24 Yɛ́su pɛn ńcú mbɔ̌ pɔ́p ŋɡɔ: «Pʉʉ lɑɑ ńzẅíꞋlɛ nu-Sɛ́ pʉʉ zúꞋ tɛ ńzúꞋ. Nu yi pʉʉ niitɛ ńzúꞋ sʉ́Ꞌnɛ, ndɛn ẅi ŋu lɔknɛ ńníꞋ tú ńzúꞋ nu-Sɛ́, ɛ́ yɛ́t lɑ́ ɑ ɡʉ ńdɔk ŋ́ɡɑ́ jínu mbɔ̌ ŋɡɑŋ, tɛ ḿbɛn ŋ́kẅiꞋ.
Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,
N dɔk ɛ́sẅíi wʉ́ʉ ŋɡɔ pʉʉ lɑk tú yʉ́ʉ nǔu ntɛ́ yi pʉʉ lɔknɛ ńzúꞋ sẅíŋɛ-Sɛ́, ŋu lɑɑ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ yí ɑ kwɑŋɛ́nɛ ŋɡɔ ɑ ɡẅɛɛ lɑ.
Ɛ́ ɡʉ ɛ́fú pɔ nǔu ntɛ́ yi pʉʉ lɔknɛ ńtɔ́ lɔ́Ꞌ pɛcɔ́ pʉɔ, lɑ Sɛ́ pɛ́ɛ fʉꞋ nɛtɔ́ yʉ́ʉ lɔ́Ꞌ ɡúu. Pʉʉ jí ŋɡɔ: Sɛ́ ɡʉ ńtɑ́ɑ ńníꞋ pɑɑ yʉ́ʉ pɔ pɑ́Ꞌ pʉʉ zɛɛnɛ ńníꞋ yɛ́ pɛcɔ́ pʉɔ.
Pɑyúdɑ pinɛ pɔ́p nǔu yîyɑ́ tʉ́sɔŋ ɡẅɛɛ tʉ́m sʉ́Ꞌnɛ ńdɛɛ pinɛ pɔ́p Tɛsɑlɔnik. Pɔ́p pɛ́m sẅíŋɛ-Pɔ̂l pɔ́p Sílɑs nɛ́ tʉ́m sʉ́Ꞌnɛ, ḿbɔ́ lɛ́Ꞌ tsʉʉ, ḿbɔ́ ɛ́fúŋ ŋwɑꞋnɛ-Sɛ́, ńtúŋtɛ nu ŋ́ɡɑ́ nǔu, ńdɔɔ nɛjí kɛ nu yi pɔ́p sẅíinɛ wɔ́p, ɛ́ pɔ́Ꞌɔ ɔɔ.
Pʉʉ jí ŋɡɔ ŋu lɑɑ ḿbi yúu ɛ́ pɔɔ zɑ́ɑ, mbɔ ɑ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ pɔɔ zɑ́ɑ, ḿbi ɛ́ zɑ́ɑ, mbɔ ɛ́ ɡʉ ńdɑ́Ꞌ ŋkɑ́ nɛlɑk yúu, ɑ lɑk ɛ́ zɑ́ɑ.
Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.
Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.
Pɔ́p ɡɔ́ ńjʉ́ɔ, yɛcɔ́ lɑ́ɑ cúŋ, ŋ́kẅíipɛ wɔ́p. Ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ. Pʉʉ zúꞋ ntsu wɛ́,»
M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.
Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.
Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.
