30 Mbɑ wɔ̌ lɑ́ tɔ́ ńdɔ́ɔ yúu mbɔ̌ ɡu, ɔ ɡɑ́ mbɔ̌ wɛ́! Ŋu lɑɑ ńtɔ́ ḿbɛ́ɛ yúu yú ńdɔk ŋ́ɡʉ, ɔ pɑ́ɑ nɛkɑ́!
Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.
Ŋ kɑ pɔ́ ńnyɛt wʉ́ʉ ŋkɑ́ tsʉʉ ntɛ́ yi ɛ́ sɛ́ ḿbíkŋɛ ŋɡɔ pɛ́ fɑꞋ pɔ́Ꞌɔ, ńjí ŋɡɔ pɛ́ ɡʉ cẅɛ́lɛ́ pɑ kɛ́ yúu. Ɛ́ pɔŋ nɛkẅíitɛ nu yi kwɑꞋ Tsɑpʉɔ Yɛ́su kɑ cúnɛ ŋɡɔ: “Ŋu ɑ ɡɑ́nɛ yúu ɡẅɛɛ pɔ́ttú ńtsɑ ŋu ɑ cẅɛ́ɛnɛ.”»
likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.
Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»
Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.
Yúu mi ɛ́ ḿbɔ́ ḿbɔŋ ŋɡɔ pʉʉ ɡɛ pɔ́ pɔ nɛpɛ́ɛ yúu sʉ́Ꞌnɛ yi ɛ́ tsɛt mɛkɑ́ŋ mʉ́ʉ, ŋ́ɡɑ́ mbɔ̌ pɛkɛyúu, pɔ́p jʉ́ yɔ́p. Pʉʉ ɡɛ ŋ́ɡɛ pɔ́Ꞌɔ, lɑ́ tʉ́m wʉ́ʉ kɛ ḿbɔɔ ńdɛ́ɛnɛ mbi Sɛ́.»
Pʉʉ nɑ́ŋ ńcẅɛ́lɛ́ pʉɔ, Sɛ́ ɡɛ ńcẅɛ́lɛ́ wʉ́ʉ. Pɛ́ ɡʉ ŋ́ɡɛ ńníꞋ yúu tsɛt pɑɑ-ŋu tɛ ɛ́ lúu pɛ́ tsʉ́Ꞌnɛ, ńdẅíkŋɛ tɛ mɛmbɑŋ tswɛnɛ sɛ́! Pʉʉ jí ŋɡɔ Sɛ́ ɡʉ ńtɑ́ɑ ńníꞋ pɑɑ yʉ́ʉ pɔ pɑ́Ꞌ pʉʉ zɛnɛ ńníꞋ yɛ́ pɛcɔ́ pʉɔ.»
Yɛ́su lẅiklɛ ńcú ŋɡɔ: «Ɛ́ ndʉ́ŋndʉŋ pɑ́Ꞌ Tɑ̌ɑ mɔ ẅí ɑ tʉ́nɛ́pú, ɑ ɡʉ ŋ́ɡɛ nǔu mbɑ wɔ̌ lɑ́ tsɛtsɛt pʉʉ, pɑ́Ꞌ ɑ lɑɑ mbɔɔ likŋɛ mɛfɑɑnɛ mɔ́ɔmɑ́ wɛ nɛ́ ŋɡɔŋ tʉ́m yɛ́ tsʉʉ pɔ́.»
Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,
Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.
Ŋu lɑɑ ńtswɑ́ɑ pɔ́ nɛtúutɛ wu, ɔ shɔt yɛcɔ́ ɡúŋ, ŋ́ɡɑ́ ɑ mɛkŋɛ ńtswɑ́ɑ! Ŋu lɑɑ ŋ́ɡẅɛɛ wú ńcẅɛ́ɛ ndẅí-fɑ́k yu, ɔ mɛkŋɛ ɛ́sɔt yi tsɛtú, ŋ́ɡɑ́ mbɔ̌ wɛ́!
Yúu mi pʉʉ sɛ́ ńtsɑ́ɑ ŋɡɔ pɛ́ ɡɛ nǔu pʉʉ lɑ́, pʉʉ ɡɛ kwɑꞋ yîyɑ́ nǔu pɛcɔ́ pʉɔ!
