Mɑ́lɛ́kúshi 13:14 - Kɑɑ Fí

¹⁴ «Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ yúu pʉ́ʉnɛ yí pɛ́ fúŋnɛ ŋɡɔ ŋkʉꞋnɛ tɑ́k tɔ́ ńtʉ́ʉ zʉꞋ yí ɛ́ ńdɑɑ ḿbɔ́ ɛ́ pɔɔ zɛɛ ńtʉ́ʉ zúꞋu pɔ́. (Ŋu fúŋ zʉꞋ-ŋwɑꞋnɛ yɔ, sɑ́Ꞌ tʉʉ nɛniitɛ ńzúꞋ). Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pi pɔ́p Judɛ̂ ŋ́kʉɔ ńdɔk wɛ mɛŋkɔꞋ ŋ́ɡʉ ńdʉɔmɛ.

Mɑ́lɛ́kúshi 13:14 交叉引用

Mɛnu ɛ́ ńdɑ́Ꞌ ńcẅɛt 13:18

Ɛ́ pɔŋ ŋɡɔ pʉɔ tsuŋ ŋ́kwɑŋɛ sʉ́Ꞌnɛ. Ŋu lɑɑ ŋ́ɡẅɛɛ jínu ɑ lii mɛnɔ́mbɑɑ mi ɛ́ cúꞋlɛ́nɛ ńdɔk ńdɛꞋlɛ lík-nɑɑ. Wîwɑ́ nɔ́mbɑɑ lɔk ḿbɔ́ lík wɛcɔ́ ŋumɛsɔŋ. Ɛ́ ntsɔ̌pɛ́nɛ́ntúkú nɛ́ mɛɡɛ́mɛ́nɛ́ntúkú nzʉʉ ŋkʉ yɛ́nɛ́ntúkú (666).

Mɛnu ɛ́ ńdɑ́Ꞌ ńcẅɛt 1:3

Pɔ́ttú ŋu ẅí ɑ ɡʉ fúŋ yɔ ŋwɑꞋnɛ. Pɛpɔ́ttú pɔ́ pʉɔ pi pɔ́p ɡʉ ńzúꞋ yɔ sẅiŋɛ yi ɛ́ fúnɛ mbɔ̌ Sɛ́, ŋ́ɡɛ yúu mi pɛ́ ŋwɑꞋnɛ́nɛ tsɛtú. MbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ kẅɛ́Ꞌlɛ tɛ ḿbɔ́ ḿbɑ́ɑtɛ.

1 Kɔlɛ̂ŋtɛ 14:20

Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

Mɑtʉ̈ɔ 13:51

Yɛ́su píkŋɛ ɡɑŋku pɛ́ ŋɡɔ: «Tɛ pʉʉ zúꞋ mɔ mɛnu tsʉʉ?» Pɔ́p pʉ̈ɔt ŋɡɔ: «Ɔ́ɔŋ, pɛk zúꞋ.»