Lúkɑ́shi 4:17 - Kɑɑ Fí

¹⁷ Pɛ́ pɛ́ɛ ŋwɑꞋnɛ-Ɛsɑ̌yɑ ŋɡɛ́mndʉ̈ɔ́Ꞌ-Sɛ́, ŋ́ɡɑ́ mbɔ̌ wɛ́. A níɛꞋ nǔu zʉꞋ yi pɛ́ kɑ ŋwɑꞋnɛ zúꞋu ŋɡɔ:

Lúkɑ́shi 4:17 交叉引用

ŊwɑꞋnɛ-Gɑŋntúu Yɛ́su Kɛlístɔ 13:15

Pɛ́ fúŋ sẅíŋɛ-Sɛ́ tsɛt ŋwɑꞋnɛ-nɛpʉ́ʉ mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́, ɛ́fúŋ tɛ ḿbɔ́tnɛ ńnɑ́ŋ, pɛlʉ́m tsɛt yîyɑ́ ndɑ́-cúꞋlɛ túu pɛ́ ɡʉ ḿbíkŋɛ wɔ́p ŋɡɔ: «Pɔ́ɔpɛ́mɑ́, pʉʉ lɑɑ ŋ́ɡẅɛɛ sẅiŋɛ nɛlɔk ńníꞋ mɛtʉʉ pʉɔ, pʉʉ ɡɑ́.»

ŊwɑꞋnɛ-Gɑŋntúu Yɛ́su Kɛlístɔ 7:42

Pɔ́p kɑ ɡɛ pɔ́Ꞌɔ, Sɛ́ tɛ́m ŋkwɛn yɛ, ńnɑ́ wɔ́p. Pɔ́p zɛ nɛɡúꞋlɛ yúu mi ɛ́ nɛpú. Ndʉ́ŋndʉŋ pɑ́Ꞌ pɛŋɡɛ́mndʉ̈ɔꞋ-Sɛ́ kɑ pɔ́ ŋ́ɡʉ ńtɑ́ɑ ńdɛꞋlɛ nu yɔ́p ŋɡɔ: «Pɔ́ɔ-pɑíslɑyɛ̂l, pʉʉ kɑ nɛn kɔ̂ŋtɛt ŋɡuꞋlɑ́Ꞌ mɛɡɛ́mɛ́nɛ́kwɑ pɛ́Ꞌɛ, ŋ́ɡwɑt mɛyúumɛku ŋ́ɡɑ́ yúujʉ́ ńdɔk ŋ́ɡúꞋlɛ mɔ Sɛ́ wɔ?»

ŊwɑꞋnɛ-Gɑŋntúu Yɛ́su Kɛlístɔ 13:27

Lɑ́ ɛ́ kɛ́ ḿbɔ́ pɑ́Ꞌɑ, mbɔ pʉɔ-Yɛlúsɑlɛm pɔ́p pɑsɑ́Ꞌ lɑ́Ꞌ yɔ́p ŋ́kɑɑ kɛ́ ńjí ŋu ẅí Yɛ́su jʉ́ pɔ́, pɔ́p ŋ́kɑɑ pɛn ŋ́kɛ́ ńzúꞋ yúu mi sẅiŋɛ-pɛŋɡɛ́mndʉ̈ɔ́Ꞌ-Sɛ́ cúnɛ pɔ́, lɑ́ ḿbɛn ŋ́kɛ́ ḿbɔ́ ɛ́fúŋ ŋɡɔŋ mɛlɛ́Ꞌnji mɔ́p tsʉʉ. Ɛ́ kɑ lɛɛ pɔ́Ꞌɔ, pɔ́p ŋɑk Yɛ́su pɑ́Ꞌ pɛ́ ɡʉ ńjẅí wɛ́. Pɔ́p kɑ lɔk pɔ́Ꞌɔ, ŋ́ɡɛ yúu mi pɛŋɡɛ́mndʉ̈ɔ́Ꞌ-Sɛ́ kɑ zɑ́Ꞌnɛ njí ńcú puutɛ,

Lúkɑ́shi 20:42

Fɔɔ Ndɑvît kwɑꞋ jʉ́ ńcú tsɛt ŋwɑꞋnɛ-mɛzɔpŋki ŋɡɔ: Tsɑpʉɔ Sɛ́ cú mbɔ̌ wɑɑ Tɑ́t ŋɡɔ: «Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ,

Lúkɑ́shi 4:16

Yɛ́su lɑ́Ꞌ ńnɑ́ŋ tɛ ḿbɛn Nɑ̌ɑzɑlɛt, zʉꞋ yi ɑ kɑ ɡúꞋnɛ zúꞋu. Lɛ́Ꞌ-nji yɔ́p kuꞋ, ɑ ɡʉ ndɑ́-cúꞋlɛ Pɑyúdɑ pɑ́Ꞌ ɑ lɔ ńzɛɛ ŋ́ɡʉ. Ŋkɑ́ kuꞋ, ɑ lɔ sɛ́ nɛfúŋ ŋwɑꞋnɛ-Sɛ́.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Lúkɑ́shi 4:20

Yɛ́su kɑ fúŋ yîyɑ́ zʉꞋ tɛ ɛ́ mɛ, ŋ́kɑ́tɛ ŋwɑꞋnɛ, ŋ́ɡɑ́ mbɔ̌ ŋu ẅí ɑ fɑꞋnɛ ndɑ́ zúꞋu, ńcúŋ, ńnɑ́ŋ sɛ́ nɛkyɛ́Ꞌtɛ. Pʉɔ pinɛ pɔ́p ḿbɔ́nɛ ndɑ́-cúꞋlɛ tík mík nǔu wɛ́, ḿbɔ́ ńzẅíꞋlɛ.

Lúkɑ́shi 16:29

Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Pɔ́ɔpɛ́mɑ́ pú ɡẅɛɛ Mɔ̌sɛ̂ɛ, ḿbɛn ŋ́ɡẅɛɛ mɛ pɛŋɡɛ́mndʉ̈ɔ́Ꞌ-Sɛ́. Pɔ́p zúꞋ wɔ́p.»