26 Pʉʉ pɛpɛktú pɑ́Ꞌ ɛ́ lɑɑ ḿbɔ́ pʉɔ pɔ́ ŋ́kẅíi lík yʉ́ʉ pɔ sʉ́Ꞌnɛ, ɛ́ zɛɛ ḿbɔ́ pɔ pɑ́Ꞌ pɛtɑ̌ɑ pɔ́p kɑ pɔ́ ŋ́ɡɛ nǔu pɛŋɡɛ́mndʉ̈ɔ́Ꞌ pɛ́ kɛpɔŋ.
«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»
Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.
Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.
Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.
MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.
Pʉʉ pɛpɛktú, pʉʉ pinɛ pʉʉ ŋkɔ̂ɔnɛ ŋ́kwɛ́t ńzwɛ́t, mbíꞋŋɡɔ pʉʉ ɡʉ ńdɑ́Ꞌ ḿpfú nji. Pʉʉ pɛpɛktú pʉʉ pinɛ pʉʉ sɛ́ ŋ́ɡwɛ ŋkɔ̂ɔnɛ, mbíꞋŋɡɔ pʉʉ ɡʉ ńdɑ́Ꞌ ńtsʉ́ꞌ ńnɑ́ŋ pɔ tsɛt nɛmʉk ḿbɛn ḿbɔ́ ŋ́kíi.
