Lúkɑ́shi 24:51 - Kɑɑ Fí

⁵¹ A pɔ́ ńníꞋ mbɔ́tnɛ nǔu pɔ́p pɔ́Ꞌɔ, ḿbɔ́ ŋ́kɔ́Ꞌ ŋ́ɡʉ nɛ́ tʉ́nɛ́pú.

Lúkɑ́shi 24:51 交叉引用

ŊwɑꞋnɛ-Gɑŋntúu Yɛ́su Kɛlístɔ 1:9

Yɛ́su kɑ cú yɔ nu tɛ ḿbɔ́tnɛ ńnɑ́ŋ, pɔ́p tʉ́ʉ ḿbɔ́ ńdíŋɛ wɛ́ líŋɛ́nɛ, ɑ kɔ́Ꞌ nɛ́ tʉ́nɛ́pú. Yɛcɔ́ lɑ́ɑ pɔɔ wɛ́, ɑ pɛ́ mík pɔ́p.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Lúkɑ́shi 24:50

Yɛ́su cú pɔ́Ꞌɔ, ńdɔk wɔ́p ńcẅɛt, ŋ́ɡʉ tɛ ńtsʉ́Ꞌ nɛkúu Mbɛtɑni, ŋ́kɑꞋ mbɔ́ ŋ́ɡɑ́ tʉ́, ńníꞋ mbɔ́tnɛ nǔu pɔ́p.

Lúkɑ́shi 24:52

Pɔ́p tsʉ́Ꞌ ńtʉ́ʉ zúꞋu ḿbɔ́ ŋ́ɡúꞋlɛ wɛ́, tɛ ɛ́ kuꞋ, pɔ́p lɔk tsɑ́ɑtɛ ḿbɛn nzʉʉ nɛ́ Yɛlúsɑlɛm.