20 Yɛ́su píkŋɛ wɔ́p ŋɡɔ: «KwɑꞋ pʉʉ yʉ́ʉ cú ŋɡɔ mɔ wɔ̌?» Pyɛ̂ tsɔ́Ꞌ ŋɡɔ: «Ɔ Nzɑ́Ꞌŋkʉ ẅi ɑ fúnɛ mbɔ̌ Sɛ́.»
Pɛcɔ́ pɔ́ ńcú ŋɡɔ jʉ́ pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ. Lɑ́, pɛcɔ́ pɔ́ ńcú yɔ́p pɔ ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ lɑɑ ḿbɔ́ ɑ pɔɔ fú Ŋɡɑlilɛɛ pɔ́.
«Pʉʉ tɔ́ ńjʉ́ɔ wɛcɔ́ ŋu ẅí ɑ sẅíinɛ wɑ́ɑ nɛ́ mɛnu tsʉʉ mí ŋ kɑ ɡɛnɛ. Tɛ ɑ kɑ́ pɔ́ pɔ Nzɑ́Ꞌŋkʉ ẅi Sɛ́ kɑ kɑꞋnɛ pɔ́ ɔɔ?»
Pɔ̂l pɔ́ ńniitɛ ŋ́kyɛ́Ꞌtɛ ɛ́sẅíi wɔ́p ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ, kɑ ɡẅɛɛ nɛjʉ́ɔ ŋɡʉ̈ɔ́Ꞌ, ḿpfú, ḿbɛn ńzẅíimɛ nǔu nɛvú. Nzɑ́Ꞌŋkʉ ɛ̂wɑ́ Yɛ́su ẅi ɑ sẅíinɛ wɔ́p lɑɑ.
Sɔ̂l kɛ ńniitɛ ŋ́kẅiꞋ ńcú nu pɔ kɛ́ pɔ́k. Ńtsuŋ ńdɛꞋlɛ mbɔ̌ pɑyúdɑ pi pɔ́p Ndɑmɑs ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ŋ́ɡɛ pɔ́Ꞌɔ, pɔ́p pɔɔ pɛn ńjí yɛcɔ́ nu yi pɔ́p ɡʉ ńcú mbɔ̌ wɛ́ pɔ́.
Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.
A cú ŋɡɔ: «Ɔ́ɔŋ mbɑ̌ɑ Tsɑpʉɔ. Mɔ, m bɛ́m ŋɡɔ ɔ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ mɔ́ɔ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ ńtɔ́ ndǔmbí.»
Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»
Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»
Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»
A píkŋɛ wɔ́p ŋɡɔ: «KwɑꞋ pʉʉ yʉ́ʉ cú ŋɡɔ mɔ wɔ̌?» Pyɛ̂ tsɔ́Ꞌ ŋɡɔ: «Ɔ Nzɑ́Ꞌŋkʉ ẅí Sɛ́ kɑ kɑꞋnɛ.»
Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.
Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»
Pɔ́p píkŋɛ wɛ́ ŋɡɔ: «Ɔ lɑɑ ḿbɔ́ Nzɑ́Ꞌŋkʉ, ɔ sẅíi wɛk.» Yɛ́su tsɔ́Ꞌ mbɔ̌ pɔ́p ŋɡɔ: «Mɔ sẅíi wʉ́ʉ pʉʉ pɔɔ pɛ́m,
Yɛ́su nɑ́Ꞌ nɑꞋnɛ, mbɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Ɔ Nzɑ́Ꞌŋkʉ wí Sɛ́ kɑ kɑꞋnɛ, mɔ́ɔ-Sɛ́?»
«Pʉʉ kwɑŋɛ yʉ́ʉ ŋɡɔ nzɑ́Ꞌŋkʉ wɔ̌? Ŋɡɔ ɑ mɔ́ɔ wɔ̌?» Pɔ́p pʉ̈ɔt mbɔ̌ wɛ́ ŋɡɔ: «A ŋu nǔu njẅɛt-fɔɔ Ndɑvît.»
Pʉʉ lɑɑ ńcɛꞋlɛ pɔ ndɑꞋ pɔ́ɔpɛ́mɑ́ pʉ́ʉ, mbɔ pʉʉ ɡɛ kʉ̈ɔ́ yi fí? Pɑ kɛ́ jí Sɛ́ pɛn ḿbɔ́ ŋ́ɡɛ yɔ́p pɔ pɔ́Ꞌɔ.
Lɑ́ Yɛ́su pɔɔ tsɔ́p. NɔŋpɔꞋ wɛ ɡwɛ́ cú mbɔ̌ wɛ́ ŋɡɔ: «Lɔk lík-Sɛ́ ẅi ɑ ntʉʉ, ŋ́kɑɑ ɛ́sẅíi wɛ́k ŋɡɔ ɔ Nzɑ́Ꞌŋkʉ ẅí ɑ mɔ́ɔ-Sɛ́ kɛ ɔ kɑ́ pɔ́ ńjʉ́ɔ pɔ́ ɔɔ?
Pɔ́p pʉ̈ɔt ŋɡɔ: «Pɛcɔ́ pʉɔ sɛ́ ńcú ŋɡɔ ɔ Jɑ̂ŋ Mbɑptíshi, pɛcɔ́ pɔ́ ŋɡɔ ɔ Ɛlîi, pɛcɔ́ pɔ́ ńcú ŋɡɔ ɔ wɛcɔ́ tɑ́Ꞌ ŋu nǔu pɛŋɡɛ́mndʉ̈ɔ́Ꞌ-Sɛ́ pɛ́ ŋkɑ́ mbi, wi ɑ zẅíinɛ.»
