Lúkɑ́shi 9:44 - Kɑɑ Fí

⁴⁴ «Pʉʉ tsúŋ ńzúꞋ nu yi ŋ ɡɛ ńcú lɑɑ sʉ́Ꞌnɛ, ḿbɛn ŋ́kẅíitɛ. Pɛ́ sɛ́ ŋ́ɡʉ nɛfɛn mɔ́ɔ-ŋu mbɔ̌ pʉɔmɛ́sɔŋ.»

Lúkɑ́shi 9:44 交叉引用

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

Lúkɑ́shi 9:22

ḿbɛn ńcú mbɔ̌ pɔ́p ŋɡɔ: «Ɛ́ píknɛ ŋɡɔ mɔ́ɔ-ŋu ɡɛ ńjʉ́ɔ ŋɡʉ̈ɔ́Ꞌ tɛꞋ, ŋɡɔ Pɛkɛ́m-lɑ́Ꞌ-Pɑyúdɑ pɔ́p pɛtɑ́tndɑ́-pɑnɔŋpɔꞋ mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńdʉꞋ wɛ́, ŋ́ɡɛ pɛ́ jẅí wɛ́, lɑ́ mbɑ́ɑtɛ lɛ́Ꞌ pɛ́tɑ́t ɑ zẅíimɛ nǔu nɛvú.»

Ɛ́bɛlʉʉ 2:1

Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,

Lúkɑ́shi 2:19

Ŋ́ɡʉ nǔu Mɑlíyɑ, ɑ lẅɛꞋ mɛnu ɛ̂mɑ́ pɔ tsɛt tʉ́m yɛ́, ḿbɔ́ ŋ́kwɑŋɛ nu nǔu.

Jɑ̂ŋ 19:11

Yɛ́su tsɔ́Ꞌ mbɔ̌ wɛ́ ŋɡɔ: «Sɛ́ lɑɑ ḿbɛ́t kɛ́ ɡɑ́ mɛtʉʉ mbɔ̌ ɡu, ɔ pɔɔ kuꞋ nɛɡɛ yɛcɔ́ yúu nǔu mɔ pɔ́. Ɛ́ yúu mi ɛ́ kɑ ɡɛnɛ lɑ ŋu ẅí ɑ kɑ fɛnnɛ wɑ́ɑ mbɔ̌ ɡu, yɛ́ nu kɛpɔŋ lɛɛ yú.»

Jɑ̂ŋ 16:4

Lɑ́, ŋ kɛ́ ḿbiitɛ ɛ́sẅíi wʉ́ʉ, lɑ́ ŋkɑ́ ɛ̂yɑ́ ɡɛ ḿbɔ́, pʉʉ kẅíitɛ ŋɡɔ ŋ kɑ zɛɛ ɛ́sẅíi wʉ́ʉ. Ŋ kɑ ɡɔ́ ńzɛ, mbɔɔ sẅíi wʉ́ʉ nɛ́ yɔ nu pɔ́, mbíꞋŋɡɔ ŋ kɑ pɛ́t tsɛtsɛt pʉʉ.

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

Lúkɑ́shi 18:31

Yɛ́su fɑk ɡɑŋku pɛ́ ntsɔ̌ppɑ́ nɛ́ nɛɡɛ́m, pɔ́p pɛpɔ́p tʉ́ʉ, ɑ cú mbɔ̌ pɔ́p ŋɡɔ: «Pʉʉ zúꞋ sʉ́Ꞌnɛ, pɛkŋɛ sɛ̂ndúŋ ḿbɔ́ ḿbʉʉ nɛ́ Yɛlúsɑlɛm pɑꞋnɛ, ŋ́kúu zúꞋu, mbɑ kʉ̈ɔ́ lɑ́ yi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ ntɛ́ Mɔ́ɔ-ŋu puutɛ zúꞋu.

Lúkɑ́shi 2:51

Ɛ́ lɛɛ pɔ́Ꞌɔ, pɔ́p pɛ́ pɔ́p pɛn nzʉʉ nɛ́ Nɑ̌ɑzɑlɛt, ɑ pɔ́ ńzúꞋ ntsu wɔ́p. Mɑ́ wɛ kɛ́ ńdẅɛꞋ mɔnɛ mɛnu tsʉʉ pɔ tsɛt tʉ́m yɛ́.

Lúkɑ́shi 1:66

Mbɑ wɔ̌ lɑ́ ẅi ɑ kɑ zúꞋnɛ mɔnɛ mɛnu lẅɛꞋ pɔ tsɛt tʉ́m yɛ́. Pɔ́p pɔ́ ḿbíkŋɛ ŋɡɔ: «Yɔ ntɛ́ mɔ́ɔ pɑ́Ꞌɑ ńdɑ́Ꞌ ḿbɔ́ ku?» Ɛ́ zɛɛ ŋ́ɡɔ ḿbɔ́ Tsɑpʉɔ pɔ́ ńdɔk mɛtʉʉ mɛ́ ńtɔ́ɔtɛ wɛ́.

Mɑ́lɛ́kúshi 9:31

ḿbɔ́ ńzíꞋ ɡɑŋku pɛ́ nɛ́ yúu, ḿbɔ́ ɛ́sẅíŋɛ ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ pɔ́p ɡɛ ɑ pfú. Lɑ́ mbɑɑtɛ lɛ́Ꞌ pɛtɑ́t ɑ zẅíimɛ.»

Mɑ́lɛ́kúshi 8:31

Ɛ́fú nǔu, ńzɛ nɛzíꞋ wɔ́p nɛ́ yúu, ńcú ŋɡɔ: «Ɛ́ sɛ́ ḿbíkŋɛ ŋɡɔ Mɔ́ɔ-Ŋu jʉ́ɔ ŋɡʉ̈ɔ́Ꞌ tɛꞋ, pɛkɛ́m-lɑ́Ꞌ mɛꞋ wɛ́, mbɑ pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ, ɛ́ ɡɛ pɔ́Ꞌɔ, pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 26:2

«Pʉʉ zɛɛ ḿbɔ́ ńjí ŋɡɔ, ɛ́ tsʉ́Ꞌ ńjɑ́k pɔ lɛ́Ꞌ pɛ́pɑ́ pɛ́ jʉ́ ndínɑ-Pɑ́skɑ. Ŋkɑ́ yi pɛ́ ɡʉ ɛ́fɛn Mɔ́ɔ-Ŋu, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.»

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Jɑ̂ŋ 16:31

Yɛ́su tsɔ́Ꞌ mbɔ̌ pɔ́p ŋɡɔ: «Ńjí ŋɡɔ pʉʉ ḿbɛ́m ŋkɔ̂ɔnɛ pʉ́ɔ!»