48 Pʉʉ ɡʉnɛ ŋ́kɛ́ ḿbɔ́ pɑjʉ́ ńjʉ́ɔ, nɛlɔk mɛnu ɛ̂mɑ́ ɛ́sɑt lɑ́Ꞌ.
A lɔk mɛlɛ́Ꞌ tɛ ńzɑ́ɑ, ńnyɛt mbʉʉ yɛ mbɔ̌ pʉɔ pí pɔ́p pɛ́ pɔ́p kɑ fúnɛ Ŋɡɑlilɛɛ ńtɛmtɛ ŋ́ɡʉ Yɛlúsɑlɛm. Píipɑ́ pʉɔ ŋkɔ̂ɔnɛ ḿbɔ́ pɛ́ pɑjʉ́njʉ́ɔ mbi lɑ́Ꞌ.
Pɛk cú pɑ́Ꞌɑ ḿbɔ́ pɑjʉ́ ńjʉ́ɔ nǔu mɔnɛ mɛnu. Zẅikŋɛ Lɛ́ɛnɛ́nɛ yi Sɛ́ sɛ́ ŋ́ɡɑ́ mbɔ̌ pʉɔ pi pɔ́p sɛ́ ńzúꞋ ntsu wɛ́ tsʉ́ʉnɛ́nɛ wɛk nɛcú.»
Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.
Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»
A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.
Pɛk wɔ tʉ́ʉ pɑꞋnɛ mbɔ pɛk kɑ lɔk mík mɛ́k ńjʉ́ɔ mbɑ kʉ̈ɔ́ lɑ́ yi ɑ kɑ ɡɛnɛ tsɛt lɑ́Ꞌ-pɑyúdɑ mbɑ Yɛlúsɑlɛm. Pɛ́ kɑ ɡɔ́ ńjẅí wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.
Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.
N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.
Sɛ́ ɡɑ́ mɑ́mɑ́ mɛtʉʉ mbɔ̌ ɡɑŋntúu-Yɛ́su ŋɡɔ pɔ́p lɔk ŋ́kẅiꞋ ɛ́sɑ́Ꞌ nǔu ntɛ́ yi pʉɔ ɡʉ ńzúꞋ ńjí ŋɡɔ Sɛ́ kɑ zẅíimɛnɛ Tsɑpʉɔ Yɛ́su nǔu nɛvú. Sɛ́ sɛ́ ńníꞋ mbɔ́tnɛ nǔu pɑpɛ́m Yɛ́su pɛtsʉʉ pɑ́ꞋtɛꞋ.
Pʉʉ yʉ́ʉ pɛn ŋ́kɑ́t ɛ́sẅíi nu yí pʉʉ jínɛ nǔu mɔ, ɛ́ pɔ́ pɔ pɑ́Ꞌ pɛkŋɛ pɔ́nɛ tɛ ɛ́fú nzɛnɛ.
Ɔ zɛɛ ńtʉ́ʉ pɑ́Ꞌɑ, ŋ́ɡẅɛɛ nɛɡʉ zʉꞋ tsʉʉ ndǔ tsɛ́tsɑ́Ꞌ, ɛ́sẅíi pʉɔ nɛ́ nu yi ɔ jínɛ nǔu ŋu ndʉ́ŋndʉŋ ɛ̂wɑ́, yi ɔ jʉ́ɔnɛ, mbɑ yi ɔ zúꞋnɛ.
