17 Yɛ́su pɔ́ yɛcɔ́ lɛ́Ꞌ, ḿbɔ́ ńdɛꞋlɛ nu-Sɛ́, pʉɔ-Fɑlísɑy pɔ́p pɑkyɛ́Ꞌtɛ nɛpʉʉ-Sɛ́ tɔ́ ńnɑ́ŋ nɛjɔ́ŋ yɛ́, ɛ́fú nǔu mɛlɑ́Ꞌ mi ɛ́ tsɛt ŋɡɔŋ Ŋɡɑlilɛɛ pɔ́p Jẅidɛ̂ tɛ mbɑ tʉ́sɔŋ Yɛlúsɑlɛm. Mɛtʉʉ-Tsɑpʉɔ Sɛ́ pɔ́ nǔu Yɛ́su, ɑ lɔk ńzɔŋ mɛɡɔɔ.
Pʉɔ tsʉʉ kɑ pɔ́ ńdɔɔ nɛkuu wɛ́, mbíꞋŋɡɔ mɛtʉʉ kɑ pɔ́ fú nǔu wɛ́, ńzɔŋ wɔ́p pɛ́tsʉʉ.
Yɛ́su tsúŋ ńcú ŋɡɔ: «Ŋu kuu wɑ́ɑ. N zúꞋ pɑꞋ mɛtʉʉ cẅɛtnɛ nǔu mɔ.»
Sɛ́ lɛɛ nǔu mbɔ́-Pɔ̂l ŋ́ɡɛ kwɑꞋ mɛnu mɑ̌ɑmɑɑnɛ mi pɛ́ ŋkɑɑ mɔ jʉ́ɔ pɔ́,
ɛ́sẅíi wɛ́ ŋɡɔ: Pɛfʉmík sɛ́ ńjʉ́ɔ zʉꞋ, pɑpʉ̈ɔ́Ꞌtɛ mɛku pɔ́ ńnɛn sʉ́Ꞌnɛ, ɡɑŋŋkɑꞋ pɔ́ ɛ́fíitɛ, pɛmbúꞋ-mɛtúutɛ́ pɔ́ ńzúꞋ zʉꞋ, pɛpfú pɔ́ ńjʉɔmɛ, pɛ́ sɛ́ ɛ́sɑ́Ꞌ Ŋkʉʉ sʉ́Ꞌnɛ nu-Sɛ́ mbɔ̌ pɛpúŋ.»
Sɛn pɔ́ yú nɛlɔk ŋ́ɡɛ pʉɔ fíitɛ, nɛlɔk ŋ́ɡɛ mɛnu mɑ̌ɑmɑɑnɛ pɔ́p mɛŋkʉꞋnɛ nǔu lík-Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ.»
Ɛ́ pɔ́ yɛcɔ́ lɛ́Ꞌ, pɛcɔ́ pʉɔ pi pɔ́p fúnɛ Yɛlúsɑlɛm tɔ́ ńcúꞋlɛ nɛjɔ́ŋ Yɛ́su, ḿbɔ́ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ,
Yɛ́su ɡɔ́ɔ ńzúꞋ pɑꞋ mɛcɔ́ mɛtʉʉ cẅɛtnɛ mbʉʉ yɛ́, ɛ́shɔtnɛ ńdíŋɛ lɑ́Ꞌ, ḿbíkŋɛ ŋɡɔ: «Wɔ̌ kuunɛ ndẅí yɑɑ?»
Ɛ́ pɔ́ yɛcɔ́ lɛ́Ꞌ, pɛcɔ́ pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ fú Yɛlúsɑlɛm ńtɔ́ nɛjɔ́ŋ Yɛ́su, ḿbíkŋɛ wɛ́ ŋɡɔ:
Lɑ́, ŋu ẅí ɑ sɛ́ ńnɛn nǔu sɛ̂ndúŋ-nu-nɛ́nẅín, ɑ ńtɔ́ zʉꞋ yí kyɛꞌ zúꞋu, ńjí ŋɡɔ pɛ́ ɡʉ ńjʉ́ɔ ŋɡɔ ŋɡɛnɛ mɛnu mɛ́ fú pɔ nǔu pɑ́Ꞌ ɑ sɛ́ ńzúꞋ ntsu-Sɛ́.
Ɛ́ ɡɔ ŋ́kuꞋ lɛ́Ꞌ pɛ́tɑ́t, pɔ́p jʉ́ɔ wɛ́ ndɑ́-nɛnɔŋpɔꞋ. A nɑ́ŋ tsɛtsɛt pɑkyɛ́Ꞌtɛ nɛpʉ́ʉ-Sɛ́, ḿbɔ́ ńzúꞋ mɛnu mi pɔ́p ḿbɔ́nɛ ńcú, ḿbɛn ḿbɔ́ ḿbíkŋɛ wɔ́p nɛ́ mɛcɔ́.
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ńcútɛ tsɛtsɛt pɔ́p ŋɡɔ: «Ŋu ẅi lɔ ńcúꞋlɛ pʉɔ kɛpɔŋ tɛ pɔ́p pɛpɔ́p tɛmtɛ ńjʉ́ yúujʉ́.»
Lɑ́ ŋ́ɡʉ nǔu Pɑ́fɑlísɑy, pɔ́p pɑkyɛ́Ꞌtɛ nɛpʉ́ʉ-Sɛ́, mbɔ pɔ́p kɑ mɛꞋ yɔ́p yîyɑ́ nu mɛꞋnɛ, lɑ ɛ́ pɔ́ yi Sɛ́ kɑ niitɛ ntɛ́ wɔ́p, ḿmɛꞋ pɔ́Ꞌɔ, ḿbɔɔ pɛ́m Jɑ̂ŋ nuꞋ wɔ́p ŋki pɔ́.
Pɛcɔ́ pʉɔ-Fɑlísɑy pɔ́p pɛcɔ́ pɑkyɛ́Ꞌtɛ nɛpʉʉ-Mɔ̌sɛ̂ɛ jʉ́ɔ pɔ́Ꞌɔ, ḿbɔ́ ɛ́sẅíitɛ, ḿbíkŋɛ ɡɑŋku-Yɛ́su ŋɡɔ: «MbíꞋku pʉʉ pɑcẅɛ́ɛntsup pɔ́p pɛcɔ́ pʉɔ kɛpɔŋ tɛmtɛ yúu ńjʉ́?»
Pɑkyɛ́Ꞌtɛ nɛpʉʉ-Mɔ̌sɛ̂ɛ pɔ́p pʉɔ-Fɑlísɑy zúꞋ, ńzɛ nɛpíkŋɛ ŋɡɔ: «Yɔ wɔ̌ ẅí ɑ ɡwɑ́knɛ Sɛ́? Sɛ́ zɛ́nɛ́ jʉ́ kuꞋnɛ nɛlikŋɛ mɛnu kɛpɔŋ-ŋu.»
pɔ́p ńdɑ́Ꞌ ńdɔk mbɔ́ mɔ́p ŋ́ɡẅɛɛ nɔ́, ḿbɔ́ yi pɔ́p lɑɑ ńjʉ́ mɛcɔp, yɛcɔ́ yúu pɔɔ wɔ́p ɡɛ, pɔ́p ɡʉ ńdɑ́Ꞌ ńzɑ́p mbɔ́ mɔ́p nǔu ɡɑŋɡɔɔ pɔ́p fíitɛ.»
Mbɔ pɛcɔ́ pɑkyɛ́Ꞌtɛ nɛpʉ́ʉ-Mɔ̌sɛ̂ɛ lɑ́Ꞌ ɛ́fú Yɛlúsɑlɛm ńcúŋ ńtɔ́, ńcú yɔ́p ŋɡɔ: «Mbɛlzɛ́búl tɑ́tndɑ́ mɛzẅikŋɛ kɛpɔŋ pɔ́nɛ nǔu wɛ́. Ḿbɛn ḿbɔ́ ńcú ŋɡɔ: A lɔk pɔ mɛtʉʉ mɛ́ lɑ ńdɔk ńzuŋ mɛzẅikŋɛ kɛpɔŋ.»
Lɑ́ ɑ ɡʉ, ńdɔk nu ɛ̂yɑ́ ɛ́sɑt zʉꞋ. Ɛ́ pɔ́ pɔ́nɛ tɛ Yɛ́su pɔɔ ḿbɛn ɛ́sɑ́ɑnɛ sɑ́ɑnɛ́nɛ, ŋ́kúu yɛcɔ́ tʉ́sɔŋ pɔ́, ńtsʉ́ꞌ ŋ́ɡɔ́ŋ pɔ sɛ̂ndúŋ, zʉꞋ yí pʉɔ kɑ́ pɔ́ zúꞋu pɔ́. Pɛ́ kɛ́ ḿbɔ́ ɛ́fú zʉꞋ tsʉʉ ńtɔ́ tɔ́nɛ ńjʉ́ɔ wɛ́.
Yɛ́su pʉ̈ɔt mbɔ̌ wɛ́ ŋɡɔ: «Ɔ Íslɑɛ̂l ḿbɔ́ tɑ́Ꞌ cícɑ tɛ pɛ́ jí wú tɛꞋ, ɔ pɛn mbɔɔ yɔ nu jí?
Lɑ́ wɛcɔ́ ŋu wɔp, pɛ́ fúŋnɛ wɛ́ ŋɡɔ Ŋɡɑmɑlíyɛ̂l, lɔ sɛ́ ńcú ŋɡɔ pɛ́ ɡɛ ɡɑŋntúu nɑ́Ꞌ ńcẅɛt píi. Pɔ́Ꞌɔ, ḿbɔ́ ŋu tsɛt nɔɔ-pɑfɑlísɑy, ḿbɔ́ ndʉ́m nǔu nɛkyɛ́Ꞌtɛ nɛpʉ́ʉ-Mɔ̌sɛ̂ɛ, lɑ́Ꞌ ɡɑ́ mɛkuꞋ mɛ́ tɛꞋ.
