Lúkɑ́shi 24:39 - Kɑɑ Fí

³⁹ Pʉʉ líŋɛ mbɔ́ mɑ́ɑ nɛ mɛku mɑ́ɑ lɑ́ ńjʉ́ɔ, ɑ kwɑꞋ mɔ. Pʉʉ mɔɔtɛ wɑ́ɑ lɑ́ ńzúꞋ, jíjʉ́ŋ-ŋu kɑ́ ɡẅɛɛ mbɑp-mbʉʉ pɔ́, ŋ́kɛ́ ḿbɔɔ mɛtsẅí ɡẅɛɛ, pʉʉ kɛ ńjʉ́ɔ pɑꞋ, m bɛn ŋ́ɡẅɛɛ mbɑp-mbʉʉ nɛ mɛtsẅí.»

Lúkɑ́shi 24:39 交叉引用

Jɑ̂ŋ 20:27

Ńcú mbɔ̌ Tɔmɑ́shi ŋɡɔ: «Ɛ́sɔ́klɛ mɔ́ɔ tɔ̂pɔ́ wu zɑꞋnɛ. Líŋɛ mbɔ́ mɑ́ɑ. Ɛ́sɔ́klɛ pɔ́ yú, ɛ́sɔ́klɛ nǔu ɡúŋ ŋ́ɡíi wɑ́ɑ. Kɔɔ pɛn ḿmʉ́Ꞌtɛ, pɛ́m ŋɡɔ ɑ kwɑꞋ mɔ.»

1 Jɑ̂ŋ 1:1

Pɛk ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ ńdɔk ɛ́sẅíi wʉ́ʉ nɛ́ nu nǔu sẅiŋɛ yi ɛ́ ɡɛnɛ pɛ́ pɔ́ ɡú, yi ɛ́ pɔ́ pɔ ɡú tɛ ɛ́fúnɛ nzɛnɛ-yúu tsʉʉ, pɛk kɑ lɔk mɛtúutɛ mɛ́k ńzúꞋ, ńdɔk mík mɛ́k ńjʉ́ɔ, ńniitɛ ńdíŋɛ ńdɔk mbɔ́ mɛ́k ŋ́kuu.

Jɑ̂ŋ 20:20

A cú pɔ́Ꞌɔ, ńnyɛt wɔ́p nɛ mbɔ́ mɛ́, mbɑ ɡúŋ mbʉʉ yɛ́. Gɑŋku pɛ́ jʉ́ɔ wɛ́, ńtsɑ́ɑtɛ tɛꞋ pɑ́Ꞌ pɔ́p jʉ́ɔnɛ Tsɑpʉɔ.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

Ɛ́bɛlʉʉ 12:9

Pɑ́Ꞌ pɛtɑ́t pɛkŋɛ pɛ́ ndǔ tsɛ́tsɑ́Ꞌ kɑ pɔ́ ŋ́kɑkŋɛ wɛkŋɛ, pɛkŋɛ zúꞋ ntsu wɔ́p lɑ́, tɛ ŋkɑ́ yɛsʉ́Ꞌ pɑ́Ꞌ pɛkŋɛ ɡʉ ńnɔɔ sɛ́ mbi Tɑ́t wɛkŋɛ ẅi ɑ tʉ́nɛ́pú, ɑ ɡɑ́ luk zúꞋu mbɔ̌ pɛkŋɛ?

Jɑ̂ŋ 20:25

A ɡɛ ńtɔ́, ɡɑŋku-Yɛ́su cú mbɔ̌ wɛ́ ŋɡɔ: «Pɛk lɑ́Ꞌ ńjʉ́ɔ Tsɑpʉɔ.» Tɔmɑ́shi tsɔ́Ꞌ mbɔ̌ pɔ́p ŋɡɔ: «Ŋ dɑɑ ḿbɛ́t kɛ́ jʉ́ɔ cʉ́ fʉ́ŋ yi mɛmbɑŋ kɑ ńníꞋnɛ nǔu mbɔ́ mɛ́ pɔ́, ḿbɛ́t kɛ́ ɛ́sɔ́klɛ tɔ̂pɔ́ wɑɑ nǔu zʉꞋ mɛmbɑŋ, ḿbɛ́t kɛ́ ɛ́sɔ́klɛ pɔ́ yɑ́ɑ nǔu ɡúŋ ŋɡíi wɛ́ pɔ́, m bɔɔ pɛ́m.»

ŊwɑꞋnɛ-Gɑŋntúu Yɛ́su Kɛlístɔ 1:3

A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.

Lúkɑ́shi 23:46

Yɛ́su nɑ́ŋ nǔu tʉ́ mbɑ́ŋtɛ pɑ́ŋtɛ́nɛ, tɛ ŋ́kíi nɛ́ ŋɡi tɛnnɛ, ńcú ŋɡɔ: «Tɑ̌ɑ mɔ, ŋ ɡɑ́ zẅikŋɛ yɑ́ɑ nǔu mbɔ́ mú. Ńcú pɔ́Ꞌɔ, ŋ́ɡɔ́ɔ ŋ́kɛ́ ńcʉ́ɔ.»

Lúkɑ́shi 24:38

Lɑ́ Yɛ́su cú mbɔ̌ pɔ́p ŋɡɔ: «Lɛ́m yʉ́ʉ sɛ́ ńtsɔ́Ꞌɔnɛ tsɔ́Ꞌnɛ́nɛ mɛlɑ́Ꞌkʉ̈ɔ́? Pʉʉ mʉꞋlɛ mʉꞋlɛ́nɛ mɛlɑ́Ꞌkʉ̈ɔ́?

Lúkɑ́shi 24:40

A ɡɔ́ ńcú ḿbɔ́ ńnyɛt wɔ́p nɛ́ mbɔ́ mɛ́ pɔ́p mɛku mɛ́.