21 A ɡɔ́ɔ ŋ́kɛ́ ńzɛ nɛkyɛ́Ꞌtɛ, ńcú ŋɡɔ: «Mɛnu mi pʉʉ fú zɑꞋnɛ nɛzúꞋ tsɛt ŋwɑꞋnɛ-Sɛ́ lɑɑnɛ, ɛ́ puutɛ lɔ́Ꞌnɛ.»
Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.
Ɛ́ lɔk ḿbuutɛ pɑ́Ꞌ Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ ŋwɑꞋnɛnɛ ŋɡɔ Sɛ́ cú ŋɡɔ: «pʉʉ ɡʉ ŋ́ɡɛ ḿbɔ́ ńzúꞋ ŋ́kɛ́ ḿbɔɔ zúꞋ tsɛt wɛ pɔ́, ḿbɔ́ ńdíŋɛ zʉꞋ ŋ́kɛ́ mbɔɔ yúu jʉ́ɔ
Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!
Yɛ́su kɑ fúŋ yîyɑ́ zʉꞋ tɛ ɛ́ mɛ, ŋ́kɑ́tɛ ŋwɑꞋnɛ, ŋ́ɡɑ́ mbɔ̌ ŋu ẅí ɑ fɑꞋnɛ ndɑ́ zúꞋu, ńcúŋ, ńnɑ́ŋ sɛ́ nɛkyɛ́Ꞌtɛ. Pʉɔ pinɛ pɔ́p ḿbɔ́nɛ ndɑ́-cúꞋlɛ tík mík nǔu wɛ́, ḿbɔ́ ńzẅíꞋlɛ.
Pɔ́p zúꞋ sẅiŋɛ yi ɛ́ cẅɛtnɛ ntsu wɛ́. Ɛ́ pɔ́ ḿbɔŋ wɔ́p, ḿbɛn ḿbɔ́ ŋ́kʉꞋnɛ wɔ́p. Pɔ́p zɛ nɛpíkŋɛ, ńcú ŋɡɔ: «Yɔ kɑ pɔ́ mɔ́ɔ-Yɔsɛ̂p pɔ́ ɔɔ?»
