 9:5

Mbɑ ɡʉ̈ɔ́ lɑ́ yi pʉʉ ŋ́kúu zúꞋu pɛ́ lʉꞋ nɛcẅɛ́ɛ wʉ́ʉ, pʉʉ fú zúꞋu, ŋ́ɡɔ ŋ́ɡʉ, ŋ́kwɛt pɛ́pɛ́p-mɛku pʉʉ nɛlɔk ɛ́sẅíi wɔ́p ŋɡɔ ɛ́ tsʉꞋ ńdíŋɛ pɔ wɔ́p.»

Mɑtʉ̈ɔ 12:36

Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.

Mɑ́lɛ́kúshi 6:10

Yɛ́su pɛn ńcú mbɔ̌ pɔ́p ŋɡɔ: «pʉʉ lɑɑ ŋ́ɡʉ tɛ ŋ́kúu tsɛt tɑ́Ꞌ lɑ́Ꞌ, pʉʉ nɑ́ŋ pɔ tsɛt ndɑ́ yi pɛ́ ŋ́ɡɛ ŋ́ɡɑ́ mbɔ̌ pʉʉ tɛ ŋ́ɡɛ ɛ́fú zúꞋu ŋ́ɡʉ.