58 Yɛ́su tsɔ́Ꞌ mbɔ̌ wɛ́ ŋɡɔ: «Pɛndǔm ɡẅɛɛ mɛmbʉ́ nɛlɛ́ zúꞋu, pɛshʉ́ŋ pɛn ŋ́ɡẅɛɛ mɛŋkɑɑ mɔ́p, lɑ́ mɔ́ɔ-ŋu kɑ́ ɡẅɛɛ zʉꞋ yi ḿbɔ́ ɑ zẅiitɛ zúꞋu pɔ́.»
Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.
Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.
Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.
Yîyɑ́ ntɛ́ nɛsɑɑ-sɛ́súk kʉ̈ɔ́k ńtsɑ mɛmbɑŋ-yúu tsʉʉ, lɑ́ ɛ́ kɑ ɡɛ ɛ́sɑ́Ꞌ, ŋ́ɡúꞋ, ŋ́ɡʉ tʉ́ ńtsɑ yúupɛjʉ́ pi ɛ́ ŋkɑ́Ꞌ tsʉʉ, ńtsʉ́Ꞌ tʉ́, ńtɔ́k mbɔ́, pɛshʉ́ŋ tɔ́ ḿbɑ́Ꞌ mɛŋkɑɑ mɔ́p tsɛtú.»
