38 Ŋu fú tsɛt nɔɔ-lɑ́Ꞌ ḿbúꞋ mbɔ́ mbɔ̌ wɛ́ nɛ́ ŋɡi tɛnnɛ ŋɡɔ: «Ndɛ, sɛ́sẅíi, líŋɛ mɔ́ɔ wɑɑ wɔ ńjʉ́ɔ, ɑ mɔ́ɔ mbɛ́ɛnɛ, ḿbɔ́ ndɑꞋ jʉ́ mbɔ̌ mɔ.
A zúꞋ ŋɡɔ Yɛ́su fú Judɛ̂ ńtɔ́ Ŋɡɑlilɛɛ, ŋ́ɡʉ ńjʉ́ɔ wɛ́, ḿbúꞋ mbɔ́ mbɔ̌ wɛ́ ŋɡɔ ɑ cúŋ ńtɔ́, ŋ́ɡɛ mɔ́ɔ nɛ ẅí ɑ tsʉ́Ꞌ ḿpfú pfúnɛ fíitɛ.
Pɔ́p ɡʉ tɛ ńtsʉ́Ꞌ nɛkúu tʉ́sɔŋ, ńjʉ́ɔ, mbɔ pɛ́ tíi pfú-wɛcɔ́ mɔ́ɔ mbɛ́ɛnɛ, ńdɔk ŋ́ɡʉ nɛtẅíi. Mbɔ ɑ ḿbɔ́ ndɑꞋ mɔ́ɔ mbɔ̌ mɑ́ wɛ, ɑ pɔ́ mpfúk. Lɑ́Ꞌ pɔ́ nzʉʉ yɛ́ tɛ ńzɑ́ɑ.
ŋ́kúu zúꞋu, wɛcɔ́ mɑŋɡɛ́ Kɑ̌nɑhɑ̂n fú zúꞋu ńtɔ́, ńzɛ nɛɡɑ́ ɡwɑ́t, ńcú ŋɡɔ: «Tsɑpʉɔ, ŋu nǔu njẅɛt-fɔɔ Ndɑvît! Tsɑ́ɑ mɛjʉ́ŋ mɑ́ɑ zẅikŋɛ kɛpɔŋ sɛ́ ŋ́ɡɑ́ɑnɛ mɔ́ɔ wɑɑ wɛ mɑŋɡɛ́ tɛꞋ.»
Njí ɡɛ ŋ́kiɛ, Yɛ́su pɔ́p ɡɑŋku pɛ́ pɛtɑ́t ɡɔ ɛ́fú ndǔ nɛŋkɔ́Ꞌ ɛ̂nɑ́ ńcúŋ, mbɔ lɑ́Ꞌ cẅɛt mɔ́ tɛ ńzɑ́ɑ, ńtɔ́ nɛzɑ́Ꞌ wɛ́.
Yɛcɔ́ zẅikŋɛ kɛpɔŋ lɔ ńnɑ́ŋ tɛ ŋ́ɡẅɛɛ wɛ́, ɑ kíi, ŋ́ɡwɛt, ńtsʉꞋnɛ wɛ́, ɑ ŋ́kwɛ́t ntsu wɛ́, ɛ́fuꞋ mɛtẅɛ. Ɛ́ ɡẅɛɛ wɛ́, ńdɑ́Ꞌ ŋ́ɡɔ ńnɑ́ wɛ́, mbɔ ɑ pʉ̈ɔ́Ꞌtɛ mɔ́ wɛ́ tɛꞋ.
