10 Ɛ́ ɡɔ́ ḿbɔ́, mbɔ ɑ ɡɛ pʉɔ tɛ ńzɑ́ɑ fíitɛ, tɛ pʉɔ tsʉʉ pi ɡɔɔ m̄bɔ́nɛ nǔu pɔ́p nɑ́ɑtɛ wɛ́, ńzɑ́p mbɔ́ nǔu wɛ́.
A pɔ́ ńdɛɛ mbɑ ɡɔ́ lɑ́, kɛ pɔ tʉ́sɔŋ ɔɔ, kɛ pɔ tsɛt mɛnjɛ́Ꞌ ɔɔ, pɛ́ pɔ́ ńtíi pɛŋɡɔɔ ńdɔk ńtɔ́, ńnɔŋ zʉꞋ yi ɑ ɡʉ ńdɛɛ zúꞋu, ḿbuꞋ mbɔ́ mbɔ̌ wɛ́ ŋɡɔ ɑ pɛ́m pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ pi pɔ́p kuunɛ nɛcɔ́ŋ-ndẅí ɛ̂nɑ́, fíitɛ tsʉʉ.
ḾbúꞋ mbɔ́ mbɔ̌ wɛ́ ŋɡɔ ɑ sǐi ḿbɛ́m, pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ tsʉʉ pí pɔ́p kɑ ɡẅɛɛnɛ nɛcɔ́ŋ-ndẅí ɛ̂nɑ́ fíitɛ.
Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.
Pɛ́ kɑ ɡʉɔꞋlɛ nu yɔ́p ɡʉɔꞋlɛnɛ tɛ pɛ́ lɔk mɛkúu pɔ́p pɛmɑ́tɑ ńtíi pɛŋɡɔɔ ńnɔŋ wɔ́p ŋkɑŋ-sɛ̂ndúŋ nɛpɔ́ yi Pyɛ̂ ɡʉ ŋ́ɡɔ ńdɛɛ, mɔ́jíjʉŋ wɛ tɛ́mɛ nǔu wɛcɔ́.
Wɛcɔ́ tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ pɔ́ tʉ́sɔŋ ɛ̂wɑ́, ŋ́ɡẅɛɛ ŋkwɑɑ wɛ, ŋ́kɔŋ wɛ́ tɛꞋ. Ŋkwɑɑ wɛ ɛ̂wɑ́ pɔ́, mbɔ ɑ vu ɡɔɔ, ńtsʉ́Ꞌ ḿpfú pfúnɛ.
mbíꞋŋɡɔ Tsɑpʉɔ sɑ́Ꞌ pɔ ŋu ẅi ɑ sɛ́ ŋ́kɔŋ wɛ́.» A lɔk kɛm yúu ńtswɑ́ɑ mbɑ wɔ̌ lɑ́ ẅi jʉ́ Sɛ́ jínɛ ŋɡɔ ɑ mɔ́ɔ nɛ.
Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, pɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ, ɡʉ nɛ́ mbɔ́tnɛ, ɡɔɔ yú mɛ.»
A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́. A zɛ nɛɡɛ ɡɑŋɡɔɔ pínɛ pɔ́p tsɛtsɛt pɔ́p fíitɛ.
Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.
Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.
Yɛ́su kúu tsɛt yɛcɔ́, ɛ́ pɔ́ yɛ́ Simɔ̂ŋ, ḿbúꞋ mbɔ́ mbɔ̌ wɛ́ ŋɡɔ ɑ nɑ́Ꞌ ńdɔk wɛ́ ŋ́ɡʉ nɛ́ tsɛt ŋki. A pɛ́m, Yɛ́su cúŋ ńnɑ́ŋ tsɛt lɑ̌nji, ńzɛ nɛlɛ́Ꞌlɛ nu-Sɛ́ mbɔ̌ lɑ́Ꞌ.
Pʉɔ tsʉʉ kɑ pɔ́ ńdɔɔ nɛkuu wɛ́, mbíꞋŋɡɔ mɛtʉʉ kɑ pɔ́ fú nǔu wɛ́, ńzɔŋ wɔ́p pɛ́tsʉʉ.
Ɛ́ kɑ ɡɔ́ ḿbɔ́, Yɛ́su pɔ́ ńzɔŋ mɛɡɔɔ tɛ ńzɑ́ɑ, ḿbɔ́ ńtɔ́ mɛlɔ́Ꞌ ntɛ́ nɛ́ ntɛ́, ḿbɔ́ ńzuŋ mɛzẅikŋɛ kɛpɔŋ mi ɛ́ mbʉʉ pʉɔ, ḿbɔ́ ŋ́ɡɛ pɛfumík jʉ́ɔ zʉꞋ.
