Mɑ́lɛ́kúshi 1:22 - Kɑɑ Fí

²² A ḿbɔ́ ŋ́ɡɛ pɑꞋ ŋu Sɛ́ túunɛ wɛ́, ḿbɔɔ ŋ́ɡɛ pɑꞋ pɑkyɛ́Ꞌtɛ nɛpʉ́ʉ-Sɛ́ pɔ́, lɑ́Ꞌ zúꞋ sẅiŋɛ yɛ́, ḿmɑɑ tɛꞋ.

Mɑ́lɛ́kúshi 1:22 交叉引用

Mɑtʉ̈ɔ 13:54

nɛ́ lɑ́Ꞌ pɔ́p, ŋ́kúu zúꞋu, ḿbɔ́ ńzíꞋ pʉɔ nɛ́ nu-Sɛ́ tsɛt ndɑ́-cúꞋlɛ-pɑyúdɑ. Pʉɔ pínɛ pɔ́p zúꞋu zúꞋ sẅiŋɛ yɛ́, ḿmɑɑ ńcú ŋɡɔ: «A lɔk yɔ jínu nɛ́ mɛtʉʉ nɛlɔk ŋ́ɡɛ mɛŋkʉꞋnɛ mɛnu ɛ́fú ɡɔ́?

Jɑ̂ŋ 7:46

Pɑpyɛ́p ndɑ́-nɔŋpɔꞋ pʉ̈ɔt ŋɡɔ: «Pɛk ŋkɑɑ mɔ zúꞋ wɛcɔ́ ŋu sẅiŋɛ pɑ́Ꞌ ŋu ɛ̂wɑ́ pɔ́!»

Lúkɑ́shi 4:32

Pɛ́ mɑɑ yɛ ntɛ́ nɛzíꞋ pʉɔ nɛ́ yúu, mbíꞋŋɡɔ Sɛ́ kɑ pɔ́nɛ ŋ́ɡɑ́ wɛ́ nɛ́ mɛtʉʉ lɑ ɑ lɔk ńcú nu.

2 Kɔlɛ̂ŋtɛ 4:2

Pɛk pɔɔ nǔu mɛntɛ́ lɔk ɛ́fɑꞋ mɛfɑꞋ mi ɛ́ mɛ́ ntsɛm, ḿbɛn ḿbɔ́ mɛ́ sʉ́ʉ pɔ́, wɛcɔ́ ŋkʉŋkʉ pɔɔ nǔu ku-nɛnɛn yɛ́k pɔ́, pɛk pɛn ŋ́kɛ́ ḿbɔɔ ḿbɔ́ ńdɔk mɛcɔ́ mɛnu ɛ́fɛntɛ sẅiŋɛ-Sɛ́ pɔ́, tɛ ńtsʉ́Ꞌ pɔ́Ꞌɔ, pɛk lɔk pɑ́Ꞌ pɛk mbi Sɛ́ ńdɛꞋlɛ pɔ́ nu nɛ́nẅín mbɔ̌ pʉɔmɛsɔŋ, tɛ ḿbɔ́ yi ɛ́ lɑɑ ḿbɔ́ ŋu pɔɔ lɑ́Ꞌ wɛ́k nǔu yɛcɔ́ nu pɔ́.

ŊwɑꞋnɛ-Gɑŋntúu Yɛ́su Kɛlístɔ 6:10

Pɔ́p pɛpɔ́p pɔ́ ńzɔŋ pɔ́Ꞌɔ, wɛcɔ́ ŋu pɔɔ ŋɑk wɛ́ tɛ ńjʉ́ pɔ́, mbíꞋŋɡɔ Zẅikŋɛ-Sɛ́ kɑ pɔ́ ŋ́ɡɑ́ wɛ́ nɛ́ jínu nɛlɔk ńcú nu.

Lúkɑ́shi 21:15

Mɔ ŋ́ɡɛnɛ ńzɛɛ ńdɑ́Ꞌ ŋ́ɡɑ́ jínu yi pʉʉ ɡɛ ńdɔk ńtsɔ́Ꞌ nu. Pʉʉ tsɔ́Ꞌ nu tɛ ɡɑŋmbuu pʉ́ʉ pɔɔ zɔŋ, ŋ́kɛ́ ḿbɔɔ kíi ńcú yɛcɔ́ nu pɔ́.

Mɑ́lɛ́kúshi 1:23

A ḿbɔ́ sẅiŋɛ wɛcɔ́ ŋu pɔ́ yɛ́ ndɑ́-cúꞌlɛ ɛ̂yɑ́, mbɔ yɛcɔ́ zẅikŋɛ kɛpɔŋ kɑ ɡẅɛɛ wɛ́, ɑ nɑ́ŋ tɛ ŋ́ɡíɛt ŋɡɔ:

Lúkɑ́shi 2:47

Pʉɔ pi pɔ́p kɑ pɔ́ ńzúꞋ sẅíiŋɛ yɛ́ ḿbɔ́ ŋ́ɡʉ̈ɔꞋtɛ jínu yɛ́ mbɑ yɛ ntɛ́ nɛtsɔ́Ꞌ nu.