44 Ḿbɛn ɛ́shɔtnɛ, ńdíŋɛ mɑŋɡɛ́ ɛ̂wɑ́, ḿbɛn ńcú mbɔ̌ Simɔ̂ŋ ŋɡɔ: «Ɔ sɛ́ ńjʉ́ɔ mɑŋɡɛ́ wɔ? Mɔ ńdɑ́Ꞌ mɔ́ ŋ́kúu ndɑ́ zɑ́Ꞌnɛ, ɔ pɔɔ ɡɑ́ wɑ́ɑ ŋki n dɔk suk mɛku pɔ́, lɑ́ mɑŋɡɛ́ wɔ lɔknɛ ŋki mík mɛ́ suk mɛku mɑ́ɑ, ḿbɛn ńdɔk mɛnuk-tú mɛ́ ńtuk.
Ɛ́ píkŋɛ ŋɡɔ ɑ pɔ́ ẅí pʉɔ sɛ́ ḿbɛ́m wɛ́ mbíꞋ mɛfɑꞋ sʉ́Ꞌnɛ mɛ́, ɑ pɔ́ ẅi ɑ cúꞋlɛ́nɛ mbɔ́ŋkʉ̈ɔ́ pɛ́ sʉ́Ꞌnɛ, ḿbɔ́ ẅi ɑ ŋ́kúkŋɛ́nɛ pɛɡʉʉ njɛ́Ꞌ yɛ́, ẅí ɑ ɛ́suknɛ mɛku-pʉɔ-Kɛlístɔ, ḿbɔ́ ẅi ɑ ńcẅɛ́lɛ́nɛ pɛɡɑŋŋɡʉ̈ɔ́Ꞌ, ḿbɛn ḿbɔ́ ẅi ɑ ɡɛnɛ pɔ nu sʉ́Ꞌnɛ.
Lɑ́ ŋ́ɡʉ nǔu pʉʉ, mbɔ pʉʉ kɑ cɔŋ ndɛn-pɛpúŋ. Lɑ́ pɛɡɑŋyúu kɑ́ pɔ́nɛ ɛ́fíɛt wʉ́ʉ pɔ́ ɔɔ? Pɔ́p kɑ́ pɔ́nɛ ńdɔk wʉ́ʉ ńnɛn mɛndɑ́tsɑ́ŋ pɔ́ ɔɔ?
ŋ́kúu ndɑ́, ńtʉ́ʉ nzʉʉ Yɛ́su, nɛjɔ́ŋ mɛku mɛ́, ńzɛ nɛkíi, ŋ́kíi kíinɛ tɛ ŋki-mík mɛ́ cẅɛt ńcʉ̈ɔ́tɛ nǔu mɛku-Yɛ́su. Pɛ́ pɔ́ ńjʉ́ɔ mɑŋɡɛ́ ɛ̂wɑ́ pɔ́ ńdɔk, ńtɑ́ɑ ɛ́sɛntɛ, ńdɔk lɑmɛ́ndɑɑ yîyɑ́ ńzɔ́Ꞌ.
Simɔ̂ŋ tsɔ́Ꞌ ŋɡɔ: «Ŋ kwɑŋɛ ŋɡɔ ɑ ɡɛ ḿbɔ́ ŋu ẅi yɛ ŋkɑ́p kɑ zɑ́ɑnɛ.» Yɛ́su cú ŋɡɔ: «Ɔ sẅíi nu.»
Ŋ́ɡɛ pɔ́Ꞌɔ, ńníꞋ ŋki tsɛt kɑ́ŋ, ńzɛ nɛlɔk ɛ́suk mɛku ɡɑŋku pɛ́, ńdɔk tɑ́wɛtɛ ẅí ɑ kɑ zʉ́ʉnɛ lúꞋ yɛ́ ńtuk.
