5 Lɑ́ pɔ́p tsúŋ ńnʉʉ nʉʉnɛ, ńcú ŋɡɔ: «A sɛ́ mbɔ́ ŋ́kɑ́t ɛ́swɛtɛ pʉɔ ŋɡɔ pɔ́p tʉʉ tú. A kɑ zɛ Ŋɡɑlilɛɛ, ŋ́kúu Jẅidɛ̂, ɛ́ pʉ́ɔ lɑɑ ɑ lɔknɛ ńtɔ́ tɔ́nɛ tɛ ŋ́kúu zɑ́Ꞌnɛ lɑɑnɛ.»
Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.
Njí ɡɛ ŋ́kiɛ, Yɛ́su zɑ́p ŋɡɔ ɑ ɡʉ ŋ́ɡʉ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́ɡʉ, ḿbuutɛ Filîp, ńcú mbɔ̌ wɛ́ ŋɡɔ cʉ́ɔ nzʉʉ mɔ.
Pɛ́ kɑ pɔ́ tɛ ŋ́ɡẅɛɛ Jɑ̂ŋ, ŋ́ɡɔ́ɔ ńníꞋ wɛ́ ndɑ́tsɑ́ŋ, Yɛ́su ɡʉ nɛ́ Ŋɡɑlilɛɛ. Ḿbɔ́ ńcẅi Ŋkʉʉ Sʉ́Ꞌnɛ-Sɛ́ ńcú ŋɡɔ:
Yɛ́su ɡɛ ḿbɔ́ ŋ́ɡɔ́ ńnɛn zʉꞋ tsʉʉ tsɛt Ŋɡɑlilɛɛ, ńzíꞋ pʉɔ nɛ́ nu-Sɛ́ tsɛt mɛndɑ́-cúꞋlɛ-pɑyúdɑ, ɛ́sɑ́Ꞌ Ŋkʉʉ sʉ́Ꞌnɛ ẅí ɛ́ sẅíinɛ pʉɔ pɑ́Ꞌ nɛfɔɔ-Sɛ́ pɔ́nɛ, ḿbɔ́ ŋ́ɡɛ ŋu ẅí ɑ ɡẅɛɛnɛ pɔ yɛ́tɛ́ ntɛ́ ɡɔɔ lɑ́ kɛ yɛ́tɛ́ ntɛ́ lɔ́Ꞌ ɔɔ, fíitɛ.
Pɛ́ ɡɑ́Ꞌ nɛzɔŋ. Tɑ́tndɑ́-pɛtɑ́tndɑ́-ntsɔ-Lɔ́mɑ jʉ́ɔ ḿbɔ́k, ŋɡɔ pɔ́p ɡʉ ńcitɛ Pɔ̂l mɛkɛm mɛkɛm, ńcú mbɔ̌ pɑlʉ̈ɔ́Ꞌntsɔ ŋɡɔ pɔ́p fɛ́Ꞌnɛ ḿpfúu, ŋ́ɡɛ pɛ́ lɔk Pɔ̂l ɛ́fú zʉꞋ yi pɛ́ ŋɑknɛ ntsɑŋ zúꞋu ńcẅɛt, ŋɡɔ pɔ́p lɔk wɛ́ ŋ́ɡʉ tsɛt mɑ́mɑ́ ŋkɑ́Ꞌ-pɑlʉ̈ɔ́Ꞌntsɔ.
Wɔ Ŋkʉʉ ẅîwɑ́ kɑ pɑ́ɑtɛ́nɛ nǔu ẅi Jɑ̂ŋ kɑ ɡɔ́ nuꞋ pʉɔ ŋki, ḿbɔ́ ɛ́sɑ́Ꞌ. Pʉʉ sɛ́ ńjí ŋɡɔ yɔ nu kɑ zɛ Ŋɡɑlilɛɛ, ḿbɛn ŋ́ɡʉ ɛ́sɑt zʉꞋ tsɛt Judɛ̂ tsʉʉ.
Pɔ́p zúꞋ pɔ́Ꞌɔ, ńzʉʉnɛ mɛtúutɛ́ mɔ́p, ŋ́ɡíɛt nɛ́ tʉʉ, ńjɛ́Ꞌ ḿbʉ̈ɔtnɛ nǔu wɛ́,
Pɑsɑ́Ꞌlɑ́Ꞌ kɑ zúꞋ pɔ́Ꞌɔ, ŋ́kwɛ́t mɛsɔŋ mɔ́p. Pɔ́p lɔ sɛ́ nzʉʉ Ɛtiyɛ̂n.
Pɛkɛ́m zúꞋ pɑ́Ꞌ pɔ́p cúnɛ pɔ́Ꞌɔ, ńzɑ́ŋ lɔ́ŋ, ńzɛ nɛkwɑŋɛ nɛjẅí ɡɑŋntúu-Yɛ́su.
Pɑyúdɑ ɡɑ́ ɡwɑ́t ŋɡɔ: «Pɛ́ ńjẅí wɛ́, pɛ́ ńjẅí wɛ́. Ŋ́ɡɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.» Pilɑ́tɔ cú mbɔ̌ pɔ́p ŋɡɔ: «Mɔ ɡʉnɛ ŋ́kẅii fɔɔ wʉʉ nǔu tʉ́ mbɑ́ŋtɛ pɑ́ŋtɛ́nɛ?» Pɛtɑ́tndɑ́-pɑnɔŋ pɔꞋ tsɔ́Ꞌ ŋɡɔ: «A ndɑꞋ Kɑ́sɑ pɔ́, mbɔ pɛk kɑ́ ɡẅɛɛ wɛcɔ́ fɔɔ pɔ́.»
Lɑ́ pɛcɔ́ pʉɔ tsɔ́Ꞌ mbɔ̌ wɛ́ ŋɡɔ: «Ɔ yú ŋu-Ŋɡɑlilɛɛ kɛkʉ̈ɔ́? Ɔ lɑɑ ńdɔɔ sʉ́Ꞌnɛ, mbɔ ɔ ɡʉ ńjʉ́ɔ ŋɡɔ wɛcɔ́ ŋɡɛ́mndʉ̈ɔ́Ꞌ-Sɛ́ ŋkɑɑ mɔ́ cẅɛt Ŋɡɑlilɛɛ pɔ́.»
Pɛcɔ́ pɔ́ ńcú ŋɡɔ jʉ́ pɔ́nɛ Nzɑ́Ꞌŋkʉ ẅi Sɛ́ kɑ kɑꞋnɛ. Lɑ́, pɛcɔ́ pɔ́ ńcú yɔ́p pɔ ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ lɑɑ ḿbɔ́ ɑ pɔɔ fú Ŋɡɑlilɛɛ pɔ́.
Lɑ́Ꞌ kɛ ńdɔk pɔ ŋɡi tɛnnɛ, ńnʉʉ nʉʉnɛ ŋɡɔ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, tɛ ɛ́ tsɑ Pilɑ́tu.
Yɛ́su ɡɔ ɛ́fú ndɑ́ ńcẅɛt, pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́ mbi, ńtsʉ́ꞌ mbɔ́ ḿbíkŋɛ wɛ́ nɛ́ mɛnu pɔ ɛ́fyɛ́tnɛ fyɛ́tnɛ́nɛ,
Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»
Pɛ́ ɡɔ ḿbí Yɛ́su tʉ́sɔŋ-Mbɛ́tɛ́lɛ́hɛm tsɛt pɑk-ŋɡɔŋ-Judɛ̂, ɛ́ pɔ́ ŋkɑ́ Ɛlɔ̂dɛ ḿbɔ́nɛ fɔɔ. Ɛ́ pɔ́ ŋkɑ́ ɛ̂yɑ́, pɛcɔ́ pɑjí nu nǔu pɛcʉ̈ɔ́Ꞌ-sɑŋ fú lɑ́Ꞌ pɔ́p ɡúŋ-sɑ́Ꞌnɛm ńtɔ́ Yɛlúsɑlɛm,
Yɛ́su kɑ cú yɔ nu mbɔ̌ ɡɑŋku pɛ́ ntsɔ̌ppɑ́ nɛ́ nɛɡɛ́m tɛ ḿbɔ́tnɛ ńnɑ́ŋ, ɛ́fú zúꞋu ŋ́ɡʉ, ńnɛn ńzíꞋ pʉɔ nɛ́ yúu ḿbɛn ɛ́sɑ́Ꞌ Ŋkʉʉ sʉ́Ꞌnɛ tsɛt mɛtʉ́sɔŋ nǔu yîyɑ́ pɑk-ŋɡɔŋ.
Pilɑ́tu zúꞋ pɔ́Ꞌɔ, ḿbíkŋɛ ŋɡɔ: «A ŋu-ŋɡɑlílɛɛ pɔ?»
