Lúkɑ́shi 9:48 - Kɑɑ Fí

⁴⁸ ńcú mbɔ̌ ɡɑŋku pɛ́ ŋɡɔ: «Ŋu lɑɑ ńdɔk lík yɑ́ɑ, ńdɔk ńcẅɛ́ɛ mɔ́yúu mɔ́ɔ wɔ, mbɔ ŋɡɑŋ cẅɛ́ɛ pɔ wɑ́ɑ. Ŋu pɛn ńcẅɛ́ɛ wɑ́ɑ, mbɔ ɑ kɑ́ cẅɛ́ɛ pɔ wɑ́ɑ ndɑꞋ pɔ́, ɑ cẅɛ́ɛ pɔ ŋu ẅi ɑ kɑ túunɛ wɑ́ɑ.» Pʉʉ jí sʉ́Ꞌnɛ ŋɡɔ ŋu ẅi ɑ tsɛtsɛt pʉʉ ḿbɔɔ nyɛt mbʉʉ yɛ pɔ́ pɔ́nɛ kwɑꞋ mɑ́ŋu.

Lúkɑ́shi 9:48 交叉引用

Lúkɑ́shi 14:11

Ɛ́ pɔ́Ꞌɔ, lɑ́ m bɔ́ ŋɡɔ ŋu lɑɑ ŋ́ŋɑ́Ꞌ mbʉʉ yɛ, mbɔ Sɛ́ ɡɛ ŋ́kɔk wɛ́ ŋ́ɡɑ́ sɛ́, ŋ́kɛ́ ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡɛ ḿbʉꞋ wɛ́ ńtík tíknɛ.»

1 Pyɛ̂ 5:6

Pɔ́Ꞌɔ lɑ́ pʉʉ ɡɑ́ mbʉʉ yʉʉ sɛ́ mbi Sɛ́ ẅi ɑ ɡẅɛɛnɛ mɛtʉʉ, ɛ́ lɛɛ pɔ́Ꞌɔ, ɑ ɡɛ ḿbʉꞋ wʉ́ʉ nǔu ŋkɑ́ yi ɑ kɑ zɑ́pnɛ.

Lúkɑ́shi 22:26

Lɑ́, kɔɔ pʉʉ fʉꞋnɛ wɔ́p. Tɛ ńtsʉ́Ꞌ pɔ́Ꞌɔ, ŋu ẅí ɑ tsɛtsɛt pʉʉ ḿbɔ́ ndʉ́m shɔtnɛ ńtsʉ́Ꞌ mɔ́ɔ, ŋu ẅí ɑ pɛn ńtʉ́ʉ mbi pʉʉ, ḿbɔ́ ɛ́sɑ́Ꞌ wʉ́ʉ, ɑ pɔ́ pɔ pɑꞋ ŋɡɑŋfɑꞋ wʉʉ lɑ́.

Jɑ̂ŋ 13:20

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ŋ́kúkŋɛ ŋu ẅí n túunɛ wɛ́, mbɔ ɑ kúkŋɛ pɔ wɑ́ɑ. Ŋu ẅí ɑ pɛnnɛ ŋ́kúkŋɛ wɑ́ɑ, ɑ kúkŋɛ pɔ ŋu ẅí ɑ túunɛ wɑ́ɑ.

Lúkɑ́shi 10:16

Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.

Jɑ̂ŋ 14:21

Ŋu lɑɑ ŋ́ɡẅɛɛ nɛpʉ́ʉ nɑ́ɑ, ḿbɔ́ ńnɛn nǔu, mbɔ ŋɡɑŋ ŋu ẅí ɑ sɛ́ ŋ́kɔŋ wɑ́ɑ. Tɑ̌ɑ mɔ ɡʉ ŋ́kɔŋ ŋu ẅí ɑ kɔŋnɛ wɑ́ɑ, mbɑ mɔ yɑ́ɑ m bɛn ŋ́kɔŋ ẅîwɑ́ ŋu, ŋ́ɡɛ ɑ jí wɑ́ɑ.

Lúkɑ́shi 22:30

Ŋkɑ́ yi mɔ ŋ́ɡɛ ḿbɔ́ Fɔɔ lɑ́, pɛkŋɛ tɛmtɛ yúu ńjʉ́, ńnɔ́, pʉʉ pɛn ńnɑ́ŋ ndǔ mɛkɔꞋ-nɛfɔɔ, ŋ́ŋɑk njẅɛtndɑ́-Íslɑyɛ̂l ntsɔ̌ppɑ́ nɛ́ nɛɡɛ́m.

Lúkɑ́shi 7:28

Yɛ́su pɛn ŋ́kẅiꞋ ńcú ŋɡɔ: «Ɛ sẅíi wʉ́ʉ, wɛcɔ́ ŋu ŋkɑɑ zɛɛ ḿbɔ́ ɡú tɛ ńdɛɛ Jɑ̂ŋ Mbɑptíshi pɔ́. Lɑ́ ɑ kɛ lɑɑ ḿbɔ́, mbɔ ŋu ẅí ɑ zɛ ŋkɔ̂ɔnɛ nɛjʉ́ɔ nu nɛfɔɔ-Sɛ́, ɑ lɑɑ ŋ́kɛ́ ńzɛɛ ŋ́kʉ̈ɔ́k kʉ̈ɔ́knɛ pɔ ŋɡɔ ku ɔ́ɔ, mbɔ ɑ pɔ́ttú ńdɛɛ Jɑ̂ŋ lɑɑ.»

Mɑ́lɛ́kúshi 9:37

«Ŋu lɔk lík yɑ́ɑ, ŋ́kúkŋɛ mɔ́yúu mɔ́ɔ pɑꞋ wɔ lɑɑ, mbɔ ŋɡɑŋ kúkŋɛ pɔ wɑ́ɑ. Ŋu pɛn ŋ́kúkŋɛ wɑ́ɑ, mbɔ ŋɡɑŋ kɑ́ kúkŋɛ pɔ ndɑꞋ wɑ́ɑ pɔ́, ɑ kúkŋɛ pɔ ŋu ẅí ɑ kɑ túunɛ wɑ́ɑ.»

Mɑtʉ̈ɔ 25:45

Fɔɔ tsɔ́Ꞌ mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ lɑ́ yi pʉʉ ŋ́kɑɑ ɡɛ mɔnɛ mɛnu nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ pɔ́, mbɔ pʉʉ ŋ́kɑɑ pɛn ŋ́ɡɛ yúu nǔu mɔ pɔ́.»

Mɑtʉ̈ɔ 25:40

Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 18:14

Ɛ́ kɛ ḿbɔ́ pɔ pɔ́Ꞌɔ nǔu Tɑ̌ɑ wʉʉ ẅí ɑ tʉ́nɛ́pú, ɑ kɑ́ kɔŋ ŋɡɔ wɛcɔ́ tɑ́Ꞌ nǔu mbɔ́ŋkʉ̈ɔ́ pɛ́ pɛ́ pɔ́.

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.