Lúkɑ́shi 24:27 - Kɑɑ Fí

²⁷ Ńcú pɔ́Ꞌɔ, ńzɛ nɛkyɛ́Ꞌtɛ mɛnu tsʉʉ mi ɛ́ tsɛt ŋwɑꞋnɛ-Sɛ́ ḿbɔ́ ńdíŋɛ wɛ́, ɛ́sẅíi wɔ́p, ńzɛ nǔu mɛŋwɑꞋnɛ-Mɔ̌sɛ̂ɛ, ḿbɑ́ɑtɛ ŋ́kúu tsɛt mɛ́ pɛŋɡɛ́mndʉ̈ɔ́Ꞌ-Sɛ́.

Lúkɑ́shi 24:27 交叉引用

Lúkɑ́shi 24:44

A kɑ kwɛ́t tɛ ḿmɛk, ńcú mbɔ̌ pɔ́p ŋɡɔ: «Pʉʉ jʉ́ɔ yúu mi ŋ kɑ pɔ́ ɛ́sẅíi wʉ́ʉ, ŋkɑ́ yi pɛkŋɛ kɑ pɛ́tnɛ ńjúk. Ŋ kɑ sẅíi wʉ́ʉ ŋɡɔ ɛ́ sɛ́ ḿbíkŋɛ ŋɡɔ yɛ́t kʉ̈ɔ́ lɑ́ yi pɛ́ kɑ ŋwɑꞋnɛnɛ nǔu mɔ lɑ́ puutɛ. Mɛnu ɛ̂mɑ́ tsʉʉ tsʉʉ mi ɛ́ tsɛt ŋwɑꞋnɛ-Mɔ̌sɛ̂ɛ, mbɑ tsɛt yi pɛŋɡɛ́mndʉ̈ɔ́Ꞌ-Sɛ́ pɔ́p yi mɛzɔpŋki.»

ŊwɑꞋnɛ-Gɑŋntúu Yɛ́su Kɛlístɔ 10:43

Jʉ́ zɛɛnɛ ḿbɔ́ ŋu ẅí pɛŋɡɛ́mndʉ̈ɔ́Ꞌ-Sɛ́ pɛtsʉʉ kɑ pɔ́ ńdɛꞋlɛ, pɑ́Ꞌ pɔ́p kɑ pɔ́ ńcú ŋɡɔ mbɑ wɔ̌ lɑ́ ẅi ɑ zɑ́pnɛ tʉ́m yɛ́ nǔu Yɛ́su, Sɛ́ ɡʉ ńdikŋɛ mɛnu kɛpɔŋ-ŋɡɑŋ ŋ́ɡɑ́ mbɔ̌ wɛ́, ntɛ́ wɛ́.

Jɑ̂ŋ 5:39

Pʉʉ mɔɔ ŋwɑꞋnɛ ndɛn kɑɑ-Sɛ́ tɛꞋ, mbíꞋŋɡɔ pʉʉ sɛ́ ŋ́kwɑŋɛ ŋɡɔ pʉʉ ɡʉ ńdɛɛ nǔu ŋ́ɡẅɛɛ luk kɛ́mɛ. Yɛ́tɛ kɛ́ nɛ cú ŋu ẅí mɔ jʉ́ pɔ́!

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Lúkɑ́shi 24:25

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»

ŊwɑꞋnɛ-Gɑŋntúu Yɛ́su Kɛlístɔ 7:37

Jʉ́ Mɔ̌sɛ̂ɛ kɑ pɛnnɛ ńcú mbɔ̌ pɔ́ɔ-pɑíslɑyɛ̂l ŋɡɔ: «Sɛ́ ɡʉ ńdɑ́Ꞌ ḿbɛn ńtúu wɛcɔ́ Ŋɡɛ́mdʉ̈ɔ́Ꞌ-Sɛ́ mbɔ̌ pʉʉ. A pɔ́ pɑ́Ꞌ mɔ. A ɡʉ ńdɑ́Ꞌ ńcẅɛt pɔ tsɛtsɛt pʉʉ.»

ŊwɑꞋnɛ-Gɑŋntúu Yɛ́su Kɛlístɔ 3:24

Pɛŋɡɛ́mndʉ̈ɔ́Ꞌ-Sɛ́ pi pɔ́p kɑ cúnɛ nu tɛ ɛ́fú nǔu Sɑmîɛ, ŋ́kúu nǔu pinɛ pɔ́p kɑ pɑ́ɑtɛnɛ nzʉʉ yɛ pɛ́tsʉʉ, pɔ́p kɑ lɛꞋlɛ yɔ́p pɑ́Ꞌ mɔ mɛlɛ́Ꞌ ɡʉ ńdɑ́Ꞌ ḿbɔ́ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 3:22

Mɔ̌sɛ̂ɛ kɑ zɛɛ ńcú ŋɡɔ: «Tsɑpʉɔ Sɛ́ wʉʉ ɡʉ ńdɑ́Ꞌ ńtúu wɛcɔ́ Ŋɡɛ́mndʉ̈ɔ́Ꞌ wɛ. A pɔ́ pɑ́Ꞌ mɔ, ńcẅɛt pɔ tsɛtsɛt pʉʉ. A lɑɑ ndɑꞋ ńcú ŋɡɔ pʉʉ ɡɛ ŋɡɔ́ku ɔɔ pʉʉ zúꞋ.»

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɑ́lɛ́kúshi 4:34

A ŋ́kɑɑ pɔ́ ɛ́sẅíi wɔ́p nɛ́ nu kɛ́ lɔk pɔ́ sɑknɛkɛt pɔ́, ḿbɔ́ ŋkɑ́ yi pɔ́p ɡɑŋku pɛ́ tsʉ́Ꞌnɛ ḿbɔ́, ɑ ŋ́kyɛ́Ꞌtɛ ɛ́sẅíi wɔ́p pɑꞋ ɛ́ lɔknɛ ńcú.

Jɑ̂ŋ 5:37

Tɑ̌ɑ mɔ ẅí ɑ kɑ túunɛ wɑ́ɑ, kwɑꞋ jʉ́ sɛ́ ńcú nu yí ɑ jínɛ nǔu mɔ. Pʉʉ ŋkɑɑ ŋɡi yɛ zúꞋ, ŋ́kɛ́ mbɔɔ shʉ́ wɛ́ jʉ́ɔ.

Jɑ̂ŋ 12:41

Ɛ́sɑ̌yɑcú nu zɑꞋnɛ nǔu Yɛ́su, mbíꞋŋɡɔ ɑ kɑ zɑ́Ꞌ njí ńjʉ́ɔ nɛɡúꞋ Yɛ́su.

ŊwɑꞋnɛ-Gɑŋntúu Yɛ́su Kɛlístɔ 3:18

Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 8:35

Filîp ɡɔ́ ńcú nu nɛlɔk ńcẅi Ŋkʉʉ Sʉ́Ꞌnɛ nǔu Yɛ́su, ńzɛ pɔ kwɑꞋ nǔu yɔ zʉꞋ-ŋwɑꞋnɛ ɛ̂yɑ́.