Lúkɑ́shi 23:26 - Kɑɑ Fí

²⁶ Pɛ́ lɔk Yɛ́su ńcʉ́ɔ sɛ̂ndúŋ, ńnɛn tɛ ḿbuutɛ wɛcɔ́ ŋu-silɛɛnɛ, ẅí pɛ́ kɑ pɔ́ ɛ́fúŋ wɛ́ nɛ́ Símɔ̂ŋ, ɑ pɔ́ ɛ́fú ŋkɑ́Ꞌ. Pɑlʉ̈ɔꞋntsɔ ɡẅɛɛ wɛ́, ńdɔk tʉʉ ŋ́ɡɑ́ tʉ́ Mbɑŋtɛ pɑ́ŋtɛ́nɛ-Yɛ́su ŋɡɔ ɑ tíi ńdɔk ńcʉ́ɔ nzʉʉ pɔ́p.

Lúkɑ́shi 23:26 交叉引用

ŊwɑꞋnɛ-Gɑŋntúu Yɛ́su Kɛlístɔ 6:9

Pɛcɔ́ ntɑ́Ꞌ pʉɔ ɡɛ ńzɛ nɛzɔŋ nu yí Ɛtiyɛ̂n cúnɛ. Yɛcɔ́ ɡúŋ pɔ́ pɑyúdɑ pi pɔ́p fúnɛ Silɛ̂nɛ mbɑ Alɛkzɑŋndɛlîi, ḿbɔ́ pʉɔ pi pɔ́p tsɛtsɛt ndɑ́-cúꞋlɛ yi pɛ́ kɑ pɔ́ ɛ́fúŋ ŋɡɔ: «Ndɑ́-cúꞋlɛ-Pɑcẅɛtndɑ́-kwɑɑ.» Yɛcɔ́ ɡúŋ pɔ́ pɑyúdɑ pi pɔ́p fúnɛ tsɛt ŋɡɔŋ-Silisî mbɑ nǔu pɑk-ŋɡɔŋ Azîi.

ŊwɑꞋnɛ-Gɑŋntúu Yɛ́su Kɛlístɔ 6:6

Pɔ́p kɑ tsɔ́Ꞌ pʉɔ pɔnɛ, ńdɔk wɔ́p ńtɔ́ ńnyɛt mbɔ̌ ɡɑŋntúu. Gɑŋntúu cɛꞋlɛ Sɛ́, ńzɑ́p mbɔ́ tú pɔ́p.

ŊwɑꞋnɛ-Gɑŋntúu Yɛ́su Kɛlístɔ 2:10

Pɑfú Filíjîi pɔ́p Pɑnfílî pɔ́p Ɛɡíptɔ, pɑfú Silɛ̂nɛ nǔu pɑk-ŋɡɔŋ-Líbîi, pɑfú Lɔ́mɑ mbɔ́ ńnɑ́ŋ zɑ́Ꞌnɛ pɔ́ pɔ sɛ́.

Lúkɑ́shi 14:27

Ŋu lɑɑ ḿbɔɔ tíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ pɔ́, mbɔ ḿbɔ́ ɑ pɔɔ kuꞋ nɛpɔ́ ŋɡɑŋku wɑɑ pɔ́.»

Lúkɑ́shi 9:23

Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.

ŊwɑꞋnɛ-Gɑŋntúu Yɛ́su Kɛlístɔ 13:1

Ɛ́ m̄bɔ́ tsɛt cúlɛ-pʉɔ-Kɛlístɔ yi ɛ́ m̄bɔ́nɛ tʉ́sɔŋ-Antíyɔshɛ, pɛŋɡɛ́mndʉ̈ɔ́Ꞌ-Sɛ́ pɔ́ zúꞋu, ŋ́ɡɛ pɑzíꞋ pʉɔ nɛ́ nu-Sɛ́. Yɔ m̄bɔ́ Pɑnɛpɑ́ɑshi, ŋ́ɡɛ Símɛyɔ̂ŋ ẅí pɛ́ fúŋnɛ wɛ́ ŋɡɔ Shíshíŋu, ŋ́ɡɛ Lusius, mɔ́ɔ-pɑk-ŋɡɔŋ-Silɛ̂nɛ, ŋ́ɡɛ Mɑnɑyɛn ẅí pɔ́p Ɛlɔ̂dɛ ẅí ɑ m̄bɔ́nɛ ŋɡɔ́mnɑɑ Ŋɡɑlílíyɑ kɑ ɡúꞋnɛ, ḿbɛn ŋ́ɡɛ Sɔ̂l.

Lúkɑ́shi 23:25

Ńnɑ́ ŋu ẅí pɔ́p kɑ pɔ́ ḿbíkŋɛ. Ŋu ẅí ɑ kɑ kúunɛ tsɑ́ŋ ntɛ́ vɑꞋ mbɑ nɛjẅí ŋu, ḿbɛn ŋ́kúu nǔu Yɛ́su, ńtsʉ́Ꞌ ŋ́ɡɑ́ wɛ́ mbɔ̌ pɔ́p ŋɡɔ pɔ́p lɔk wɛ́ ŋ́ɡʉ ŋ́ɡɛ yúu mi pɔ́p ḿbɔ́ ŋ́kɔŋ nɛɡɛ.

Mɑtʉ̈ɔ 5:41

Ŋu lɑɑ ńdɔk tʉʉ ɛ́fyɛ́t ŋu ŋɡɔ ɑ tíi piꞋ yɛ́, ńdɔk ńnɛn yúu tɑ́Ꞌ kílɔmítɑ nɛ́ kɛm, ɑ lɔk ńnɛn nǔu yúu kílɔmítɑ yɛ́tɑ́t.