15 «Ŋkɑ́ pɑ́Ꞌnɛ mbɔ ɛ́ kuꞋ tɛ Sɛ́ ɡʉ ńzɛ nɛnyɛt nɛfɔɔ nɛ́. Pʉʉ kúpmɛ mɑt wʉʉ, ḿbɛn ḿbɛ́m Ŋkʉʉ Sʉ́Ꞌnɛ ɛ̂wɑ́.»
«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»
Yɛ́su pɔ́ Kɑpɛɛnɑwûm pɔ́Ꞌɔ, ńzɛ nɛsẅíi nu-Sɛ́, ḿbɔ́ ńcú ŋɡɔ: «Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»
ḿbɔ́ ŋɡɔ ŋkɑ́ ɡʉ ńdɑ́Ꞌ ḿbɔ́ tɛ kuꞋ, jʉ́ Sɛ́ cúꞋlɛ yúu tsʉʉ yi ɛ́ tʉ́nɛ́pú pɔ́p mi ɛ́ ndǔmbí, ŋ́ɡɑ́ tsʉʉ tsʉʉ mbɔ̌ Kɛlístɔ ɑ pɔ́ ɛ́sɑ́Ꞌ pɔ zɛ́nɛ jʉ́.
Ńdɔk pɔ́Ꞌɔ, ɛ́fúŋ pɑyúdɑ, mbɑ pʉɔ pinɛ pɔ́p kɑ́ pɔ́ pɑyúdɑ pɔ́, ŋɡɔ pɔ́p shɔtnɛ ńcʉ́ɔ nzʉʉ Sɛ́, ńzɑ́p tʉ́m nǔu Tsɑpʉɔ wɛkŋɛ Yɛ́su.
Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.
Gɑŋɡɔɔ pɔ́ zúꞋu pʉʉ ɡɛ pɔ́p fíitɛ, ńcú mbɔ̌ lɑ́Ꞌ ŋɡɔ: «Ŋkɑ́ yi Sɛ́ ɡɛ ńzɛ nɛnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»
Pʉʉ ɡʉ ńnɛn mɛzʉꞋ mɛzʉꞋ ɛ́sɑ́Ꞌ ɛ́sẅíi pʉɔ ŋɡɔ: Nɛfɔɔ-Sɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.
Ɛ́ sɛ́ ḿbíkŋɛ ŋɡɔ pɛ́ lɑ́Ꞌ ńdɔk lík yɑ́ɑ, ńcú nu-Sɛ́ mbɔ̌ lɑ́Ꞌ ŋɡɔ mbɑ wɔ̌ lɑ́ kúpmɛ mɑt wɛ, Sɛ́ likŋɛ mɛnu kɛpɔŋ mɛ́. Pɔ́Ꞌɔ, ɛ́ kɛ ńzɛ Yɛlúsɑlɛm.»
«Pɛk púꞋ pɛ́pɛ́p yʉ́ʉ nǔu mɛku mɛk ŋɡɔ ɛ́ pɛn nzʉʉ ŋ́kúu tú pʉʉ, lɑ́ pʉʉ kɛ ńjí ŋɡɔ ŋkɑ́ yi Sɛ́ ɡɛ ńnyɛt nɛfɔɔ nɛ́ pɑ́ɑtɛ tɛ ḿbɔ́ nɛjɔ́ŋ pʉʉ.»
Ɛ́ pɛn ḿbɔ́ ŋkɔ̂ɔnɛ, mbɔ ɛ́ cẅɛt mɔ́ mɑ́ntɑ́ɑ. Pɑ́Ꞌ Sɛ́ kɑ cúnɛ lɑ́, pɛ́ ŋkɔ̂ɔnɛ ḿbɔ́ ɛ́fú nǔu yúu mi pɑcẅiŋkʉʉ-Sɛ́ kɑ ŋwɑꞋnɛ́nɛ, ḿbɔ́ ɛ́sɑ́Ꞌ nɛpɔ́ yi pʉɔ pi pɔ́p kɑ́ pɔ́ pɑyúdɑ pɔ́ ɡʉ ńjí Kɛlístɔ, ńzɑ́p tʉ́m nǔu wɛ́, ńzúꞋ ntsu wɛ́.
KwɑꞋ Jʉ́ kɑ ɡɑ́nɛ tú yɛ́ ńdɔk ńtsúꞋ pʉɔ pɛtsʉʉ mbɔ̌ nɛvú, ńdɔk pɔ́Ꞌɔ, ńnyɛt nǔu ŋkɑ́ yi Sɛ́ kɑ zɑ́pnɛ ŋɡɔ jʉ́ Sɛ́ sɛ́ ŋ́kɔŋ ŋɡɔ pʉɔmɛsɔŋ tsʉʉ luk.
A kɑ ńnɑ́ŋ tɛ ŋkɑ́ kuꞋ, ɑ ɡɛ pɛ́ jí sẅiŋɛ yɛ́, ńdɛɛ nǔu ŋkʉʉ ɑ kɑ níꞋnɛ mbɔ̌ mɔ. Mɔ sɛ́ ńcẅi ẅîwɑ́ ŋkʉʉ mbɔ̌ lɑ́Ꞌ mbíꞋŋɡɔ Sɛ́ ẅi ɑ ɡɛnɛ pɛkŋɛ luk kɑ cúnɛ ŋɡɔ ɛ sɑ́Ꞌ.
