Mɑ́lɛ́kúshi 3:17 - Kɑɑ Fí

¹⁷ yɔ pɔ́ Jɑ̂k pɔ́p mɔ́ɔmɑ́ wɛ Jɑ̂ŋ, pɔ́p pɔ́ mbɔ́ŋkʉ̈ɔ́ Zɛbɛ́dɛ̂. Yɛ́su cẅi lík yɔ́p ŋɡɔ Mbwɑnɛ̂ɡɛ́s, ɛ́ lɔk ńcú ŋɡɔ, pɔ́ɔ-nɛfɑŋ ni ɛ́ kwɛnɛ́nɛ.

Mɑ́lɛ́kúshi 3:17 交叉引用

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Mɑ́lɛ́kúshi 14:33

Ńcú pɔ́Ꞌɔ, ɛ́fɑk Pyɛ̂, ŋ́ɡɛ Jɑ̂k pɔ́p Jɑ̂ŋ, pɔ́p pɛpɔ́p ɡʉ. A zɛ nɛzúꞋ pɑꞋ cʉɔꞌ ɡẅɛɛnɛ wɛ́, nɛvú kwɛ́t wɛ́,

Mɑ́lɛ́kúshi 5:37

Yɛ́su pɔ́p Yɑyɛ́lɔ pɔ́ ŋ́ɡʉ, Yɛ́su pɔɔ pɛ́m ŋɡɔ wɛcɔ́ ŋu cʉ́ɔ nzʉʉ pɔ́p pɔ́, ndɑꞋ Pyɛ̂ ŋ́ɡɛ Jɑ̂k pɔ́p mɔ́ɔmɑ́ wɛ Jɑ̂ŋ.

ŊwɑꞋnɛ-Gɑŋntúu Yɛ́su Kɛlístɔ 12:1

Ɛ́ pɔ́ ŋkɑ́ yîyɑ́, fɔɔ Ɛlɔ̂dɛ zɛ nɛtsɔ́Ꞌ ku pɛcɔ́ ɡɑŋ-cúꞋlɛ-pʉɔ-Kɛlístɔ kɛpɔŋ,

Jɑ̂ŋ 21:2

Pɛcɔ́ ɡɑŋku-Yɛ́su kɑ tɛmtɛ ńcúꞋlɛ tɑ́Ꞌ zʉꞋ. Yɔ kɑ pɔ́ Símɔ̂ŋ Pyɛ̂, nɛ́ Tɔmɑ́shi mɔ́ɔnɛfɑ́k, ŋ́ɡɛ Nɑtɑnɑyɛ̂l mɔ́ɔ-tʉ́sɔŋ-Kɑnɑ tsɛt pɑk-ŋɡɔŋ-Ŋɡɑlilɛɛ, nɛ́ mbɔ́ŋkʉ̈ɔ́ Zɛbɛdɛ̂, mbɑ pɛcɔ́ ɡɑŋku-Yɛ́su pɛ́pɑ́.

Mɑ́lɛ́kúshi 10:35

Jɑ̂k pɔ́p Jɑ̂ŋ, pɔ́ɔ-Zɛbɛ́dɛ́ɛ kẅɛ́Ꞌlɛ mbʉʉ yɔp ńtɔ́ nɛ́ nɛjɔ́ŋ Yɛ́su, ńcú mbɔ̌ wɛ́ ŋɡɔ: «Tɑ̌ɑ wɛk, sɛ́sẅíi, pɛk lɑɑ ńdɔ́ɔ yúu mbɔ̌ wu, ɔ pɛ́m ŋ́ɡɑ́ yîyɑ́ yúu mbɔ̌ pɛk.»

Mɑ́lɛ́kúshi 9:2

Ɛ́ lɛɛ lɛ́Ꞌ pɛ́nɛ́túkú, Yɛ́su fɑk Pyɛ̂ ŋ́ɡɛ Jɑ̂k pɔ́p Jɑ̂ŋ, ńdɔk wɔ́p ŋ́ɡʉ ŋ́kɔ́Ꞌ ndǔ yɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛ́nɛ pɔ́p, pɔ́p ɡɔ́ ńdíŋɛ, lii yɛ́ shɔtnɛ.

Mɛnu ɛ́ ńdɑ́Ꞌ ńcẅɛt 10:11

Pɛ́ pɑ́ɑtɛ ńcú mbɔ̌ mɔ ŋɡɔ: «Ɛ́ sɛ́ ḿbíkŋɛ ŋɡɔ ɔ pɛn ŋ́ɡʉ ɛ́sɑ́Ꞌ Ŋkʉʉ-Sɛ́ mbɔ̌ pʉɔ ntɛ́ nɛ́ ntɛ́, mbɔ̌ ŋɡɔŋ nɛ́ ŋɡɔŋ, mbɔ̌ pʉɔ pí pɔ́p sẅiŋɛ́nɛ mɛsẅíŋɛ mɛntɛ́ mɛntɛ́, mbɑ mbɔ̌ pɛfɔɔ tɛ ńzɑ́ɑ.»

Mɑtʉ̈ɔ 4:21

Pɛ́ nɑꞋ ńzɛɛ ńnɛn, Yɛ́su pɛn ńjʉ́ɔ pɛcɔ́ pɔ́ɔpɛ́mɑ́ pɛ́pɑ́ Jɑ̂k pɔ́p Jɑ̂ŋ, pɔ́p pɔ́ pɔ́ɔ-Zɛbɛ́dɛ́ɛ, pɔ́p pɛ́ tɑ̌ɑ wɔp pɔ́ tsɛt kɑnúꞋ ḿbɔ́ ńniitɛ mɛŋkʉ mɔ́p, ɑ fúŋ wɔ́p.

Mɑ́lɛ́kúshi 3:16

Pʉɔ ntsɔ̌ppɑ́ nɛ́ nɛɡɛ́m pinɛ ɑ kɑ tsɔ́Ꞌnɛ pʉ́ɔ: Yɔ ḿbɔ́ Símɔ, ɑ cẅi lík yɛ́ ŋɡɔ Pyɛ̂,)

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Lúkɑ́shi 9:54

Pɛcɔ́ ɡɑŋku pɛ́ pɛ́pɑ́, Jɑ̂k pɔ́p Jɑ̂ŋ jʉ́ɔ yɔ, ńcú mbɔ̌ Yɛ́su ŋɡɔ: «Tsɑpʉɔ wɛk, ɔ pɛ́m ŋɡɔ pɛk píkŋɛ múk, ɛ́fú tʉ́nɛ́pú ńcúŋ, ńtɔ́ ḿbík pʉɔ pɔnɛ?»