Mɑ́lɛ́kúshi 1:41 - Kɑɑ Fí

⁴¹ Mɛjʉ́ŋ mɛ́ kɔ́ wɛ́, ɑ cɑklɛ pɔ́ ŋ́ɡẅɛɛ wɛ́, ńcú ŋɡɔ: «Ŋ kɔŋ pɔ́Ꞌɔ, fíitɛ.»

Mɑ́lɛ́kúshi 1:41 交叉引用

Mɑtʉ̈ɔ 9:36

ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞋŋɡɔ pɔ́p kɑ pɔ́ pɑ́Ꞌ nɔɔ-mɛnjinjɔ mí ntsiinɛ kɑ́ pɔ́ ɡú pɔ́. Pɔ́p pɔ́ mɛjʉ́ŋ mɛjʉ́ŋ, mbɔ pɔ́p tsɑ́ŋtɛ.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Ɛ́bɛlʉʉ 2:17

Ɛ́ kɑ pɔ́ pɔ́Ꞌɔ, ḿbɔ́ ḿbíkŋɛ ŋɡɔ ɑ ɡʉ nǔu mbɑ kʉ̈ɔ́ lɑ́ ḿbɔ́ pɑ́Ꞌ pɔ́ɔpɛ́mɑ́ pɛ́, ɛ́ lɛɛ pɔ́Ꞌɔ, ɑ pɔ́ nɔŋpɔꞋ wɛ ɡwɛ́ ẅí ɑ nɑ́ŋnɛ ńtsɑ́ɑ mɛjʉ́ŋ-pʉɔ, ńjí yɛ́ pɔ ndɑꞋ nɛfɑꞋ mbɔ̌ Sɛ́, nɛpɔ́ yi ɑ ɡʉ ŋ́ɡɛ Sɛ́ likŋɛ mɛfɑɑnɛ-pʉɔmɛsɔŋ.

Mɑ́lɛ́kúshi 6:34

A kúu zúꞋu, ɛ́fú tsɛt kɑnúꞋ ńcẅɛt, ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞌŋɡɔ pɔ́p ḿbɔ́ pɑꞋ nɔɔ-mɛnjinjɔ mi ntsiinɛ kɑ́ pɔ́ ɡú pɔ́ lɑ́. A zɛ nɛzíꞋ wɔ́p nɛ́ mɛnu tɛ ńzɑ́ɑ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Mɑ́lɛ́kúshi 5:41

Yɛ́su ɡẅɛɛ pɔ́-mɔ́ɔ, ńcú mbɔ̌ wɛ́ ŋɡɔ: «Tɑlítɑ kum,» ńdɔk ńcú ŋɡɔ: «Mɔ́ɔ mɑŋɡɛ́, lɔ sɛ́.»

Mɑ́lɛ́kúshi 4:39

A jʉɔmɛ, ńcʉ̈ɔ́k fɛfʉ̈ɔt pɔ́p ŋki, ńcú ŋɡɔ: «Ɛ́ kuꞋ pɑꞋɑ, pʉʉ nɑ́Ꞌ!» Fɛ́m ɡɔ́ɔ ńzɑ́Ꞌnɛ, ŋki pɔɔ pɛn ńtsʉ́Ꞌnɛ pɔ́.

Mɑ́lɛ́kúshi 1:40

Wɛcɔ́ ŋɡɑŋkɑꞋ ɡɛ ńtɔ́ ŋ́kẅíꞋlɛ mbi Yɛ́su, ḿbuꞋ mbɔ́ mbɔ̌ wɛ́ ńcú ŋɡɔ: «Ɔ lɑɑ ŋ́kɔŋ, mbɔ ɔ kuꞋ nɛɡɛ ɛ fíitɛ.»

Mɑ́lɛ́kúshi 1:42

ŊkɑꞋ ɡɔ́ɔ ḿmɛ nǔu wɛ́, ɑ fíitɛ.