Mɑ́lɛ́kúshi 5:41 - Kɑɑ Fí

⁴¹ Yɛ́su ɡẅɛɛ pɔ́-mɔ́ɔ, ńcú mbɔ̌ wɛ́ ŋɡɔ: «Tɑlítɑ kum,» ńdɔk ńcú ŋɡɔ: «Mɔ́ɔ mɑŋɡɛ́, lɔ sɛ́.»

Mɑ́lɛ́kúshi 5:41 交叉引用

Mɑ́lɛ́kúshi 1:31

A kẅɛ́Ꞌlɛ ńtʉ́ʉ mbi yɛ́, ŋ́ɡẅɛɛ pɔ́ yɛ́, ŋ́ɡɛ ɑ lɔ sɛ́. Mbʉʉnút zɑ́Ꞌnɛ, ɑ ɡʉ ńniitɛ yúujʉ́ ŋ́ɡɑ́ mbɔ̌ pɔ́p.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Pʉɔ-Lɔ́mɑ 4:17

Ndʉ́ŋndʉŋ pɑ́Ꞌ ŋwɑꞋnɛ-Sɛ́ sɛ́ ńcú nǔu wɛ́ ŋɡɔ: «Mɔ, n zɑ́p wú pɑ́Ꞌ ɔ ɡʉ ḿbɔ́ mɑ̂ɑŋɡɑpnjẅɛt-pʉɔ-mɛlɑ́Ꞌ mɛlɑ́Ꞌ». Ábɛlɛhɑ̂m mbi Sɛ́ ẅi jʉ́ Ábɛlɛhɑ̂m kɑ zɑ́pnɛ tʉ́m nǔu wɛ́, ḿbɔ́ mɑ̂ɑŋɡɑpnjẅɛt wɛkŋɛ, ɑ pɔ́ Sɛ́ ẅi ɑ ɡɛnɛ pɛpfú pɛn ḿbɔ́ ɡú, ɛ́fúŋ yúu mi ɛ́ zɛɛ mbɔɔ ɡú pɔ́, ɛ́ cẅɛt ńtʉ́ʉ.

Mɑ́lɛ́kúshi 1:41

Mɛjʉ́ŋ mɛ́ kɔ́ wɛ́, ɑ cɑklɛ pɔ́ ŋ́ɡẅɛɛ wɛ́, ńcú ŋɡɔ: «Ŋ kɔŋ pɔ́Ꞌɔ, fíitɛ.»

Mɑ́lɛ́kúshi 5:40

Pɔ́p zúꞋ, ŋ́ɡwɛ wɛ́ ɡwɛnɛ. A ɡɛ pʉɔ tsʉʉ fú ndɑ́ ńcẅɛt, tɛ ɛ́ tsʉꞋ ndɑꞋ Tɑ́-mɔ́ɔ pɔ́p mɑ́mɔ́ɔ, ŋ́ɡɛ ɡɑŋku pɛ́ ɛ̂pɑ́. Pɔ́p pɛpɔ́p kúu tsɛt lûmndɑ́, zʉꞋ yi mɔ́ɔ nɔɔnɛ zúꞋu.

Mɑ́lɛ́kúshi 5:42

Mɔ́ɔ ɡɔ́ɔ ḿbʉꞋ mbʉʉ yɛ, ńdɔ sɛ́ ńzɛ nɛnɛn. Pɔ́p jʉ́ɔ ɛ́ kʉꞋnɛ wɔ́p tɛꞋ. Mɔ́ɔ kɑ pɔ́ mɔ́ɔ ŋɡuꞋ ntsɔ̌ppɑ́ nɛ́ nɛɡɛ́m.