Mɑ́lɛ́kúshi 16:1 - Kɑɑ Fí

¹ Lɛ́Ꞌ-nji-pɑyúdɑ ɛ̂yɑ́ ɡɛ ńdɛɛ, Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɑ̂k, ɡʉ ńzúu lɑmɛ́ndɑɑ nɛlɔk ńzɔ́Ꞌ pfú-Yɛ́su.

Mɑ́lɛ́kúshi 16:1 交叉引用

Lúkɑ́shi 23:56

ŋ́ɡɔ́ɔ ŋ́kɛ́ ḿbɛn tʉ́sɔŋ, niitɛ lɑmɛ́ndɑɑ sʉ́Ꞌnɛ, mbɑ mɛcɔ́ mɛɡwɛ́t nɛlɔk ńzɔ́Ꞌ pfú-Yɛ́su. Lɛ́Ꞌ nji zɛ, pɔ́p pɔ́tnɛ ńjẅiitɛ pɑꞋ nɛpʉ́ʉ kɑ pɔ́ ḿbíkŋɛ.

Mɑ́lɛ́kúshi 15:40

Pɛcɔ́ pɑŋɡɛ́ kɑ tʉ́ʉ yɔ́p pɔ ŋɡɑ sɛsɑ ḿbɔ́ ńdíŋɛ. Mɑlíyɑ-Mɑkdɑlɑ pɔ́p Sɑlɔmɛ́ɛ, ŋ́ɡɛ Mɑlíyɑ mɑ́ pɛ́ Jɔsɛ́ɛ ḿbɛn ḿbɔ́ wɛ Jɑ̂ŋ wɛ mbɑ́ɑtɛ pɔ́ tsɛtsɛt pɔ́p,

Jɑ̂ŋ 19:31

Pɛ́ kɑ pɔ́ lɛ́Ꞌ ɛ̂yɑ́ ḿbɔ́ ńniitɛ lɛ́Ꞌnji-Pɑyúdɑ, ɛ́ pɛn mbɔɔ pɔŋ ŋɡɔ ɛ́ pɔ́ lɛ́Ꞌnji, mɛpfú-pʉɔ pɔ́ nǔu mɛtʉ́ mbɑ́ŋtɛ pɑ́ŋtɛ́nɛ pɔ́, yîyɑ́ nu zɛɛ ḿbɔ́ ŋ́ɡʉ ḿbɔ́ nji ɡwɛ́ tɛꞋ. Pɛkɛ́m-Pɑyúdɑ ɡʉ ńjʉ́ɔ Pilɑ́tɔ, ḿbúꞋ mbɔ́ mbɔ̌ wɛ́ ŋɡɔ ɑ ɡɛ pɛ́ pʉ̈ɔ́Ꞌtɛ mɛku-pʉɔ pí pɔ́p nǔu mɛtʉ́ mbɑ́ŋtɛ pɑ́ŋtɛ́nɛ, pɔ́p pfútɛ, pɛ́ fú nǔu mɛtʉ́ mbɑ́ŋtɛ pɑ́ŋtɛ́nɛ ŋ́kɔk wɔ́p.

Jɑ̂ŋ 19:25

Mɑ́ pɛ́ Yɛ́su pɔ́p mɔ́ɔmɑ́ wɛ wɛ mɑŋɡɛ́, ŋ́ɡɛ Mɑlíyɑ nzwɛ́-Kɛlɔ́pɑs, mbɑ Mɑlíyɑ-Mɑkdɑlɑ kɑ tʉ́ʉ mbʉʉ tʉ́ mbɑ́ŋtɛ pɑ́ŋtɛ́nɛ-Yɛ́su.

Mɑ́lɛ́kúshi 16:8

Pɑŋɡɛ́ ɛ̂pɑ́ ɡɔ́ɔ ḿbuu ḿbɔ́k pɔ́knɛ, ńcẅɛt ŋ́kʉɔ, ńtɛplɛ tɛ ḿbɔɔ pɛn ŋ́kuꞋ nɛcú nu mbɔ̌ ŋu pɔ́, mbɔ cʉɔꞌ ɡẅɛɛ wɔ́p. [

Mɑ́lɛ́kúshi 15:47

A kɑ ɡɔ́ ńníꞋ pfú-Yɛ́su zúꞋu, Mɑlíyɑ Mɑkdɑlɑ, pɔ́p Mɑlíyɑ mɑ́ pɛ́ Jɔsɛ́ɛ pɔ́ ńjʉ́ɔ.

Mɑ́lɛ́kúshi 14:8

Mɑŋɡɛ́ wɔ ɡɛ yɛ́ yúu mi ɑ kuꞋnɛ nɛɡɛ, ńzɑ́Ꞌ njí ńdɔk lɑmɛ́ndɑɑ ńzɔ́Ꞌ wɑ́ɑ, lɑ pɛ́ tɑ́ɑ ńníꞋ wɑ́ɑ tsɛt nɛshi.

Mɑ́lɛ́kúshi 14:3

Yɛ́su ɡɛ ḿbɔ́ Mbɛtɑni, ndɑ́-Símɔ̂ŋ ẅí pɛ́ kɑ pɔ́ ɛ́fúŋ wɛ́ ŋɡɔ ŋɡɑŋkɑꞋ pɑ́p, ńnɑ́ŋ sɛ́ ḿbɔ́ ŋ́kwɛ́t yúu, wɛcɔ́ mɑŋɡɛ́ kúu yɛ́ ndɑ́, ŋ́ɡẅɛɛ tɔ́Ꞌlɛ yɛcɔ́ lɑmɛ́ndɑɑ sʉ́Ꞌnɛ yí pɛ́ kɑ lɔknɛ yɛcɔ́ tú-nɛɡíi ŋ́ɡɛ ɛ́ pɛn ńcʉ̈ɔ́k ŋkɑ́p tɛꞋ. A lɔk ńtɔ́, ńtʉ́ʉ nɛjɔ́ŋ Yɛ́su, ńtsɔ́Ꞌ tɔ́Ꞌlɛ ɛ̂yɑ́, ńtswɛtɛ lɑmɛ́ndɑɑ nǔu tú-Yɛ́su.

Lúkɑ́shi 23:54

A kɑ pɔ́ ńníꞋ pɔ́Ꞌɔ mbɔ́tnjí Fɛlɑ́dɛ̂ɛ, pɔ́p pɔ́ niitɛ mbʉʉ pɑꞋ lɛ́Ꞌnji yɔ́p sɛ́ ŋ́ɡʉ ńzɛ.

Mɑ́lɛ́kúshi 15:42

Ɛ́ ɡɛ ḿbɔ́ ntsuŋkẅɛ́Ꞌ, wɛcɔ́ ndʉ́m tɔ́. Lík yɛ́ pɔ́ ŋɡɔ Yɔsɛ̂p. A pɔ́ ŋu-Alimɑtɛ̂ɛ. A kɑ pɔ́ ŋu tsɛtsɛt pɑsɑ́Ꞌlɑ́Ꞌ, ḿbɔ́ ŋu pɛ́ ɡɛ mɛkuꞋ mɛ́ tɛꞋ. A nɑ́ŋ yɛ́ ḿbɔ́ ḿbyɛ́p ŋɡɔŋ-nɛfɔɔ-Sɛ́. Pɑ́Ꞌ ɛ́ kɑ ɡɔ́ ḿbɔ́ lɛ́Ꞌ-nɛniitɛ mbʉʉ lɑ́ lɛ́Ꞌnji-pɑyúdɑ zɛ mbɔ́tnjí ɛ̂wɑ́ lɑ́, Yɔsɛ̂p ɛ̂wɑ́ sʉk, ŋ́ɡʉ ńjʉ́ɔ Pilɑtɔ, ńdɔ́ɔ pfú-Yɛ́su nɛɡʉ ńdẅɛꞋ.

Mɑ́lɛ́kúshi 16:2

Njí kiɛ, tɛ mɔ́nɛm pɔ́ ɛ́sɑ́Ꞌ, pɔ́p mʉ́ʉ ŋ́ɡʉ nɛ́ zʉꞋ-nɛshi. Ɛ́ ḿbɔ́ nduŋmbi lɛ́Ꞌ nǔu ŋɡɑplɑ́Ꞌ.

Lúkɑ́shi 24:1

Nduŋmbi lɛ́Ꞌ, nǔu ŋɡɑplɑ́Ꞌ ɡɛ ḿbɔ́, pɑŋɡɛ́ ɛ̂pɑ́ mʉ́ʉ mbɑꞋmbɑꞋɑ́, ńdɔk lɑmɛ́ndɑɑ yi pɔ́p kɑ niitɛ́nɛ ŋ́ɡʉ nɛ́ zʉꞋ-nɛshi.