12 Pɔ́ꞌɔ lɑ́, ɑ ɡɔ́ɔ ńdɔ sɛ́ ńtíi pɑ́ŋtɛ wɛ, ńdɔk ḿbɔ́ ŋ́ɡʉ, lɑ́Ꞌ pɔ́ ńdíŋɛ, tɑ́ɑ lík mbɑ wɔ̌ lɑ́ cẅɛt, ɛ́ pɔ́ ŋ́kʉꞋnɛ wɛ́. Pɔ́p pɔ́ ŋ́ɡúꞋlɛ Sɛ́ ńcú ŋɡɔ: «Pɛk ŋkɑɑ mɔ zɛɛ ńjʉ́ɔ yɔ ntɛ́ nu pɔ́!»
Yɛ́su pɔ́ tɛ ńzuŋ yîyɑ́ zẅikŋɛ kɛpɔŋ, ntsɑꞋmbúꞋ ɛ̂wɑ́ ɡɔ́ɔ ńzɛ nɛcú nu. Lɑ́Ꞌ jʉ́ɔ ḿmɑɑ, ḿbɔ́ ńcú ŋɡɔ: Pɛ́ ŋ́kɑɑ mɔ́ zɛɛ ńjʉ́ɔ yɔ ntɛ́ nu tsɛt ŋɡɔŋ-pɑíslɑyɛ̂l pɔ́.
Lɑ́Ꞌ jʉ́ɔ yɔ nu ḿbɔ́k Sɛ́, ŋ́ɡúꞋlɛ wɛ́ nǔu pɑ́Ꞌ ɑ ɡɑ́nɛ yɔ ntɛ́ mɛtʉʉ mbɔ̌ pʉɔmɛsɔŋ.
Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»
Pɑzɑ́Ꞌntsɑŋ pɛn ńniitɛ ḿbɑpmɛ wɔ́p, ńnɑ́ wɔ́p pɔ́p ɡʉ. Mbɔ pɔ́p lɔɔ shʉ́ ẅi pɔ́p ɡʉ ɛ́fú nǔu ńdɔk ńnyɛt wɔ́p nɛ́ ŋɡʉ̈ɔ́Ꞌ, ḿbɔɔ jʉ́ɔ ntɛ́ lɑ́Ꞌ. MbíꞋŋɡɔ pʉɔ tsʉʉ kɑ pɔ́ ŋ́ɡɛ́mtɛ Sɛ́ nǔu yúu mi ɛ́ kɑ lɛɛnɛ.
Pɛ́ ŋkɑɑ mɔ́ zúꞋ ŋu ẅí ɑ ŋíɛꞋnɛ mík-ŋu ẅí pɛ́ kɑ ɡɔ́ ḿbí wɛ́ ɑ pɔ́ fʉmík pɔ́ mbɑ́ɑ!
Nɛzɑ́ɑ pʉɔ tsɛt nɔɔ-lɑ́Ꞌ kɛ́ ḿbɔ́ ńzɑ́p tʉ́m nǔu wɛ́ zɑ́pnɛ, ḿbɔ́ ńcú ŋɡɔ, tɛ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ŋ́ɡɛ ńtɔ́ ḿbɛn ŋ́ɡɛ mɛcɔ́ mɛnu mɑ̌ɑmɑɑnɛ tɛ ɛ́ lɛɛ mi ŋu wɑ́ sɛ́ ŋ́ɡɛ lɑ́?
Wɛcɔ́ tɑ́Ꞌ nǔu pɔ́p jʉ́ɔ pɑꞋ ɑ fíitɛ́nɛ, ḿbɛn nzʉʉ, ŋ́kɑꞋ ŋɡi yɛ ŋ́ɡɑ́ tʉ́ ńdɔk ŋ́ɡúꞋlɛ Sɛ́.
Ńcú pɔ́Ꞌɔ, ńzɑ́p mbɔ́ mɛ́ tú-mɑŋɡɛ́ ɛ̂wɑ́. A ɡɔ́ɔ ḿbʉꞋ mbʉʉ yɛ ńtʉ́ʉ ndʉ́ŋndʉŋ, ŋ́ɡúꞋlɛ Sɛ́.
Pʉɔ pɛtsʉʉ kɑ jʉ́ɔ ɛ́ kʉꞋnɛ wɔ́p, pɔ́p pɔ́ ḿbɔ́k, ḿbɛn ḿbɔ́ ńcú ŋɡɔ: «ɡúꞌlɛ mbɔ̌ Sɛ́! Pɛk jʉ́ɔ ndɑɑkɑ́jʉ́ɔ lɔ́Ꞌnɛ!»
Ɛ́ kʉꞋnɛ lɑ́Ꞌ tsʉʉ, tɛ lɛ́m yɔ́p sɑ́ɑnɛ, pɔ́p píkŋɛ tsɛtsɛt pɔ́p ŋɡɔ: «Tɛ yɔ nu ŋɡɔ́ku? A pɔ́ ɛ́sɑ́Ꞌ Ŋkʉʉ Sʉ́Ꞌnɛ tɛ ńcʉ̈ɔ́k mɛzẅikŋɛ kɛpɔŋ, pɔ́p zúꞋ ntsu wɛ́.» Ɛ́ pɑꞋɑ ḿbɔ́ pɔ yɛcɔ́ nu fí kɛkʉ̈ɔ́? A sɛ́ ńzíꞋ pʉɔ pɑꞋ ŋu Sɛ́ túunɛ.
CípúꞋ cú nu, ɡɑŋkẅíꞋlɛ fíitɛ, ɡɑŋpʉ̈ɔ́Ꞌtɛ mɛku nɛn sʉ́Ꞌnɛ, pɛfʉmík jʉ́ɔ zʉꞋ sʉ́Ꞌnɛ. Lɑ́Ꞌ jʉ́ɔ ḿmɑɑ tɛꞋ, ŋ́ɡɛ́mtɛ Sɛ́-pɑíslɑyɛ̂l.
Lɑ́Ꞌ tsʉʉ jʉ́ɔ ḿmɑɑ tɛꞋ, ńcú ŋɡɔ: «Lɛ́Ꞌcɔ́ ɑ ŋu nǔu njẅɛt-fɔɔ Ndɑvît pɛ́ pyɛ́pnɛ lɑ́.»
«Lɔ sɛ́ ńtíi pɑ́ŋtɛ wu ńdɔk ŋ́ɡʉ nɛ́ njɛ́Ꞌ yu.»
