29 Ŋu lɑɑ ńtswɑ́ɑ pɔ́ nɛtúutɛ wu, ɔ shɔt yɛcɔ́ ɡúŋ, ŋ́ɡɑ́ ɑ mɛkŋɛ ńtswɑ́ɑ! Ŋu lɑɑ ŋ́ɡẅɛɛ wú ńcẅɛ́ɛ ndẅí-fɑ́k yu, ɔ mɛkŋɛ ɛ́sɔt yi tsɛtú, ŋ́ɡɑ́ mbɔ̌ wɛ́!
Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.
Pʉɔ sɛ́ ńdɔk wʉ́ʉ ŋ́ɡɛ pɛkwɑɑ pɔ́p, pʉʉ ɛ́fɑꞋ pɔ́p jʉ́, pɔ́p sɛ́ ńjɔ yúu pʉ́ʉ, ḿbɔ́ ńnɔt wʉ́ʉ, ńtɔ́ pɔ́ nɛɡʉ̈ɔꞋ pʉʉ, pʉʉ pɛ́m pɛ́mnɛ.
Ŋu wʉʉ nɛzɛɛ ńdɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, ɛ́ lɔk ńnyɛt ŋɡɔ cúꞋlɛ yʉ́ʉ kɑ́ pɔ́ ńnɛn pɔ́. Ɛ́ zɛɛ ŋ́ɡɛ pɑ́Ꞌɑ pɛ́ fɑɑnɛ nu mbɔ̌ ŋu wʉʉ, ŋɡɑŋ pɔɔ sʉk sʉknɛ pɔ́, ńjʉɔ yúu ŋu, ɑ pɔɔ ɡwɑ́k?
Yɛ́su cú pɔ́Ꞌɔ, wɛcɔ́ tɑ́Ꞌ nǔu pɑpyɛ́p ndɑ́-nɔŋpɔꞋ ẅí ɑ ḿbɔ́nɛ zúꞋu tɛ́m pɔ́ nɛtúutɛ yɛ́, ńcú ŋɡɔ: «Yɑ́ pɑ́Ꞌ ɔ tsɔ́Ꞌnɛ nu mbɔ̌ NɔŋpɔꞋ wɛ ɡwɛ́?»
Pɔ́p ɡɔ́ɔ ŋ́kɛ́ ńtẅik mɛ́tɛ́ shʉ́-Yɛ́su, ŋ́kwɛn wɛ́, pɛcɔ́ pʉɔ pɔ́ ńtɛ́m mbɔ́ nɛtúutɛ yɛ́,
Nji júk nɛzɑ́ŋ wɛ́k. Gɑ́k yɛ́k júk ɛ́shí. Ndẅí mɑꞋnɛ pɔɔ ɡú pɔ́. Pɛ́ júk pɔ nɛtswɑ́ɑ wɛ́k. Wɛcɔ́ nɛpɔ́ ẅi mbɔ pɛk pɔ́tnɛ ńnɑ́ŋ tɑ́Ꞌ zʉꞋ pɔɔ ɡú pɔ́.
Pɔ́p kɑ pɛn ŋ́kút shʉ́ wɛ́, ḿbɔ́ ńtswɑ́ɑ wɛ́, ḿbíkŋɛ wɛ́ ŋɡɔ: «Kyɛ́ꞌ ŋu ẅí ɑ tswɑ́ɑnɛ wú.»
Ńcú pɔ́Ꞌɔ, Anɑníyɑs, tɑ́tndɑ́-pɑnɔŋpɔꞋ cú mbɔ̌ pʉɔ pi pɔ́p nɛjɔ́ŋ Pɔ̂l ŋɡɔ pɔ́p tswɑ́ɑ wɛ́ ntsu wɛ́.
Mbɑ wɔ̌ lɑ́ tɔ́ ńdɔ́ɔ yúu mbɔ̌ ɡu, ɔ ɡɑ́ mbɔ̌ wɛ́! Ŋu lɑɑ ńtɔ́ ḿbɛ́ɛ yúu yú ńdɔk ŋ́ɡʉ, ɔ pɑ́ɑ nɛkɑ́!
