22 Pilɑ́tu cú nu nǔu mbɑ́ɑtɛ yɛtɑ́t ŋɡɔ: «Nu kɛpɔŋ ɑ ɡɛnɛ pɑꞋnɛ ḿbɔ́ kʉ̈ɔ́? Ŋ kɑ́ jʉ́ɔ yɛcɔ́ nu yi ɑ fɑɑnɛ́nɛ tɛ ḿbɔ́ pɛ́ jẅí wɛ́ jẅínɛ pɔ́. Mɔ ńcú pɛ́ lɔk ŋɡwɑɑ ńtswɑ́ɑ wɛ́, n nɑ́ wɛ́ ɑ ɡʉ.»
ńcú mbɔ̌ pɔ́p ŋɡɔ: «Pʉʉ lɑ́Ꞌ ŋ́ɡɔ ńdɔk ŋu wɔ ńtɔ́ mbi mɔ, ńcú ŋɡɔ ɑ sɛ́ ḿbʉ́ʉpɛ tú-lɑ́Ꞌ. Ŋ ŋɑk wɛ́ pɔ mbi pʉʉ. Ŋ ɡʉ nǔu mɛnu mi pʉʉ lɑ́Ꞌnɛ ńcú nǔu wɛ, ŋ kɑ́ jʉ́ɔ yɛcɔ́ mɛfɑɑnɛ pɔ́.
Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.
A kɑ lɔk pɔ tʉʉndɛn mɛci-Kɛlístɔ ẅí yɛcɔ́ nu kɛpɔŋ kɑ́ pɔ́ nǔu wɛ́ pɔ́, yɛcɔ́ lɔ́Ꞌ kɛ́ mbɔɔ nǔu wɛ́ pɔ́. Kɛlístɔ kɑ pɔ́ pɑ́Ꞌ mɔ́ɔ-njinjɔ ẅí pɛ́ kɑ jẅínɛ wɛ́ ńdɔk ńnɔŋ pɔꞋ.
Pilɑ́tu pɔ́ ńdɔ́ɔ nɛnɑ́ Yɛ́su nɑ́nɛ, lɑ́ ɛ́ lɛɛ pɔ́Ꞌɔ, ɑ pɛn ńcú nu mbɔ̌ lɑ́Ꞌ cúnɛ.
Ɛ́ pɔ́Ꞌɔ lɑ́, ŋ ɡɛ tsʉ́Ꞌ ńcú pɛ́ tswɑ́ wɛ́ tswɑ́nɛ, ŋ́ɡɔ́ɔ ńnɑ́ wɛ́ ɑ ɡʉ.
Pilɑ́tu cú mbɔ̌ Pɛtɑ́tndɑ́-pɑnɔ́ŋpɔꞋ mbɑ mbɔ̌ lɑ́Ꞌ ŋɡɔ: «Mɔ sɛ́ ḿbɔɔ ńjʉ́ɔ yúu mi ŋu wɔ fɑɑnɛ́nɛ tɛ ḿbɔ́ pɛ́ cú ŋɡɔ ɑ vu ntsɑŋ pɔ́.»
Lɑ́ lɑ́Ꞌ tsʉʉ kɛ ḿbɔ́ ŋ́kẅiꞋ ḿbíkŋɛ pɔ sẅiŋɛ ńcú ŋɡɔ: «Kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, kɛ ŋ́kẅii wɛ́ pɔ nǔu tʉ́ mbɑ́ŋtɛ pɑ́ŋtɛ́nɛ.»
Lɑ́Ꞌ kɛ ńdɔk pɔ ŋɡi tɛnnɛ, ńnʉʉ nʉʉnɛ ŋɡɔ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, tɛ ɛ́ tsɑ Pilɑ́tu.
