9 Yɛ́su kɑ zẅíimɛ nǔu nɛvú, mbɑꞋmbɑꞋɑ́ nduŋmbi lɛ́Ꞌ nǔu ŋɡɑplɑ́Ꞌ, ḿbiitɛ ńnyɛt mbʉʉ yɛ mbɔ̌ Mɑlíyɑ-Mɑkdɑlɑ wɑ́ ẅi mɛzẅikŋɛ kɛpɔŋ sɑɑmbɑ́ kɑ ɡẅɛɛnɛ wɛ́ ḿbɔ́ ḿbúunɛ wɛ́ lɑ́; Yɛ́su cẅɛ́ɛ wɛ́ mbɔ̌ pɔ́p lɑ́.
Pɛcɔ́ mbɔ́ntɑ́Ꞌ-pɑŋɡɛ́ pɔ́ yɔ́p tsɛtsɛt, ḿbɔ́ pinɛ ɑ kɑ zɔŋnɛ mɛɡɔɔ nǔu pɔ́p, ŋ́ɡɛ pinɛ ɑ kɑ zuŋnɛ mɛzẅikŋɛ kɛpɔŋ mi ɛ́ ḿbɔ́nɛ nǔu pɔ́p ḿbɔ́ ḿbɑ́klɛ wɔ́p. Yɔ ḿbɔ́ Mɑlíyɑ ẅi ɑ fúnɛ Mɑkdɑlɑ mbɔ Yɛ́su kɑ zuŋ mɛzẅikŋɛ kɛpɔŋ sɑɑmbɑ́ nǔu wɛ́,
Ńjʉ́ɔ pɛcʉ̈ɔ́Ꞌ-Sɛ́ pɛ́pɑ́, pɔ́p mɑꞋ fúfú ndẅí, ńnɑ́ŋ zʉꞋ yí pɛ́ kɑ nɔŋnɛ pfú-Yɛ́su zúꞋu. Tɑ́Ꞌ nɑ́ŋ nǔu zʉꞋ yi tú yɛ́ kɑ pɔ́nɛ zúꞋu, wɛcɔ́ nɑ́ŋ nǔu zʉꞋ yi mɛku mɛ́ kɑ pɔ́nɛ zúꞋu.
A kɑ ɡɔ́ ńníꞋ pfú-Yɛ́su zúꞋu, Mɑlíyɑ Mɑkdɑlɑ, pɔ́p Mɑlíyɑ mɑ́ pɛ́ Jɔsɛ́ɛ pɔ́ ńjʉ́ɔ.
Pɑŋɡɛ́ ɛ̂pɑ́ ḿbɔ́ Mɑlíyɑ ẅi ɑ ḿbɔ́ ńnɑ́ŋ Mɑkdɑlɑ, ŋ́ɡɛ Jɑ̂ɑnɛ, mbɑ Mɑlíyɑ mɑ́ pɛ́ Jɑ̂k, pɔ́p pɛcɔ́ pɑŋɡɛ́. Pɔ́p pɛ́ɛtɛ mɛnu ɛ̂mɑ́ ɛ́sẅíi ɡɑŋntúu-Yɛ́su.
Ɛ́ m̄bɔ́ tsɛtsɛt pɔ́p, yɔ pɔ́ Mɑlíyɑ-Mɑkdɑlɑ, ŋ́ɡɛ Mɑlíyɑ mɑ́ pɛ́ Jɑ̂k pɔ́p Yɔsɛ̂p, ḿbɛn ŋ́ɡɛ mɑ́ pɛ́ pɔ́ɔ-Zɛbɛ́dɛ́ɛ.
Pɛcɔ́ pɑŋɡɛ́ kɑ tʉ́ʉ yɔ́p pɔ ŋɡɑ sɛsɑ ḿbɔ́ ńdíŋɛ. Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɔsɛ́ɛ ḿbɛn ḿbɔ́ wɛ Jɑ̂ŋ wɛ mbɑ́ɑtɛ pɔ́ tsɛtsɛt pɔ́p,
Ɛ́ ɡɛ ḿbɔ́ lɛ́Ꞌlɑ́Ꞌ-Tsɑpʉɔ, Zẅikŋɛ-Sɛ́ jʉ́ wɑ́ɑ. N zúꞋ yɛcɔ́ ŋɡi tɛnnɛ pɔ́ nzʉʉ mɔ, ḿbɔ́ ńcʉ́ɔ pɑ́Ꞌ ŋɡi-ntɑŋ lɑ́,
Ɛ́ pɔŋ ŋɡɔ ɛ́ nɑ́ŋ ḿbɔ́ mbɑ wɛ́tɛ́ sɔ́ndii lɑ́, mbɑ wɛ́tɛ́ ŋu wʉʉ, ɡʉ nǔu yúu mi ɑ ɡẅɛɛnɛ, ńdʉŋtɛ ḿbɛ́ɛ yɛcɔ́ ndɛn-ŋkɑ́p nǔu, ńdẅɛꞋ ndɑ́ yɛ́, ńjí ŋɡɔ pɛ́ kɛ́ ɡɛ ńzẅíꞋlɛ tɛ n tɔ́ lɑ pɛ́ mɑꞋ ntsup pɔ́.
Ɛ́ pɔ́ nduŋmbi lɛ́Ꞌlɑ́Ꞌ nǔu ŋɡɑplɑ́Ꞌ, pɛk cúꞋlɛ zúꞋu nɛjʉ́ yúu pɛjʉ́-Tsɑpʉɔ. Njí pɔ́ ŋ́ɡʉ kiɛ Pɔ̂l ɡʉ. A pɔ́ ɛ́sẅíi nu-Sɛ́ mbɔ̌ pɔ́ɔpɛ́mɑ́, ŋ́kɛ́ ɛ́sẅíi wɔ́p sẅíinɛ tɛ ŋ́kúu tʉʉtúꞋ.
Pɑŋɡɛ́ ɛ̂pɑ́ ɡɔ́ɔ ḿbuu ḿbɔ́k pɔ́knɛ, ńcẅɛt ŋ́kʉɔ, ńtɛplɛ tɛ ḿbɔɔ pɛn ŋ́kuꞋ nɛcú nu mbɔ̌ ŋu pɔ́, mbɔ cʉɔꞌ ɡẅɛɛ wɔ́p. [
