Mɑ́lɛ́kúshi 10:14 - Kɑɑ Fí

¹⁴ Yɛ́su jʉ́ɔ pɔ́Ꞌɔ, ɛ́ pɔɔ wɛ́ pɔŋ, ɑ cú mbɔ̌ ɡɑŋku pɛ́ ŋɡɔ: «Pʉʉ nɑ́ ɡɛ́ɡɛ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ! Kɔɔ pʉʉ kíꞋ wɔ́p nɛtɔ́! Pʉɔ pi pɔ́p pɑꞋ mbɔ́ŋkʉ̈ɔ́ ɡẅɛɛnɛ nu nǔu Nɛfɔɔ-Sɛ́.

Mɑ́lɛ́kúshi 10:14 交叉引用

Mɑtʉ̈ɔ 19:14

Yɛ́su cú ŋɡɔ: «Pʉʉ nɑ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ, kɔɔ pʉʉ zuŋ wɔ́p, pʉɔ pínɛ pɔ́p pɑ́Ꞌ mbɔ́ŋkʉ̈ɔ́ ɡẅɛɛnɛ nu nǔu nɛfɔɔ-Sɛ́,

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Mɑtʉ̈ɔ 18:4

Ŋu ẅí ɑ kɔknɛ mbʉʉ yɛ́ ŋ́ɡɑ́ sɛ́ tɛ ńtsʉ́Ꞌ pɑ́Ꞌ ɡɛɡʉʉ yɔ lɑ́, ɑ ŋu ẅí ɑ wɛ ɡwɛ́ tsɛt nɛfɔɔ-Sɛ́.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

2 Timɔtɛ́ɛ 3:15

Ɔ kɑ ɡɔ́ ńdɔ sɛ́ ḿbɔ́ ńjí yúu mi ŋwɑꞋnɛ-Sɛ́ yɛ́tɛ́, ḿbɔ́ yɛ́tɛ́ ɡɑ́nɛ wú nɛ́ jínu nɛlɔk ńzɑ́p tʉ́m nǔu Yɛ́su Kɛlístɔ, Sɛ́ ɡɛ ɔ luk.

Mɛnu ɛ́ ńdɑ́Ꞌ ńcẅɛt 14:5

mbɔ pɛ́ ŋkɑɑ mɔ́ zúꞋ cɔtnu cẅɛt ntsu pɔ́p pɔ́, lɔ́Ꞌ yɔ́p pɔɔ ɡú pɔ́.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

Ɛ́fɛ̂zɛ 4:26

Pʉʉ lɑɑ ńzɑ́ŋ lɔ́ŋ, pʉʉ pɑ́ɑ nɛɡɛ nu kɛpɔŋ, ḿbɑ́ɑ nɛm nɛɡɔ́ ḿbɔ́t, zɑ́ŋ lɔ́ŋ pɛ́t tʉ́m pʉʉ.

1 Kɔlɛ̂ŋtɛ 14:20

Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

1 Kɔlɛ̂ŋtɛ 7:14

mbíꞋŋɡɔ ŋu mbɛ́ɛnɛ ẅí ɑ kɑ pɔ́ ŋu-Kɛlístɔ pɔ́, ɑ lɔk pɑ́Ꞌ ɑ kɑ lɑtnɛ mbʉʉ nǔu nzwɛ́ wɛ ẅí ɑ ŋu-Kɛlístɔ, ḿbɔ́ nɛjɔ́ŋ Sɛ́. Mɑŋɡɛ́ ẅí ɑ kɑ pɔ́ ŋu-Kɛlístɔ pɔ́ lɔk pɑ́Ꞌ ɑ lɑtnɛ mbʉʉ nǔu ndúu mɛ ẅi ɑ ŋu-Kɛlístɔ, ḿbɔ́ nɛjɔ́ŋ Sɛ́, ḿbɔ́ yi ɛ́ kɛ́ mbɔɔ pɔ́Ꞌɔ pɔ́, mbɔ mbɔ́ŋkʉ̈ɔ́ pɔ́p kɑ́ ɡẅɛɛ nɛpɔ́ nɛjɔ́ŋ Sɛ́ pɔ́. Pɔ́p pɛn ḿbɔ́ ŋkɔ̂ɔnɛ ḿbɔ́ nɛjɔ́ŋ Sɛ́.

Pʉɔ-Lɔ́mɑ 11:28

Pɔ́p kɑ lʉꞋ Ŋkʉʉ Sʉ́Ꞌnɛ, ńtsʉ́Ꞌ ɡɑŋmbuu-Sɛ́, pʉʉ lúꞋnɛ. Lɑ́, pɑ́Ꞌ Sɛ́ kɑ lɑ́Ꞌnɛ ńtsɔ́Ꞌ wɔ́p ńdɔk ŋ́ɡɛ pʉɔ pɛ́ lɑ́, ɑ pɛ́t ŋ́kɔŋ wɔ́p kɔŋnɛ mbíꞋ pɛmɑ̂ɑŋɡɑpnjẅɛt pɔ́p.

Pʉɔ-Lɔ́mɑ 11:16

Ŋu lɑɑ ńzɛɛ ḿbiitɛ ŋ́ɡɑ́ nduŋmbi kɛm-mbɛlɛ̂t mbɔ̌ Sɛ́, mbɔ mbɛlɛ̂ɛt tsʉʉ tsʉʉ pɔ́ pɔ yɛ́ Sɛ́. Mɛŋɑŋ-tɑ́Ꞌ tʉ́ lɑɑ ḿbɔ́ mbɔ̌ Sɛ́, ḿbɔ́ mbɔ tʉ́ pɛn ḿbɔ́ pɔ mbɔ̌ wɛ́.

ŊwɑꞋnɛ-Gɑŋntúu Yɛ́su Kɛlístɔ 3:25

Yúu mi Sɛ́ kɑ pɔ́ ńdɔk ntsu-pɛŋɡɛ́mndʉ̈ɔ́Ꞌ ŋ́kɑꞋ kɑ pɔ́ yʉ́ʉ. Kɑɑ Sɛ́ kɑ ɡwɑtnɛ pɔ́p Ábɛlɛhɑ̂m pɔ́ yʉ́ʉ ɡúu kɑɑ ɛ̂yɑ́ pɔ́ ŋɡɔ: «Mɔ ńdɑ́Ꞌ ńdɛɛ pɔ nǔu njẅɛt yu lɑ́ ńníꞋ mbɔ́tnɛ nǔu mɛtsɛ́nndɑ́ tsʉʉ mi ɛ́ ndǔ tsɛ́tsɑ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 2:39

MbíꞋŋɡɔ yúu mi Sɛ́ kɑ kɑꞋnɛ, ɑ kɑ pɔ́ ŋ́kɑꞋ mbɔ̌ pʉʉ, mbɑ mbɔ̌ mbɔ́ŋkʉ̈ɔ́ pʉ́ʉ. A kɑ pɔ́ ŋ́kɑꞋ mbɑ mbɔ̌ pʉɔ pinɛ pɔ́p nɑ́ŋnɛ ŋɡɑ sɛsɑ, ŋɡɔŋ pʉɔ tsʉʉ pi Tsɑpʉɔ Sɛ́ wɛkŋɛ ɡʉ ŋ́ɡɛ ɛ́fúŋ wɔ́p nɛtsʉ́Ꞌ pʉɔ pɛ́.»

Mɑ́lɛ́kúshi 8:33

Lɑ́ Yɛ́su shɔtnɛ, ńdíŋɛ ɡɑŋku pɛ́, ńcʉ̈ɔ́k Pyɛ̂, ńcú nɛ́ jʉ́ ŋɡɔ: «Fú nzʉʉ mɔ ńtsʉ́ʉtɛ mbɑ̌ɑ Sɑ́ttɑ, ɔ kɑ́ kwɑŋɛ pɑꞋɑ, ɛ́ pɔ́ pɑꞋ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»

Mɑ́lɛ́kúshi 3:5

Yɛ́su mɑꞋ mík ńdɔk ńdíŋɛ wɔ́p wɛ́mɔ́Ꞌ wɛ́mɔ́Ꞌ, ńzɑ́ŋ lɔ́ŋ, mbʉʉ yɛ pɔ́ citɛ mbíꞋ tʉʉ tú yɔ́p, ɑ cú mbɔ̌ ŋu mbɛ́ɛnɛ ɛ̂wɑ́ ŋɡɔ: «Sɛn pɔ́ yú!» A sɛn. Pɛ́ jʉ́ɔ ɛ́ tɛntɛ.

Mɑtʉ̈ɔ 5:3

«Pɛpɔ́ttú pʉɔ pinɛ pɔ́p jínɛ ŋɡɔ pɔ́p mbi-Sɛ́ ḿbɔɔ yɛcɔ́ yúu kuꞋ, mbíꞋŋɡɔ pɔ́p jʉ́ pii nɛfɔɔ-Sɛ́.

Mɑtʉ̈ɔ 5:10

Pɛpɔ́ttú pʉɔ pinɛ pɛ́ sɛ́ ńzɑ́Ꞌ ku yɔ́p mbíꞋŋɡɔ pɔ́p sɛ́ ŋ́ɡɛ pɑ́Ꞌ Sɛ́ píkŋɛ́nɛ, mbíꞋŋɡɔ pɔ́p ɡʉ ŋ́ɡɛ ńjʉ́ pii-nɛfɔɔ-Sɛ́.»

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.