39 Wɛcɔ́ tɑ́Ꞌ nǔu pɛtsɔ́ŋ pinɛ pɛ́ kɑ kẅiinɛ wɔ́p pɛ́ Yɛ́su nǔu mɛtʉ́ Mbɑŋtɛ pɑ́ŋtɛ́nɛ pɔ́ ńzɔɔtɛ wɛ́ ŋɡɔ: «Pɛ́ cú ŋɡɔ ɔ Nzɑ́Ꞌŋkʉ-puꞋ pʉ́ɔ? Cẅɛ́ɛ tú yú mbɔ̌ nɛvú, ńcẅɛ́ɛ yɛk lɑ́.»
Ŋ́ɡʉ nǔu pɛtsɔ́ŋ pi pɛ́ kɑ kẅiinɛ wɔ́p nǔu mɛtʉ́ mbɑ́ŋtɛ pɑ́ŋtɛ́nɛ nɛjɔ́ŋ Yɛ́su pɔ́p pɛn ḿbɔ́ ńzɔɔtɛ yɔ́p wɛ́ pɔ pɔ́Ꞌɔ.
Nzɑ́Ꞌŋkʉ wí Sɛ́ kɑ kɑꞋnɛ, fɔɔ-pɑíslɑyɛ̂l, fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu, pɛk jʉ́ɔ, ńzɑ́p tʉ́m yʉ́k nǔu wɛ́.» Pʉɔ pínɛ pɛ́ kɑ tɛmtɛ́nɛ wɔ́p pɛpɔ́p ŋ́kẅii nǔu mɛtʉ́ mbɑ́ŋtɛ pɑ́ŋtɛ́nɛ kɑ pɛn ḿbɔ́ ńzɔɔtɛ yɔ́p wɛ́ zɔɔtɛnɛ.
Lɑ́Ꞌ kɑ tʉ́ʉ ḿbɔ́ ńdíŋɛ pɑꞋ pɛ́ kẅiinɛ Yɛ́su. Pɑsɑ́Ꞌ lɑ́Ꞌ pɔ́ ńzɔɔtɛ Yɛ́su ńcú ŋɡɔ: «A kɑ cẅɛ́ɛ pɛcɔ́ pʉɔ ntsu-nɛvú, ɑ pɛn ńcẅɛ́ɛ kwɑꞋ yɛ́ tú, pɑꞋ ɑ lɑɑ ńcú tɛ ɛ́sẅíi nu ŋɡɔ ɑ Nzɑ́Ꞌŋkʉ ẅí Sɛ́ kɑ tsɔ́Ꞌnɛ.»
Ḿbɔ́ ńcú ŋɡɔ: «Ɔ lɑɑ ḿbɔ́ kwɑꞋ fɔɔ-Pɑyúdɑ, ɔ cẅɛ́ɛ tú yú mbɔ̌ nɛvú.»
Wɛcɔ́ zúꞋ pɔ́Ꞌɔ, ŋ́kɑkŋɛ wɛ́ ŋɡɔ: «Pɛ́ tɛmtɛ ŋ́kẅii wɛkŋɛ pɛ́ ŋu wɑ́lɑ́ nǔu tʉ́ mbɑ́ŋtɛ pɑ́ŋtɛ́nɛ, ɔ jʉ́ɔ pɔ́Ꞌɔ, ɔ kɑ́ pɔ́k Sɛ́ pɔ́. Ɛ́ ɡʉ nǔu pûu, mbɔ pɛ́ kẅii wûu, ɛ́ pɔ́ kwɑꞋ nɛ́nẅín.
