20 Ŋ́ɡɛ pɔ́Ꞌɔ, Yɛ́su kúu ndɑ́, lɑ́Ꞌ pɛn ńcúꞋlɛ ńzɑ́ɑ zɑ́ɑnɛ tɛ pɔ́p ɡɑŋku pɛ́ pɔɔ jʉ́ɔ mbɑ ŋkɑ́ tɛ ŋ́kwɛ́t yúu pɔ́.
A cú mbɔ̌ pɔ́p ŋɡɔ: «Pʉʉ tɔ́ pɛkŋɛ lɔɔ zʉꞋ yi ŋu kɑ́ pɔ́ zúꞋu pɔ́, pʉʉ nɑ́Ꞌ ńjẅiitɛ.» A cú pɔ́Ꞌɔ, mbíꞌŋɡɔ lɑ́Ꞌ tɛ ńzɑ́ɑ kɑ pɔ́ ńdɛɛtɛ, pɛcɔ́ pɔ́ ŋ́ɡʉ, pɛcɔ́ pɔ́ ńtɔ́, tɛ pɔ́p ɡɑŋku pɛ́ pɔɔ ɡẅɛɛ ŋkɑ́ nɛkwɛ́t yúu pɔ́.
Yɛ́su pɔ́p ɡɑŋntúu pɛ́ pi ɑ tsɔ́Ꞌnɛ, fú ndǔ nɛŋkɔ́Ꞌ ńcúŋ tɛ ŋ́kúu sɛ́, ńjʉ́ɔ pɛcɔ́ ɡɑŋku pɛ́ pɔ́ zúꞋu tɛ ńzɑ́ɑ pɔ́p nɔɔ-lɑ́Ꞌ, mbɔ pɛ́ fú nǔu ŋɡɔ́ŋ-Jẅidɛ̂, ɛ́fú tʉ́sɔŋ Yɛlúsɑlɛm, ɛ́fú mɛtʉ́sɔŋ Tîi pɔ́p Sidɔ̂ŋ mi ɛ́ ŋkɑŋ-ŋki.
Yɛ́su pɔ́p ɡɑŋku pɛ́ ɡɛ ḿbɛn tɛ ŋ́kúu ndɑ́, ḿbɔ́ zɛ́nɛ pɔ́p, pɔ́p píkŋɛ wɛ́ ŋɡɔ: «Ku lɑ́Ꞌnɛ ŋ́ɡɛ lɑ́ pɛk pɔɔ kuꞋ nɛzuŋ yɔ zẅikŋɛ kɛpɔŋ ɛ̂yɑ́ pɔ́ ɔɔ?»
Yɛ́su ɡɛ ńnɑ́ lɑ́Ꞌ, ŋ́ɡʉ tɛ ŋ́kúu ndɑ́, ɡɑŋku pɛ́ píkŋɛ wɛ́ ŋɡɔ ɑ kyɛ́Ꞌtɛ nu yi ɑ fúnɛ nɛcú, ɛ́sẅíi wɔ́p.
Yɛ́su jʉ́ɔ pɔ́Ꞌɔ, ńcú mbɔ̌ ɡɑŋku pɛ́ ŋɡɔ, pɔ́p niitɛ mɔ́ɔmɔ kɑnúꞋ, ɑ kúu tsɛtú, ḿbɔ́k lɑ́Ꞌ nɛfyɛ́t wɛ́.
Yɛ́su pɔ́p ɡɑŋku pɛ́ ɡɛ ɛ́fú zúꞋu ŋ́ɡʉ nɛ́ mbʉʉ mɑ́mɑ́ mí-Ŋɡɑlilɛɛ. Nɔɔ-lɑ́Ꞌ tɛ ńzɑ́ɑ cʉ́ɔ nzʉʉ yɛ́, ɛ́fú ɡúŋ-pɑk-ŋɡɔŋ-Ŋɡɑlilɛɛ mbɑ ɡúŋ-pɑk-ŋɡɔŋ-Judɛ̂,
Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.
Ɛ́ lɛɛ mɛcɔ́ mɛlɛ́Ꞌ, Yɛ́su pɛn ḿbɛn Kɑpɛɛnɑwûm. Pɛ́ zúꞋ ŋɡɔ ɑ ndɑ́,
ḿbɛn ŋ́ɡɛ Jẅidɑ Iskɑlyɔt ẅi ɑ kɑ ńtɑ́ɑnɛ ɛ́fɛn Yɛ́su.
