49 Lɑ́, ŋu ẅí ɑ zúꞋnɛ sẅiŋɛ yɑ́ɑ, ŋ́ɡʉ, ḿbɔɔ ɡɛ pɑꞋ n cúnɛ pɔ́, mbɔ ŋɡɑŋ pɔ́ pɑ́Ꞌ wɛcɔ́ ŋu ẅí ɑ kɑ kút yɛ́ ndɑ́ pɔ kɛ́ pɔɔ cʉ́. Mbʉŋ ɡɛ ńdɔ́, ŋ́ɡʉ ŋki tɔ́ ńtɛ́mɛ nǔu ndɑ́, ɛ́ kɛ́mɛ ḿbʉ̈ɔtnɛ sɛ́. Ndɑ́ ɛ̂yɑ́ kɑ tsʉ́Ꞌ nɛkɛmɛ, ŋ́kɛmɛ pɔ tsʉʉ.
Pɔ́Ꞌɔ, ɛ́ sɛ́ ḿbíkŋɛ ŋɡɔ pʉʉ zúꞋ ntsu wɔ́p, ŋ́ɡɛ kʉ̈ɔ́ lɑ́ yi pɔ́p sɛ́ ńcú mbɔ̌ pʉʉ. Lɑ́ kɔɔ pʉʉ fʉꞋnɛ tswɛ́ wɔp. MbíꞋŋɡɔ yúu mi pɔ́p zíꞋnɛ pʉɔ pɔ́p kɑ́ pɔ́ ŋ́ɡɛ yɛ́tɛ́ pɔ́.
Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,
«A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»
ŊɡɑŋfɑꞋ ẅí ɑ jí yúu mi tɑ̌ɑfɑꞋ wɛ sɛ́ ŋ́kɔŋ, ḿbɛn ŋ́kɛ́ ḿbɔɔ yɛcɔ́ yúu niitɛ, ŋ́kɛ́ ḿbɔɔ ɡɛ yúu mi tɑ̌ɑfɑꞋ wɛ sɛ́ ŋ́kɔŋ pɔ́, pɛ́ ɡɛ ńdɑ́Ꞌ ńtswɑ́ɑ wɛ́ tɛꞋ.
Yɛ́su pɛn ńcú ŋɡɔ: «Mɛlɑ́Ꞌkʉ̈ɔ́ pʉʉ sɛ́ ɛ́fúŋ wɑ́ɑ nɛ́ “Tsɑpʉɔ! Tsɑpʉɔ!” Ḿbɛn ḿbɔɔ kɛ́ ŋ́ɡɛ yúu mi n cúnɛ pɔ́ ɔɔ?»
Lɑ́, ɛ́ pɔɔ lɑt mɛŋɑŋ tsɛt tʉ́m pɔ́p pɔ́, mbíꞌŋɡɔ pɔ́p pɔ́ pʉɔ-lɛ́Ꞌlɑ́Ꞌ, pɛ́ pɔ́ tɛ ńzɛ nɛkʉ́ʉnɛ wɔ́p, ńnyɛt wɔ́p nɛ́ ŋɡʉ̈ɔ́Ꞌ mɛlɑ́Ꞌ nu-Sɛ́, pɔ́p ɡɔ́ɔ ḿmɛꞋ.
Pʉɔ lɑɑ ńzɛɛ ńdɔk pɑ́Ꞌ pɔ́p jínɛ Tsɑpʉɔ Yɛ́su Kɛlístɔ ẅí ɑ ɡɛnɛ pɛkŋɛ luk, ɛ́fú nǔu ntsɛ́llɛ́ ẅi ɛ́ ndǔmbí ńcẅɛt, ŋ́ɡɛ ḿbɛn ḿbɛn tsɛtú, ḿbɛ́m mîmɑ́ mɛyúu puu ńjʉ́ wɔ́p, mbɔ pɔ́p ɡʉ ḿbʉ́k tɛ ńdɛɛ pɑ́Ꞌ pɔ́p kɑ zɛɛnɛ ḿbɔ́.
Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.
Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»
N jí ŋɡɔ ŋ ɡʉ ḿbɔ́ tɛ ŋ́ɡʉ, mɛnɑɑŋɡwɛ kúu tsɛtsɛt pʉʉ ńzɑ́p nu.
Ɛ́ ɡʉ nǔu ɡɑŋmbuu pɑ́ɑ, pʉɔ pɑ́ pinɛ pɔ́p kɑ pɔ́ ńdʉꞋ ŋɡɔ ŋ kɛ́ pɔ́ fɔɔ wɔp pɔ́ lɑ́, pʉʉ lɔk wɔ́p ńtɔ́ zɑ́Ꞌnɛ, ŋ́ɡwɑt wɔ́p mbi mɔ.
Ŋ́ɡɔ́ɔ ŋ́kɛ́ ŋ́ɡʉ. Lɑ́, pɑlɑ́Ꞌ ɛ̂pɑ́, lɔk pɑꞋ pɔ́p kɑ pɔ́ ḿbɑɑ wɛ́ pɑɑnɛ, ńtúu pʉɔ zʉꞋ yi ɑ ɡʉnɛ́ nɛ́ zúꞋu, ŋɡɔ pɔ́p ɡʉ ńcú ŋɡɔ: «Pɛk kɑ́ pɔ́ ŋ́kɔŋ ŋɡɔ ŋu wɑ́lɑ́ sɑ́Ꞌ wɛk pɔ́.»
Ɛ́ ɡʉ ńdɑ́Ꞌ ḿbɔ́ pɔ́nɛ tɛ pʉɔ tɛ ńzɑ́ɑ tsɛtsɛt pʉʉ pɔɔ pɛn ńzɑ́p tʉ́m nǔu mɔ pɔ́, pɔ́p shɔtnɛ ɛ́fɛn mɛmbʉʉ mɔ́p, ɛ́shɔtnɛ ḿbɑɑ mɛmbʉʉ mɔ́p.
Ŋɡɑŋ pɔ́ pɑ́Ꞌ wɛcɔ́ ŋu ẅí ɑ kɑ tsʉ́Ꞌ nɛkút ndɑ́, ḿbiitɛ ńtúŋ zʉꞋ túŋnɛ tɛ ŋ́kúu nǔu mɑ́mɑ́ ŋɡɔꞋ lɑ ḿbɔ́ɔ cʉ́ndɑ́, lɑ ńtík ndɑ́ ndǔ. Mbʉŋ ɡɛ ńdɔ́, ŋ́ɡʉ ŋki tɔ́ ńtɛ́mɛ nǔu cʉ́ndɑ́, lɑ́ ŋ́kɛ́ ḿbɔɔ kuꞋ nɛɡɛ tɛ ɛ́ ŋɑtnɛ pɔ́, mbíꞋŋɡɔ pɛ́ kɑ niitɛ ŋ́kút ndɑ́ sʉ́Ꞌnɛ.
Yɛ́su cú nu mbɔ̌ lɑ́Ꞌ tɛ ḿbɔ́tnɛ ńnɑ́ŋ, ḿbɛn nzʉʉ nɛ́ Kɑpɛɛnɑwûm.
