43 Yɛ́su tɔꞋ wɔ́p ŋɡɔ pɔ́p pɑ́ɑ nɛɡɛ tɛ wɛcɔ́ ŋu ndɛꞋ jí yúu mi ɛ́ ɡɛnɛ, ḿbɛn ńcú ŋɡɔ pɛ́ ɡɑ́ yúu ɑ jʉ́.
Yɛ́su cú mbɔ̌ wɛ́ ŋɡɔ: «Pɑ́ɑ nɛkɛ́ ŋ́kẅíi tɛ ŋu zúꞋ, lɑ́ kɛ́ ŋ́ɡʉ ńnyɛt mbʉʉ yu, mbɔ̌ nɔŋpɔꞋ, ḿbɛn ŋ́ɡɑ́ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ mɛnɛ nǔu wɛ́, pʉɔ tsʉʉ jí ŋɡɔ ɔ fíitɛ.»
Yɛ́su cú mbɔ̌ pʉɔ pi pɔ́p lɑ́Ꞌnɛ ńdɔk wɛ́ ńtɔ́ ŋɡɔ: «Kɔɔ pʉʉ cú tɛ ŋu zúꞋ.» Lɑ́ ŋ́kɛ́ ḿbɔ́ ńtɔꞋ wɔ́p ŋɡɔ́ku lɑ́, pɔ́p kɛ́ ḿbɔ́ ɛ́sɑ́Ꞌ yɔ nu sɑ́Ꞌnɛ.
Ŋ́ɡɛ pɔ́Ꞌɔ, ɑ zuŋ wɛ́ ńcú ŋɡɔ ɑ fú zúꞋu ŋ́ɡʉ;
Mík mɔ́p ɡɔ́ɔ ŋ́kɛ́ ńjʉ́ɔ zʉꞋ. Yɛ́su tɔꞋ wɔ́p tɛ ḿbʉ́ʉ ŋɡɔ: «Ḿbɑ́ɑ wʉ́ʉ nɛkɛ́ ŋ́ɡɛ tɛ ŋu jí pɑ́Ꞌ ɛ́ lɛɛnɛ.»
Ŋ kɑ́ pɔ́ ńtsɑ́ɑ yɛcɔ́ nɛŋwɑ́ŋɛ ẅí ɛ́ fúnɛ mbɔ̌ pʉɔmɛsɔŋ pɔ́.
Tɑ́-mɔ́ɔ pɔ́p Mɑ́mɔ́ɔ jʉ́ɔ, ɛ́ kʉꞋnɛ wɔ́p. Lɑ́ Yɛ́su tɔꞋ ŋɡɔ kɔɔ pɔ́p kɛ́ sẅíi ŋu nɛ́ yúu mi ɛ́ lɛɛnɛ.
Yɛ́su tɔꞋ wɛ́ ŋɡɔ: «Pɑ́ɑ nɛkẅíi tɛ ɛ́sẅíi ŋu! Gʉ ńnyɛt pɔ mbʉʉ yu mbɔ̌ pɑnɔ́ŋpɔꞋ, ḿbɛn ŋ́ɡɑ́ yúu mi nɛpʉʉ-Mɔ̌sɛ̂ɛ sɛ́ ḿbíkŋɛ mbɔ̌ ŋu ẅí ŋkɑꞋ ḿmɛnɛ nǔu wɛ́ tɛ pʉɔ pɛtsʉʉ ɡɔ́ɔ ŋ́kɛ́ ńjí ŋɡɔ ɔ fíitɛ! Pɔ́Ꞌɔ ɛ́ pɔ́ mɑ́mɑ́ lii.»
Lɑ́ ɑ pɔ́ ńtɔꞋ wɔ́p tɛ ḿbʉ́ʉ tɛꞋ ŋɡɔ pɔ́p pɑ́ɑ nɛɡɛ pɛ́ jí ŋu ẅí ɑ jʉ́.
Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ kwɛn wɔ́p ŋɡɔ, kɔɔ pɔ́p kẅíi tɛ ŋu ndɛꞋ fɛ́ꞌnɛ ńjí yúu mi pɔ́p jʉ́ɔnɛ, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.
A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.
Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.
Mɔ́ɔ ɡɔ́ɔ ḿbʉꞋ mbʉʉ yɛ, ńdɔ sɛ́ ńzɛ nɛnɛn. Pɔ́p jʉ́ɔ ɛ́ kʉꞋnɛ wɔ́p tɛꞋ. Mɔ́ɔ kɑ pɔ́ mɔ́ɔ ŋɡuꞋ ntsɔ̌ppɑ́ nɛ́ nɛɡɛ́m.
Pɔ́p pɛ́pɔ́p ɡɛ ḿbɔ́ ɛ́fú ndǔ nɛŋkɔ́Ꞌ ńcúŋ, ɑ tɔꞋ wɔ́p ŋɡɔ kɔɔ pɔ́p kíɛꞋ yúu mi pɔ́p jʉ́ɔnɛ lɑ́, tɛ ńdɑ́Ꞌ ŋ́kúu ŋkɑ́ yi Mɔ́ɔ-Ŋu ńzẅíimɛ nǔu nɛvú.
